【ചൂട് നിറയുമ്പോൾ 】

【ചൂട് നിറയുമ്പോൾ 】
®®®®®®®®®®®

ചൂട് ഉരുകി തിളക്കുന്നു ഭൂമി ഉലയിൽ

മണ്ണിന്റെ പൊട്ടിയ വിടവിൽ-
മഴയെ വിളിച്ചു കരഞ്ഞു തളർന്ന്
ഒരു തവള ചത്തിരിക്കുന്നു.

മാനം കരയാൻ പോലും-
കണ്ണീരില്ലാതെ പിടയുന്നു.

വിയർപ്പ് തുടച്ചു പിഴിഞ്ഞെടുത്തു-
കുടിക്കാൻ ഉപ്പുരസം മനുഷ്യനെ -
അനുവദിക്കുന്നില്ല.

ജലമെടുക്കാൻ വന്ന പെണ്ണിന്
കിണറിന്റെ ഉള്ളുകണ്ട് കരൾ മുറിഞ്ഞു.

വേഴാമ്പൽ പലനാട് തേടി പറന്നെങ്കിലും-
ഉറവ വറ്റിയ കാഴ്ചകൾ മാത്രം മുന്നിൽ.

കാക്കകൾ കാണുന്ന ഭരണികളിലെല്ലാം-കല്ലുകൾ നിറച്ചിട്ടും ജലം പൊന്തിവന്നില്ല.

നിളാനദി നിര്യാതയായി..

വാടി കരിഞ്ഞ ചെടികൾക്ക് പൂക്കൾ കുറഞ്ഞു.

മുലപ്പാൽ വറ്റിയ അമ്മയെ പോലെ ഭൂമി കരഞ്ഞു
മക്കളെ നാവുനനപ്പിക്കാനാകാതെ.

ചൂടിന്റെ ലാളനത്താൽ ഉറക്കം കിട്ടാതെ-
ഓരോ ഹൃദയവും ഭ്രാന്തമായി.

ഭൂമി നീ എന്നാണ് പിളരുക..
ഈ മക്കളെ നിന്നിൽ ഒളിപ്പിക്കുക.

വാളെടുത്തു നിണവൃഷ്‌ടി നിന്നിൽ ചൊരിഞ്ഞു നിന്റെ ദാഹം തീർക്കുന്നുവർ
എന്നാണ് ഇത്തിരി ജലത്തിനായി
വീണ്ടും നിന്നിൽ രക്തമഴ പെയ്യിക്കുക.

=========
ഗദ്യ വരികൾ
രതീഷ് സുഭദ്രം.