വെന്തുതുടങ്ങിയ
രണ്ടുവറ്റുകളെടുത്തു
കൈവെള്ളയില്‍വെച്ചപ്പോള്‍
അവ
മുഖംവെട്ടിച്ച്
കലത്തിലേക്ക് തന്നെ
പിണങ്ങിപ്പോയി.
രണ്ടുവറ്റുകളെടുത്തു
കൈവെള്ളയില്‍വെച്ചപ്പോള്‍
അവ
മുഖംവെട്ടിച്ച്
കലത്തിലേക്ക് തന്നെ
പിണങ്ങിപ്പോയി.
തിളച്ചുതൂവിയ
വാക്കിന്റെ
വക്കില്‍നിന്ന്
വേവിറക്കി വെക്കുമ്പോള്‍
വിരല്‍ച്ചുണ്ടുകളില്‍
പൊള്ളല്‍ക്കുത്തേറ്റു .
വാക്കിന്റെ
വക്കില്‍നിന്ന്
വേവിറക്കി വെക്കുമ്പോള്‍
വിരല്‍ച്ചുണ്ടുകളില്‍
പൊള്ളല്‍ക്കുത്തേറ്റു .
ചുട്ടുനീറിയ
കൈകുടഞ്ഞ്‌
ഇത്തിരി തണുപ്പ്
പരതുമ്പോള്‍
ഹോര്‍ലിക്സ്കുപ്പികള്‍ക്കിടയില്‍
മറഞ്ഞിരുന്ന്
തേന്‍ കുപ്പി
കണ്ണിറുക്കികാണിച്ചു
'മിണ്ടരുത്..'
കൈകുടഞ്ഞ്‌
ഇത്തിരി തണുപ്പ്
പരതുമ്പോള്‍
ഹോര്‍ലിക്സ്കുപ്പികള്‍ക്കിടയില്‍
മറഞ്ഞിരുന്ന്
തേന്‍ കുപ്പി
കണ്ണിറുക്കികാണിച്ചു
'മിണ്ടരുത്..'
കറിക്കരിയുമ്പോള്‍
പൊള്ളിയ വിരല്‍പള്ളയില്‍ തന്നെ
കത്തി തട്ടിയപ്പോള്‍
അടുക്കളക്കോണില്‍
പേടിച്ചരണ്ട്,
പതുങ്ങിക്കിടന്ന
വളപ്പൊട്ട്‌ ചോദിച്ചു:
'വല്ലാതെ നൊന്തോ..'?
പൊള്ളിയ വിരല്‍പള്ളയില്‍ തന്നെ
കത്തി തട്ടിയപ്പോള്‍
അടുക്കളക്കോണില്‍
പേടിച്ചരണ്ട്,
പതുങ്ങിക്കിടന്ന
വളപ്പൊട്ട്‌ ചോദിച്ചു:
'വല്ലാതെ നൊന്തോ..'?
- ഉസ്മാൻ ഇരിങ്ങാട്ടിരി
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക