നോവ്

ഇന്നീ ഇടവഴിയിൽ മഞ്ഞു പെയ്യുന്നുണ്ട്

കുഞ്ഞിളം കാറ്റുവീശുന്നുണ്ട്

ഇലപൊഴിയുന്നുണ്ട്

നിർ വികാരതയുടെ നിറച്ചാർത്തുകളിൽ

നിഴലിനെ കൂട്ടുപിടിച്ചു ഞാനീ ഒറ്റവരിപ്പാതയിൽ

തനിച്ചാണ്.

പെയ്തിറങ്ങിയ മഞ്ഞുതുള്ളി ഇലയെ തഴുകി

എന്നിലേക്ക് ഒലിച്ചിറങ്ങുമ്പോൾ ഞാനറിയുന്നു...

ഇരുൾവീണ ഒറ്റമുറിയിൽ നീ പൊഴിച്ച കണ്ണുനീരിന്റെ

നോവ്

കാലമൊരു ഇതൾ കൊഴിഞ്ഞ പൂവുപോലെ

എനിക്ക് മുന്നിൽ പുകമറ തീർക്കുമ്പോൾ

അറിയാതെയെങ്കിലും ഞാൻ തിരയാറുണ്ട്

നാം തീർത്ത സ്വപ്നങ്ങളുടെ പൊൻകിരണങ്ങൾ

നിശായാമങ്ങളിൽ ഒരു നേർത്ത വിങ്ങലായ്

ഇന്നും അവശേഷിക്കുന്നുണ്ട് നിന്നിലേക്കെത്താൻ

കഴിയാത്തതിന്റെ വിലാപം

എന്റെ അക്ഷരങ്ങളിലൂടെ ഒഴുകിയൊലിക്കുന്ന

ചോരത്തുള്ളികളത്രയും നിന്നിലേക്കെത്താൻ

കഴിയാതെ പോയ ഹൃദയത്തിനേറ്റ

മുറിപ്പാടുകളിൽ നിന്നാണ്

Mhd