കാലത്തിന്റെ നീതി

ബീക്കൺ ലൈറ്റും സൈറണും ഇട്ട് വേഗതയിൽ വന്ന പോലീസ് ജീപ്പ് മന്ത്രി തോമസ് നാലപ്പാടന്റെ വീടിന്റെ ഗേറ്റിനു മുന്നിൽ തടിച്ചു കൂടിയ ജനങ്ങൾക്കും മാധ്യമ പ്രവർത്തകർക്കും പിറകിലായി ടയറുകൾ തറയിലുരച്ച് ഒരലർച്ചയോടെ നിന്നു .

ഗേറ്റിൽ നിന്ന കോൺസ്റ്റബിൾസ് ജീപ്പിനടുത്തേക്ക് ഓടി വന്ന് അറ്റൻഷനായി .

ജീപ്പിൽ നിന്നിറങ്ങാതെ തന്നെ ACP വാട്സൺ ഡാനിയേൽ അവരെ നോക്കി തലയാട്ടി .

" എന്താണടോ സിറ്റുവേഷൻ ... തുറന്നോ വാതിൽ .."

''നോ സർ .. സർ വന്നിട്ട് തുറന്നാൽ മതിയെന്ന് പറഞ്ഞതു കൊണ്ട് ...."

"ഒക്കെ .. ഇവരെയൊന്ന് ഹാന്റിൽ ചെയ്തേക്ക് ... ആരെയും അകത്ത് വിടണ്ട .. കേരള ടുഡേയുടെ ഫൈസൽ അഹമ്മദ് വന്നാൽ എന്നെ വിളിക്കാൻ പറയൂ ..."

ഗേറ്റിനു മുന്നിലെ ആൾക്കൂട്ടം ശ്രദ്ധിക്കാതെ വാട്സൺ ഡാനിയേൽ വിക്കറ്റ് ഗേറ്റിലൂടെ അകത്ത് കടന്നു ..

അകത്ത് കടന്ന് ഒരു നിമിഷം വാട്സൺ ആ കോമ്പൗണ്ട് മുഴുവൻ ഒന്നു നോക്കി ..

ചുവന്ന ഇഷ്ടിക പാകിയ നടപ്പാതയും , നിറയെ പൂത്ത പൂക്കളുമായി നാലപ്പാട് വീടും രാത്രി മുല്ലയുടെ മണം തൂകുന്ന മുറ്റവും അയാളുടെ മുന്നിൽ നിറഞ്ഞു നിന്നു ..

വാട്സൺ മുന്നോട്ട് ചെന്നപ്പോൾ വീടിന്റെ വാതിൽക്കൽ കൂടി നിന്ന പോലീസ് അറ്റൻഷനായി .. എന്നിട്ട് അകത്തേക്കുള്ള വാതിൽ തുറന്നു ..

മന്ത്രിയുടെ റൂമിനു മുന്നിൽ പേഴ്സണൽ സ്റ്റാഫും മന്ത്രിയുടെ മകനും നിൽപ്പുണ്ട് .

"ഇവിടം ക്ലിയറാണ് സർ ... " SI ഫിലിപ് അഗസ്റ്റിൻ മുന്നോട്ട് വന്ന് പറഞ്ഞു ..

"എങ്കിൽ തുറക്കാൻ നോക്കു .. വാതിൽ ചെക്ക് ചെയ്തില്ലേ ... "

"യെസ് സർ .. ഫിംഗർ പ്രിൻറ്സ് നോക്കി .. പിന്നെ വാതിൽ അകത്തു നിന്ന് ലോക്കാണ് ... "

" വേറെ കീ .. "

" ഉണ്ട് ..മകൻ കൊണ്ടു വന്നിട്ടുണ്ട് .. "

'' ദെൻ ..ഓപ്പൺ ... "

വാട്സണും ഫിലിപ്പും മുന്നോട്ട് ചെന്നപ്പോൾ കോൺസ്റ്റബിൾ മന്ത്രിയുടെ മകന്റെ കയ്യിൽ നിന്നും താക്കോൽ വാങ്ങി റൂം തുറന്നു ..

മുറിയുടെ നടുവിൽ , മറിഞ്ഞു കിടക്കുന്ന സ്റ്റൂളിനു മീതേ കാൽപാദങ്ങൾ കോച്ചി വലിച്ച് മന്ത്രി തോമസ് നാലപ്പാടൻ തൂങ്ങി കിടന്നിരുന്നു .. അഴിഞ്ഞു പോയ വെള്ള കോട്ടൺ മുണ്ട് താഴെ പടർന്ന് കിടപ്പുണ്ട് ..

തുടകൾക്ക് മീതെ മാന്തിക്കീറിയ പാടുകളിൽ നിന്ന് രക്തം ഊറി കട്ടപിടിച്ചിരുന്നു . വെള്ളമുണ്ടിൽ രക്ത തുള്ളികൾ മഷി കുടഞ്ഞതുപോൽ കാണപ്പെട്ടു ..

തുറിച്ച കണ്ണുകളും കടിച്ച നാവുമായി തോമസ് മരവിച്ച് കിടന്നു ..

നാലു നിമിഷം കൊണ്ട് വാട്സൺ ഡാനിയേലിന്റെ എക്സ്റേ കണ്ണുകൾ ആ മുറി മുഴുവൻ ഒപ്പിയെടുത്തു ..

അസ്വാഭാവികമായി അവിടെ ഒന്നും തന്നെ കണ്ടില്ല .. വൃത്തിയായി അടുക്കും ചിട്ടയോടും സൂക്ഷിച്ച മുറി ..

മിറർ ടേബിളിനു മുകളിലിരുന്ന കാപ്പി കപ്പുകളും ഫ്ലാസ്കുകളും വാട്സൺ കണ്ടു ...

''സർ മന്ത്രിയുടെ വീട്ടുകാർ എത്തി ... "

" ഉം .. ക്ലിയർ ചെയ്തോളു .. ഒന്നും വിട്ടു പോകണ്ട .. ഫസ്റ്റ് ലുക്ക് ആത്മഹത്യ തന്നെ എങ്കിലും .. മന്ത്രിയല്ലേ ...എന്തിന് ..? ഏതിന് ..? ആൻസർ കിട്ടും വരെ നമുക്ക് തലവേദന തന്നെ ... "

ചുമരിലൂടെ കയ്യോടിച്ച് മുറി മുഴുവൻ നടന്നു വാട്സൺ ...

താഴെയും മുകളിലും മൂലകളിലും ഒരു പരുന്തിന്റെ ജാഗ്രതയോടെ ആ കണ്ണുകൾ ഓളം വെട്ടി ...

"ഫിലിപ്പേ .. "

''യെസ് സർ .."

"തോമസിന്റെ വൈസിന്റെ പേരെന്താ ...? "

"റേയ്ച്ചൽ ... റേയ്ച്ചൽ തോമസ് .."

''മന്ത്രിക്ക് അവർ വളരെ പ്രിയപ്പെട്ടതാണല്ലേ .... ലുക്ക് ഇറ്റ് ..."

ഫിലിപ്പ് അലമാരയുടെ ഗ്ലാസിൽ നോക്കി ... അതിൽ മാർക്കർ പെൻ കൊണ്ട് എഴുതിയിരിക്കുന്നത് അയാൾ വായിച്ചു ..

"ഇറ്റ്സ് മൈ റേയ്ച്ചൽ ... "

" ഒക്കെ ..താൻ ഇൻക്വസ്റ്റ് തീർത്ത് ഓഫീസിൽ വാ ... ബാക്കി നമുക്ക് അവിടെ സംസാരിക്കാം ... "

''മന്ത്രിയുടെ വീട്ടുകാരുമായി ഒരു മീറ്റിംഗ് വേണം ... പതുക്കെ മതി ... ബാക്കി പ്രോസസിംഗ് ഒക്കെ നടക്കട്ടെ .. നമ്മുടെ കാര്യം കഴിഞ്ഞിട്ട് മതി മീഡിയ അകത്തേക്ക് ...വിവരം മാത്രം പുറത്തു കൊടുത്തേക്കു ... "

* * * * * * * * * * * * * * * * * * * *

മന്ത്രി തോമസിന്റെ മരണം കഴിഞ്ഞ് അഞ്ചാം ദിവസമാണ് വാട്സൺ വീട്ടുകാരെ കാണുന്നത് .. തോമസില്ലാത്ത ആ വീട് മൂകമായി കിടന്നു.....

റേയ്ചലും മകൾ എലീനയും മകൻ ആൽവിനും വാട്സനു മുന്നിൽ നിശബ്ദരായി ഇരുന്നു ....

" മാഡം .. പൊളിറ്റിക്കലി സർ ഇപ്പോൾ ഹാപ്പി ആയിരുന്നു .. അല്ലെങ്കിൽ രാഷ്ട്രിയത്തിലിറങ്ങി ഈ ഇരുപത്തഞ്ചു വർഷവും അദ്ദേഹത്തിനു ക്ലീൻ ഇമേജായിരുന്നു .. സാമ്പത്തികമായി നാലപ്പാട്ടുകാർ വെൽസെറ്റിൽഡ് ആണ് കഴിഞ്ഞ നൂകഴിഞ്ഞ നൂറ്റാണ്ടു മുതലേ .. പിന്നെ എന്തിന് അദ്ദേഹം ഇപ്പോൾ ഇത് ചെയ്തു എന്നെ ഞങ്ങൾക്കറിയേണ്ടതുള്ളു ....."

റേയ്ചലും എലീനയും ഒന്നും മിണ്ടിയില്ല .. ആൽവിൻ മാത്രം സംസാരിച്ചു ..

"ഓഫീസർ .. ഇവിടെ എന്താണ്ടുണ്ടായതെന്ന് ഞങ്ങൾക്കും ഒരു പിക്ചറില്ല .. ഞാൻ നാട്ടിൽ വന്നിട്ട് ഒരു മാസമേ ആയിട്ടുള്ളു .. ഇവർ വന്നിട്ട് നാലു ദിവസവും ... "

"യെസ് .. നിങ്ങൾ വിദേശത്തായിരുന്നു അല്ലേ ...."

" ഉം ... ലാസ്റ്റ് ഫൈവ് ഇയേർസായി ഞങ്ങൾ ജർമനിയിലാണ് .. ചാച്ചൻ എന്തിനിത് ചെയ്തു എന്നത് ഞങ്ങൾക്കും ഒരു പിടിയുമില്ല ... "

" ഇനി പുറത്തു നിന്നെന്തെങ്കിലും പ്രഷറോ മറ്റോ ... നിങ്ങൾക്ക് ഒരു സൂചന പോലുമില്ലല്ലേ ... "

കുറച്ചു സമയം കൂടി സംസാരിച്ചിരുന്ന ശേഷം വാട്സൺ എഴുന്നേറ്റു ...

"മരിക്കുന അന്ന് രാത്രി നിങ്ങൾ സാറിനെ കണ്ടിരുന്നോ വൈകുന്നേരം ആറിനുശേഷം .. "

" ഇല്ല ... ഒരു എട്ടിന് പപ്പ വിളിച്ചിരുന്നു ."

" ആരേ ... "

'' എന്നെ .. " എലീനയാണ് മറുപടി പറഞ്ഞത് ....

"ഇവിടെ നിന്നോ ...? "

"യെസ് ..... വാട്സപ് കോളായിരുന്നു ... പപ്പ എന്തോ ഡിസ്റ്റർബ്ഡ് ആയിരുന്നു .. ഞാനത് അമ്മച്ചിയോട് പറയുകയും ചെയ്തു ... "

"എന്തെങ്കിലും പറഞ്ഞോ പപ്പ .. സംതിഗ് സ്പെഷ്യൽ ?"

"ഒന്നൂല്ല ... നന്നായി ഇരിക്കണം എന്ന് പറഞ്ഞു എന്നത്തെയും പോലെ തന്നെ ... "

" ഒക്കെ .. ഞാനിറങ്ങുന്നു .... " വാട്സൺ റേയ്ചലിനെ നോക്കി ...

* * * * * * * * * * * * * * * * * * * * * *

കോഫീ ഹൗസിലിരുന്ന് ഓർഡർ ചെയ്ത കാപുചീനോ കുടിച്ചുകൊണ്ടാണ് വാട്സണും ഫിലിപും സംസാരിച്ചത് ....

"സർ .. ഇതൊരു ആത്മഹത്യ തന്നെയാണ് ... എല്ലാ മാർക്സും തെളിവുകളും ഉണ്ട് ... എന്തിനു ചെയ്തു എന്നതിന് നമുക്ക് ഉത്തരമില്ല ... പക്ഷെ നമുക്കിത് ക്ലോസ് ചെയ്യാമല്ലോ ..? സർ പിന്നെന്തിന് വറീടാകണം .. "

"അതല്ല ഫിലിപ്പ് .. തോമസിനെ പോലെ ഒരാൾ ... വെൽ സെറ്റിൽഡ്... ക്ലീൻ ഇമേജ് ..... ചുറ്റും പരിവാരങ്ങൾ ... ജീവിതമിങ്ങനെ ഹാപ്പിയായി പോകുമ്പോൾ പെട്ടെന്നെന്തിനൊരു സഡൻ ബ്രേക്ക് ... ഐ സ്മെൽ എ റാറ്റ് ഫിലിപ് ... സംതിംഗ് റോങ്ങ് ..."

വാട്സൺ നെറ്റിയിൽ കൈതാങ്ങി കണ്ണടച്ചു .... തോമസിന്റെ ആ റൂം ആ നിമിഷം വാട്സന്റെ മുന്നിൽ തെളിഞ്ഞു വന്നു ....

"ഫിലിപ്പേ ... തോമസിന്റെ ഹൈറ്റ് എത്രയാ ...? "

" 5.7 അടി സർ ...."

''5.7 വാഡ് സൺ മന്ത്രിച്ചു ...അപ്പോ അത് എഴുതിയത് മന്ത്രിയല്ല .... "

'' ഏതാ സർ ... "

''എടോ ആ അലമാരയിൽ എഴുതിയിരുന്നത് ... ഇറ്റ്സ് മൈ റേയ്ചൽ ... "

"അതെങ്ങനെ സാറിനറിയാം ... "

''ഫിലിപ്പേ ... ഒരാൾ ഫിത്തിയിലോ അതുപോലൊരു ഒബ്ജക്ടിലോ എഴുതുമ്പോൾ ... എപ്പോഴും അത് അവരുടെ ഐ ലെവലിൽ ആയിരിക്കും ... അല്ലെങ്കിൽ അതിനു തൊട്ടു താഴെ .... ആ ലെറ്റേർസ് എന്റെ ലവൽ ആയിരുന്നു ... സോ അതെഴുതിയത് ആറടി മേൽ ഉയരമുള്ള ആരോ ആണ് ..."

ഒറ്റ നിമിഷം കൊണ്ട് ഫിലിപ് അലർട്ടായി ...

"മന്ത്രി അവിടെ ഒറ്റക്കാണ് ..മുറിയിൽ .. അവിടെ രണ്ട് കോഫി മഗ്സ് ഉണ്ടായിരുന്നില്ലേ .. സോ ഹി ഹാവ് എ ഗസ്റ്റ് ... ആ രാത്രി മന്ത്രിക്ക് ഒരു വിരുന്നുകാരനുണ്ടായിരുന്നു .. യു ഗോട്ട് ഇറ്റ് ..."

"യെസ് സർ .. ബട്ട് നമ്മൾ സിസിടിവി ദൃശ്യങ്ങൾ ഫുൾ ചെക് ചെയ്തതാണ് ... അവിടെയാരും വന്നിട്ടില്ല ... പകൽ വന്നു പോയ ഓഫീസേർസും മന്ത്രിയുടെ പേർസണൽ സ്റ്റാഫുമല്ലാതെ , പിന്നെയുള്ളത് ആ വീട്ടിലെ ജോലിക്കാരും ... "

'' ഒക്കെ നമുക്കാ വിഷ്വൽസ് ഒന്നുകൂടി നോക്കാം ... അന്ന് അവിടെ വന്ന ഗസ്റ്റിൽ ആറടിയിൽ കൂടുതൽ ഉയരമുണ്ടെന്ന് തോന്നുന്നവരെ പ്രത്യേകം നോട്ട് ചെയ്യണം ... നമുക്കിതേയുള്ളു ഇപ്പോൾ ഒരു ഓപ്പണിംഗ് ..."

"യെസ് സർ ... നമുക്കിപ്പോൾ തന്നെ അത് ക്ലിയർ ചെയ്യാം ... "

ഒരു മണിക്കൂറിനു ശേഷം സിസിടിവി ദൃശ്യങ്ങളിൽ നിന്ന് അരിച്ചെടുത്ത നാലു പേരുടെ വിവരം വാട്സൺ ഡാനിയലിനു മുന്നിൽ എത്തി ...

''നാലു പേർ അല്ലേ ഫിലിപ് ...."

"യെസ് സർ ... നാലു പേർ ... കമ്മിഷണർ രാജൻ മാത്യൂസ് , തോമസ് സർ ന്റെ ബ്രദർ ഇൻ ലോ സ്റ്റാൻലി , സിറ്റി മാൾ ഓണർ യൂസഫ് ഷാ , മന്ത്രിയുടെ പേർസണൽ ഡോക്ടർ അലക്സ് സാമുവേൽ ... "

"സോ ഇവർ നാലു പേരിൽ ആരാകും തോമസ് സർനെ ഒരു കയറിൽ തൂക്കാൻ മാത്രം ഷോക്കു കൊടുത്തിട്ടുണ്ടാകുക .. "

"സർ .. ഇതിൽ നിന്ന് രാജൻ സർനെ മാറ്റി നിർത്താം .... കമ്മിഷണർ ഇങ്ങനൊരു ക്രൈമിലേക്ക് വരില്ലല്ലോ..."

"നോ ഫിലിപ് .. നാലു പേരെയും നമ്മൾ ഒരു പോലെ സസ്പെക്ട് ചെയ്യുക.. സാത്യതകളും കാരണങ്ങളും ഒക്കെ ചേർത്തിണങ്ങി വരുമ്പോൾ മൂന്നു പേർ താനേ പുറത്താകും ... അയാൾ ആരായിരുന്നാലും , അതൊരിക്കലും വിശ്വസിക്കാൻ പറ്റുന്നില്ല എങ്കിലും അതായിരിക്കും അൾട്ടിമേറ്റ് ട്രൂത്ത് ...

ഇവർ പോകുന്നതും വരുന്നതുമായ ടൈംസ് , എത്ര സമയം മന്ത്രിയുടെ റൂമിൽ ചിലവഴിച്ചു എന്നതൊക്കെ നമ്മൾ ചെക് ചെയ്യണം ... "

ഫിലിപും വാട്സനും കൂടിയാണ് ദ്യശ്യങ്ങൾ വീണ്ടും പരിശോധിച്ചത് ...

മുന്നോട്ടും പിന്നോട്ടും ദൃശ്യങ്ങൾ പരിശോധിച്ച് ഒടുവിൽ വാട്സന്റെ കണ്ണുകൾ ഒരു ദൃശ്യത്തിൽ ഉടക്കി നിന്നു ...

" സീ ഫിലിപ് ... തത്ക്കാലം ബാക്കി മൂന്നു പേരെ നമുക്ക് വിടാം .. എന്നിട്ട് ഈ ഒരാളെ ഫോളോ അപ് ചെയ്യാം ... "

ഡോ .അലക്സ് സാമുവേൽ .. ഫിലിപ് ആ ദൃശ്യത്തിലേക്ക് സാകൂതം നോക്കി ...

കണ്ണിൽ , ചുണ്ടിൽ ഒക്കെ ചിരിയുമായി വരുന്ന ഡോക്ടർ ..

"വൈ ..സർ .. ഇതിൽ എന്താണ് പ്രത്യേകത ... ഡോക്ടർ ഹാപ്പിയായി വരുന്നത് കൊണ്ടാണോ ..?"

''നോ ഡിയർ .. യൂ ജസ്റ്റ് സൂം ഇറ്റ് ആൻഡ് ..ഒബ്സർവ് "

" നത്തിംഗ് .. സർ എനിക്കൊന്നും കിട്ടിയില്ല ... "
ഫിലിപ് വാട്സണെ നോക്കി ...

'' ലുക്ക് ഹിസ് ഫിംഗേർസ് ഫിലിപ് .. ഹിസ് ലെഫ്റ്റ് ഹാൻഡ് .. "

ഫിലിപ് അവിടേക്ക് വിഷ്വൽസ് ഫോക്കസ് ചെയ്തു ...

"സർ .."

"യെസ് ഫിലിപ് .. അതൊരു പെൻ ആണ് .. എ മാർക്കിംഗ് പെൻ വിത് ബ്ലൂ ക്യാപ്പ് .. "

വാട്സൺ കസേര കയ്യിൽ അടിച്ചു കൊണ്ട് ചാടിയെഴുന്നേറ്റു ...

ഡോക്ടർ അലക്സ് സാമുവേൽ .. തോമസ്‌ സർ ന്റെ മെഡിക്കൽ ടീമിൽ ആറു മാസം മുൻപ് ജോയ്ൻ ചെയ്തു .... അടുത്ത അര മണിക്കൂറിൽ എനിക്ക് ആളെ കുറിച്ചുള്ള ഫുൾ ഡീറ്റെയ്ൽസ് കിട്ടണം .. അതു കഴിഞ്ഞ് നമുക്ക് അദ്ദേഹവുമായി ഒരു കൂടി കാഴ്ച ..ok .. "

"യെസ് സർ ... " ഫിലിപ് ഊർജസ്വലനായി പുറത്തേക്ക് നടന്നു ..

വാട്സന്റെ നെറ്റിയിലെ ഞരമ്പുകൾ പിടച്ചു ..

വൈ ... വൈ ഡോക്ടർ ... മന്ത്രി തോമസിനെ ഒരു കയറിലൊതുക്കാൻ മാത്രം എന്ത് ന്യൂസ് ആണ് താങ്കൾ കൈമാറിയത് ...

രാത്രി ഏഴു മണി കഴിഞ്ഞിരുന്നു ACP യുടെ ബൊലീറോ ഡോ . അലക്സ് സാമുവേലിന്റെ കോർട്ടേർസിനു മുന്നിൽ നിന്നപ്പോൾ ... "

കാളിംഗ് ബെൽ അമർത്തി കാത്തു നിൽക്കവെ ഫിലിപ് വാട്സനെ നോക്കി ...

ഇര മണത്ത ഹിംസ്ര മൃഗത്തെ പോലെ ഉഴറി നടക്കുകയായിരുന്നു വാട്സൺ അപ്പോൾ ...

വാതിൽ തുറന്നു വന്നത് ഡോക്ടർ തന്നെയായിരുന്നു ..

"ഗുഡ് ഈവനിംഗ് ഡോക്ടർ .." ഫിലിപ് ആണ് പറഞ്ഞത് .. "

''യെസ് ..ഈവനിംഗ് .... പ്ലീസ് കം ... "

വാതിൽ പൂർണമായി തുറന്ന് ഡോക്ടർ വഴിയൊഴിഞ്ഞു .

അകത്തു കയറിയിരുന്ന വാട്സൺ ഡോക്ടറെ പഠിക്കും പോലെ അടിമുടി നോക്കി ...

" ഡോക്ടർ കാര്യങ്ങളൊക്കെ അറിയാമല്ലോ .. തോമസ് സർ ന്റെ മരണമാണ് വിഷയം .. അതൊരു സൂയ്സൈഡ് ആയിരുന്നു ... എങ്കിൽ കൂടി അതിനു പിന്നിലെ റീസൺ തേടുകയായിരുന്നു ഞാൻ ... "

ഡോക്ടറുടെ കണ്ണിൽ നോക്കിയാണ് വാട്സൺ സംസാരിച്ചത് ..

" സ്ട്രെയിറ്റ് ..ഞാൻ മാറ്ററിലേക്ക് വരാം ... ഡോക്ടർ , താങ്കളാണ് ആ ആത്മഹത്യക്ക് പിന്നിലെ കാരണം .. എന്ത് ഇൻഫർമേഷനാണ് താങ്കൾ ആ രാത്രി അദ്ദേഹത്തിനു കൈമാറിയത് ..
നേരം വെളുക്കുവാൻ പോലും കാത്തു നിൽക്കാതെ ആദ്ദേഹം ഈ ലോകത്തോട് വിട പറയാൻ പാകത്തിനുള്ള ആ റീസൺ എന്തായിരുന്നു ..?"

ഡോ .അലക്സ് ഹൃദ്യമായി ഒന്നു ചിരിച്ചു . അദ്ദേഹത്തിന്റെ കൺപീലികൾ പോലും പതറിയില്ല എന്ന് വാട്സൺ കണ്ടു ...

" ടെൽ മീ ഡോക്ടർ .. ഹാംബർഗിലെ ജോലി പോലും വേണ്ടെന്നു വച്ച് താങ്കൾ ഇവിടെ വന്ന് ജോയ്ൻ ചെയ്യാൻ കാരണമെന്തായിരുന്നു ....?"

"ഹാംബർഗ് ...? " ഡോക്ടർ പുരികം വളച്ചു ...

"യെസ് ഹാംബർഗ് ....."

"സോ നിങ്ങൾ എന്നെ പറ്റി വെൽ സ്റ്റഡീഡ് ആണ് ..."

" യെസ് ... ഡോക്ടറുടെ ജാതകം ഇപ്പോൾ എന്റെ കയ്യിലുണ്ട് ...."

അഞ്ചു നിമിഷം ഡോക്ടർ അലക്‌സ് മൗനമായി ഇരുന്നു ..

"മിസ്റ്റർ ഓഫീസർ.. ഇതൊരു ഏറ്റു പറച്ചിലായി നിങ്ങൾ കാണണ്ട ... ഉള്ളിൽ പ്രതികാരത്തിന്റെ ഒരു അഗ്നിയുണ്ടായിരുന്നു ... പക്ഷെ അയാൾ ആത്മഹത്യ ചെയ്യുമെന്ന് ഞാൻ കരുതിയില്ല ... അയാൾ ഇഞ്ചിഞ്ചായി നീറണം എന്നാണ് ഞാനഗ്രഹിച്ചത് .... മറ്റുള്ളവരുടെ മുന്നിൽ അപമാനിതനായി ..ഒക്കെ നഷ്ടപ്പെട്ട് ... കുടുംബവും .. കരിയറും .. നശിച്ച് .."

പറഞ്ഞു വന്നപ്പോൾ ഡോക്ടർ കിതച്ചു തുടങ്ങി ...

"കൂൾ ... റിലാക്സ് ഡോക്ടർ ... " ഫിലിപ് ഡോക്ടറുടെ തോളിൽ തട്ടി ..

''ഞാൻ ചുരുക്കി പറയാം .. ഞാനും എലീനയും .. മീൻസ് തോമസ് സാർന്റെ മകൾ ... ഞങ്ങൾ ക്ലാസ്മേറ്റ്സ് ആയിരുന്നു ... പ്രണയത്തിലും ...

പതിനെട്ട് വർഷം മുൻപ് ഇതേ മന്ത്രിയുടെ കൈ കൊണ്ട് ...ജീവശവമാക്കി കെട്ടി കായലിൽ താഴ്ത്തി എന്നെയും എന്റെ കുടുംബത്തെയും .. ആയുസ്സ് ബാക്കിയുള്ളത് കൊണ്ട് ഞാൻ ഇപ്പോഴും ഇവിടെ ...

അന്ന് നാടുവിട്ട ഞാൻ ഒരു വർഷം മുൻപേ തിരിച്ചെത്തി ... നേർക്കുനേരെ നിന്നിട്ടും പുള്ളിക്ക് ഇതുവരെ എന്നെ മനസിലായിട്ടില്ലായിരുന്നു ... പക്ഷെ എലീന തിരിച്ചറിഞ്ഞു ജർമനിയിൽ വച്ചു തന്നെ .

അന്നത്തെ മീറ്റിംഗിൽ പഴയതൊക്കെ ഞാനദ്ദേഹത്തെ ഒന്നോർമ്മിപ്പിച്ചു ...

പതിനെട്ടു കൊല്ലം മുന്നത്തെ ധൈര്യം ഇപ്പോൾ അദ്ദേനത്തിനില്ലായിരുന്നു ... "

"സോ ... ആ എഴുത്ത് ... അലമാരയിലെ ....."

''അത് കഥകൾ പറഞ്ഞു വന്നപ്പോൾ എഴുതിയതാണ് .... "

'' പക്ഷെ മൈ എലീന എന്നല്ലല്ലോ ..... മൈ റേയ്ചൽ എന്നല്ലേ .. താങ്കൾ എഴുതിയത് ... "

അലക്സ് ഒന്നു ചിരിച്ചു ...'' മൈ റേച്ചാ .. എന്നാ ഞാനെഴുതിയത് ... റേച്ചൽ എന്ന് ഒരു ലെറ്റർ കൂടി ഞാൻ കൂട്ടിച്ചേർത്തതാ .... റേച്ച എന്നാൽ ജർമൻ ഭാഷയിൽ പ്രതികാരം എന്നാണ് അർത്ഥം ... "

ഫിലിപ് കണ്ണു മിഴിച്ച് വാട്സനെ നോക്കി .... വാട്സൺ ചിരിച്ചു ...

''സോ ഫിലിപ് .. നമുക്ക് മടങ്ങാം ... ഡോക്ടർ നല്ലൊരു രാത്രി നേരുന്നു .... "

ഫിലിപിന് ഒന്നും പറയാൻ അവസരം നൽകാതെ വാട്സൺ പുറത്തേക്ക് നടന്നു ....

"സർ അപ്പോ ഡോക്ടറെ ...." ബൊലീറോയിൽ കയറും മുൻപ് ഫിലിപ് വാട്സനെ നോക്കി ....

" വിട്ട് കളയടോ ... തോമസ് സർ ആത്മഹത്യ ചെയ്തു .... ഇത് കാലത്തിന്റെ നീതിയാണ് ... നമുക്ക് ചിലപ്പോഴൊക്കെ ഒന്നു മനുഷ്യരാകാം ... എപ്പോഴും പോലീസ് ആയാൽ ഒരു സുഖവുമുണ്ടാകില്ല .... താൻ വാ നമുക്ക് ക്ലബ്ബിൽ പോയി രണ്ടെണ്ണം വീശിയിട്ട് പിരിയാം ... "

ഫിലിപ് ഒന്നും മിണ്ടിയില്ല ... ജീപ്പ് പുറത്തേക്ക് പോയപ്പോൾ ഡോ.അലക്സ് അത് നോക്കി നിന്നു ..

വരുൺ. എസ് . നമ്പൂതിരി.

Amrutha Ajayan.. നിനക്ക് ഒരുപാട് ഒരുപാട് നന്ദി. സമയം ഇല്ലാതെ നടന്ന എനിക്ക് ഇത് ഫുൾ ടൈപ്പ് ചെയ്തു തന്നതിന്.