അടിമ

********
നിങ്ങൾ അടിമയെ കണ്ടിട്ടുണ്ടോ??

വ്യക്തിത്വം ഉടയവന്റെ കാൽച്ചുവട്ടിൽ പണയപ്പെടുത്തിയ അന്ന് മുതൽ...
അനുദിനം ഉടയവനോട് വിധേയത്വം
ഏറി വന്നിരുന്നു അടിമയ്ക്ക്..

വീട്ടാൻ കഴിയാത്ത കടങ്ങളാണ്
എന്ന തിരിച്ചറിവുകൾ ഉണ്ടാകുമ്പോഴൊക്കെ
അത്യധികം നിർവികാരതയോടെ ഉടമയുടെ കാൽ കീഴിലേക്ക് ചുരുണ്ടു കൂടുകയായിരുന്നു അടിമ..

ഉടയവന്റെ ചവിട്ടടിയിലെ ഓരോ ഞെരിച്ചമർത്തലുകളിലും തന്റെ ഭക്ഷണത്തിന്റെ കൂലിയെണ്ണി അടിമ...

ഹൃദത്തിലേറ്റ ചട്ടവാർ പ്രഹരങ്ങളിൽ നാണം മറച്ച തുണിക്കഷ്ണത്തിന്റെ കടം വീട്ടി അടിമ..

നാണയത്തുട്ടുകൾ വീണ്ടും വാരിയെറിഞ്ഞുകൊണ്ട് ഉടമ
വീണ്ടും കാലുകൾ ഉയർത്തി അടിമയെ ക്ഷിണിച്ചു തന്റെ ചവിട്ടടിയിലേക്ക്..ഞെരിച്ചമർത്തി ആനന്ദിക്കാൻ..

ആർത്തിയോടെ.. വർദ്ധിച്ച ആത്മനിർവൃതിയേറ്റുകൊണ്ട്‌
വീണ്ടും വീണ്ടും ചവിട്ടിയരയ്ക്കപ്പെട്ടു അടിമ..

ആത്‍മാവിൽ നിന്ന് നിർവൃതിയോടെ നിണമൊഴുകി.. പുഴപോലെ...

രമ്യ രതീഷ്