ഗസ്റ്റ്ലക്ച്ചർ

"മച്ചാനേ ആ പോണ സാധനത്തെ കണ്ടോ..കാണാൻ അടിപൊളി.. പെണ്ണുങ്ങൾക്ക് ദൈവം ഇത്രയും സൗന്ദര്യം കൊടുക്കുമോ..."

അതിശയഭാവത്തിലാണ് ചങ്കിന്റെ പറച്ചിൽ.

"എന്നതാടാ കിടന്ന് തൊണ്ട കീറുന്നത്..നീയിതുവരെ പെണ്ണുങ്ങളെ കാണാത്തത് പോലെ..."

അവന്റെ സംസാരം എന്നിൽ കലിപ്പാണ് ഉയർത്തിയത്...

"അവസാന വർഷ പിജി സ്റ്റുഡന്റ്സ് ആണെന്നൊരു ബോധമില്ലേടാ നിനക്ക്.എവിടെ ചെന്നാലും പെണ്ണുങ്ങൾ. നിനക്ക് ഊണിലും ഉറക്കത്തിലും ഈയൊരു ചിന്തയേയുള്ളോ...?"

"നിനക്കൊന്നും പ്രേമമൊന്നും പറഞ്ഞിട്ടില്ലെടാ..അതൊക്കെ ആമ്പിള്ളാർക്ക് പറഞ്ഞിട്ടുളള പണിയാണ്.നിന്റെയീ സ്വഭാവത്താലാണ് സിൻസിയർ ലവ്വറെന്ന് കരുതിയവൾ നിന്നെ തട്ടിയത്..."

അവൻ തിരിച്ചടിച്ചു...അതിന്റെ ഓർമ്മയിൽ എന്റെ നെഞ്ചൊന്ന് പിടിച്ചു...

പ്ല്സ്ടു ക്ലാസിൽ കൂടെ പഠിച്ചവൾ ഇഷ്ടമാണെന്ന് പറഞ്ഞപ്പോൾ ഈ പ്രണയം ഭാവി ജീവിതത്തിലും പകർത്താൻ കഴിയുമെങ്കിൽ സമ്മതമെന്ന് ഞാനും പറഞ്ഞു...

ഡബിൾ ഓക്കെയെന്ന് പറഞ്ഞവൾ എന്തിനും ഏതിനും ഫോൺ വിളിയോട് വിളി..

"ചായ കുടിച്ചോ..വല്ലതും കഴിച്ചോ. തുടങ്ങി ആവശ്യമില്ലാത്ത കുനിഷ്ട് ചോദ്യങ്ങളുമായി ഫോൺ വിളി തുടരുകയാണ്. സ്വന്തം ഫോൺ എനിക്കില്ലാത്തതിനാൽ അച്ഛന്റെ ഫോണിലേക്കാണ് അവളുടെ വിളി.അച്ഛന്റെയോ അമ്മയുടെയോ സ്വരമാണ് മുഴങ്ങുന്നതെങ്കിൽ ഫോൺ കട്ടുചെയ്തു കളയും...

അനാവശ്യമായ ഫോൺ സംസാരങ്ങൾ നമ്മുടെ ബന്ധത്തിൽ വിള്ളൽ സൃഷ്ടിക്കുമെന്ന് ഞാനവൾക്ക് മുന്നറിയിപ്പ് നൽകി...

" നമുക്ക്‌ മുമ്പിൽ ഇപ്പോൾ പഠിക്കുകയെന്നതാണ്.പഠിച്ചു നല്ലൊരു ജോലി നേടിയാൽ ജീവിതം സുരക്ഷിതമാകും.പിന്നെ എത്രനാൾ വേണമെങ്കിലും പ്രണയിക്കാമല്ലോ..."

എന്റെ കൺസപ്റ്റ് ഞാനവൾക്ക് മുമ്പിൽ തുറന്നതും അവളുടെ മറുപടി ഇപ്രകാരമായിരുന്നു...

"ടീനേജ് പ്രായത്തിലെ പ്രണയത്തിനൊരു സുഖമുണ്ട്.സൊളളലും ചാറ്റുമില്ലെങ്കിൽ എന്ത് പ്രണയം. എന്റെ കൂട്ടുകാരികളുടെ ലവ്വർമാർ എത്ര സ്വീറ്റാണ്..നീയാണെങ്കിൽ ഒരു മുരുടനും..."

അവൾ പറഞ്ഞത് ശരിയാണ്. അവളെത്ര സോഫ്റ്റായാലും ഞാൻ പുറമേ പരുക്കനാണ്.പക്ഷേ ഉള്ളു നിറയെ സ്നേഹവും..പുറമേ പ്രകടിപ്പിക്കാൻ അറിയില്ല.അതൊരു മൈനസ് പോയിന്റ് മറ്റുളളവർക്ക് തോന്നുമെങ്കിലും എനിക്കത് പോസിറ്റീവാണ്....

ഇങ്ങോട്ട് വന്ന് പ്രണയം പറഞ്ഞവളെ എനിക്ക് ഒരുപാട് ഇഷ്ടമായിരുന്നു. അതുകൊണ്ട് അവളുടെ ചില ദൗർബല്യങ്ങൾക്ക് ഞാൻ വഴങ്ങിയതും...

പലനാൾ കള്ളൻ ഒരുനാൾ പിടിയിൽ എന്നപോലെ എന്റെ പ്രണയത്തിനും വീട്ടിൽ വിലക്ക് വീണു.അന്നൊരു രാത്രിയിൽ എന്തിനൊ ഫോൺ ചെയ്തവൾ ഫോൺ അസ്സെപ്റ്റ് ചെയ്തതും ആവേശത്തിൽ സംസാരിച്ചു പോയി.മറുതലക്കൽ നീയേതാ പെണ്ണേയെന്ന് അച്ഛന്റെ ചോദ്യമുയർന്നതോടെ അവൾ ഫോൺ കട്ട് ചെയ്തു എസ്ക്കേപ്പായി.പിടി വീണത് എനിക്കും...

അച്ഛന്റെ ചോദ്യം ചെയ്യലിൽ ഒന്നുമൊളിക്കാതെ തത്ത പറയുന്നത് പോലെ ഞാനെല്ലാം പറഞ്ഞു. പൊതിരെ തല്ലു കിട്ടുമെന്ന് പ്രതീക്ഷിച്ച എന്നെ അച്ഛൻ അരികിലേക്ക് വിളിച്ചു തോളിൽ കയ്യിട്ടുകൊണ്ട് പറഞ്ഞു...

"മക്കൾ തന്നോളമായാൽ തല്ലരുതെന്നാണ് പറയുന്നത്. എന്റെ മോനു നമ്മുടെ വീട്ടിലെ അവസ്ഥ അറിയാമല്ലോ. നിനക്ക് ഇളയതൊരു പെൺകുട്ടി കൂടിയുണ്ട്. മൂത്തതായ നിന്നെക്കണ്ടാണ് അവൾ വളരുന്നതും. അവൾക്ക് മാതൃകയാകണ്ടത് നീയാണ്.ഇപ്പോൾ നിന്റെ മുന്നിലുള്ള ലക്ഷ്യം പഠിച്ചു നല്ലൊരു ജോലി നേടുകയെന്നതാണ്.അതുകഴിഞ്ഞു നിനക്ക് ഇഷ്ടമുള്ള പെണ്ണിനെ ചൂണ്ടിക്കാണിച്ച് തന്നാൽ മതി അച്ഛനും അമ്മയും സന്തോഷത്തോടെ അത് നടത്തി തരും..."

ഞാൻ അവളോട് പറഞ്ഞ വാക്കുകളാണ് അച്ഛൻ ആവർത്തിച്ചതെങ്കിലും ഉപദേശമായി തന്നത് ഇന്നും നിധിപോലെ ഞാൻ കാത്തുസൂക്ഷിക്കുന്നു.

അച്ഛൻ പറഞ്ഞതെല്ലാം അവളോട് പറഞ്ഞെങ്കിലും അവളതൊന്നും ചെവിക്കൊള്ളാതെ അനുയോജ്യനായവനെ തേടിപ്പോയി.അങ്ങനെ ആ ബന്ധം അവിടെക്കൊണ്ട് അവസാനിച്ചു...

"അതിനാണു ഇവൻ ആവശ്യമില്ലാത്തതൊക്കെ പറയുന്നത്"

അവനെയും പിടിച്ചു വലിച്ചു ക്ലാസിൽ ചെന്നപ്പോൾ പുതിയ ഗസറ്റ്ഡ് ലക്ച്ചർ ക്ലാസെടുക്കുന്നു...

"മച്ചാ ഇതാണ് ഞാൻ പറഞ്ഞ ആ സാധനം..."

"ഛീ മിണ്ടാതിരിക്കെടാ..."

ഞാൻ പതിയെ അവനെ ചാടിച്ചു...

"എക്സ്ക്യൂസ് മീ മേഡം..."
അവൻ തൊണ്ട നനച്ചു....

"ഞങ്ങൾ ഈ ക്ലാസിലെ സ്റ്റുഡന്റ്സ് ആണ്.. ക്ലാസിൽ കയറിക്കോട്ടേ..."

"ഓ...യെസ്..."

എന്നും മധ്യഭാഗത്ത് ഞങ്ങൾ ഇരിക്കാറുള്ളതെങ്കിലും അവൻ മുമ്പിൽ തന്നെയിരുന്നു.പതിവില്ലാതെ അവന്റെ നീക്കം എന്നിൽ ആശങ്ക പടർത്തി.അവനെ ഞാൻ സസൂഷ്മം വീക്ഷിച്ചു...

ടീച്ചർ സൈഡിലേക്ക് തിരിയുമ്പോൾ വയറിനു കുറുകെയുള്ള സാരിത്തലപ്പ് മാറുമ്പോൾ അണിവയറും പൊക്കിൾ ചുഴിയും കാണാം.. ചുമ്മാതല്ല ശവം അവിടെക്കൂടിയത്...

ചില വിരുതന്മാരും ചങ്കും കൂടിച്ചേർന്ന് ന്യൂട്ടറിൽ മൊബൈലിൽ രംഗങ്ങൾ പകർത്തുന്ന തിരക്കിൽ ആയിരുന്നു...

അതുകൊണ്ട് എന്റെ മനസ്സൊന്ന് പിടച്ചെങ്കിലും ചങ്കിന്റെ ഭാവിയോർത്ത് ഞാൻ അനങ്ങാതിരുന്നു.പെട്ടന്നാണു പടക്കം പൊട്ടുന്ന ഒരടിയുടെ ശബ്ദവും അലർച്ചയും...

"ഗെറ്റ് ലോസ്റ്റ്.."

കരണം പൊത്തിപ്പിടിച്ച് ചങ്ക് നിൽക്കുന്നു...

"നന്നായി.. ഇങ്ങനെയെങ്കിലും അവൻ നന്നാവുന്നെങ്കിൽ നന്നാവട്ടെ..."

"നിന്റെയൊക്കെ ഭാവി ഇതോടെ തീർന്നു.പ്രിൻസിപ്പലിനു റിപ്പോർട്ട് ചെയ്തിട്ട് പോലീസിൽ പരാതിയും നൽകും.ഇനിയും പ്രതികരിക്കാതിരുന്നാൽ നിന്നെപ്പോലത്തെ ക്രിമിനലുകൾ വളരും.അക്ഷരം ആരു പകർന്നു നൽകിയാലും ഗുരുസ്ഥാനത്താണ്.അച്ഛനും അമ്മയും കഴിഞ്ഞാൽ പിന്നെ ഗുരുവാണെല്ലാം..വന്ദിച്ചില്ലെങ്കിലും നിന്ദിക്കരുത്...."

അവരൊന്ന് നിർത്തി വീണ്ടും തുടർന്നു....

"ഇവിടെ വന്ന് തൊണ്ട പൊട്ടിക്കീറിയാൽ ഞങ്ങൾക്ക് ശമ്പളം ലഭിക്കും.പക്ഷേ ഞങ്ങളുടെ സംതൃപ്തി അറിയാവുന്ന വിദ്യ നിങ്ങളിലേക്ക് പകർന്നു നൽകുമ്പോഴാണ്.....

പറഞ്ഞു തീർന്നതും അവർ പൊട്ടിക്കരഞ്ഞു പോയി....

ചെയ്തത് തെറ്റാണെന്ന് തോന്നിയതിനാലാവാം അവർ ഗസറ്റ്ഡ് ലക്ച്ചറോട് മാപ്പു പറഞ്ഞു...

"ഞാൻ പഠിപ്പിച്ച വിദ്യാർത്ഥികൾക്ക് നല്ലൊരു ഭാവി ലഭിച്ചാൽ ആ സന്തോഷമാണ് നിങ്ങൾ ഞങ്ങൾക്ക് തരുന്ന ഗുരുദക്ഷിണ. വിദ്യാർത്ഥികൾ ഗുരുവിനു മക്കളുടെ സ്ഥാനത്താണ്. മക്കൾ തെറ്റ് ചെയ്താൽ അമ്മമാർ പൊറുക്കും.അതുപോലെ ഇവർക്കും മാപ്പു കൊടുക്കാം.തെറ്റ് തിരുത്താൻ കഴിഞ്ഞാൽ അതാണ് ഏറ്റവും പുണ്യമായിട്ടുളളത്...."

തന്നോട് തെറ്റ് ചെയ്തെങ്കിലും മപ്പ് നൽകാൻ തയ്യാറായ ഗുരുവിനു ഞാൻ മനസ്സിൽ ബിഗ് സല്യൂട്ട് നൽകി...കൂടെ ചങ്കിനിട്ടൊ ഒന്നും പൊട്ടിച്ചു....

"ഇനിയെങ്കിലും ഒന്ന് നന്നാവടാ...എന്നിട്ട് മനുഷ്യനായി ജീവിക്ക്...."

ഞാൻ അത് പറയുമ്പോഴും അവന്റെ മുഖം കുനിഞ്ഞ് തന്നെയിരുന്നു...

"കുറ്റബോധം കൊണ്ട്...."

NB:- വിദ്യ പകർന്നു നൽകുന്നവർ ആരായാലും അത് ഗുരുസ്ഥാനീയർ തന്നെ

The End

(Copyright protect)

A story by സുധീ മുട്ടം