അന്നും ഇന്നും

------------------------

ഞായറാഴ്ചകള്‍ അന്നൊക്കെ;

കണ്ണു നിറയെ സ്വപ്നം കണ്ട്
മതിവരുവോളാം ഉറങ്ങാനുള്ള ദിവസം.
റിമോട്ട് കെെപ്പിടിയിലൊതുക്കി
ടി വിക്കു മുന്‍പില്‍ തപസ്സിരിക്കുന്ന ദിവസം
ആറു ദിവസത്തെ ക്ഷീണം മാറ്റാനായി
അമ്മയുണ്ടാക്കുന്ന ഭക്ഷണം
മൂക്കു മുട്ടെ കഴിച്ചു തീര്‍ക്കുന്ന ദിവസം.

ഞായറാഴ്ചകള്‍ ഇന്ന്;

കൂട്ടിയിട്ട മുഷിഞ്ഞ തുണികള്‍
അലക്കി വെളുപ്പിക്കുന്ന ദിവസം
പൊടിയും മാറാലയും തൂത്തു തുടച്ച്
വീട് വൃത്തിയാക്കുന്ന ദിവസം
അതിഥികള്‍ക്ക് വിരുന്നൊരുക്കി
നടുവൊടിയുന്ന ദിവസം .
എച്ചിലുകള്‍ മലിനമാക്കിയ തീന്‍മേശയില്‍
ദിവാസ്വപ്നങ്ങള്‍ ,നിറം കെടുന്ന ദിവസം.

അജിന സന്തോഷ്