അയാളും ഭാര്യയും പിന്നെ മകനും ..

കഥ

അയാൾ കണ്ണു തുറന്നപ്പോൾ
തൊട്ടടുത്ത് കിടന്ന ഭാര്യ എഴുന്നേറ്റ്
അടുക്കളയിലേക്ക് പോയിരുന്നു ...
പതിവുപോലെമേശപ്പുറത്ത് ആവി പറക്കുന്ന ഒരു ചായ അയാളെ സ്വാഗതം ചെയ്തു.
ചൂടു ചായ രുചിയോടെ നുണഞ്ഞ് മേശമേൽ
വെച്ചരിന്ന മൊബൈൽ ഫോൺ എടുത്ത്
FB യും വാട്ട്സ്ആപ്-ഉം ഒന്നു കയറിയിറങ്ങി.
ചാറ്റിങ്ങിനും ചീറ്റിങ്ങിനും നേരമില്ലാത്ത
ഈ തിങ്കളാഴ്ച ഓഫീസിലേക്ക് തിരക്കിട്ടോടണം.....
മേശപ്പുറത്ത് കൂട്ടി വെച്ച ഫയലുകൾക്കിടയിലേക്ക് തലപൂഴ്ത്തു
മ്പോൾ ഇടയ്ക്ക് എത്തി നോക്കുന്ന
FB കമന്റുകൾക്ക് ഒരു ലൈക്ക് മാത്രം കൊടുത്ത് ബാക്കി വീട്ടിലെത്തിയിട്ടെന്ന്
തീരുമാനിക്കും...
വൈകിട്ട് വീട്ടിലെത്തിയാൽ
കംപ്യൂട്ടറും മൊബൈലും മാത്രമാണ്
അയാളുടെ സമയം അപഹരിക്കുന്നത്!
ഈയിടെയായി FB യിൽ സൗഹൃദം സ്ഥാപിച്ച ഒരുപെൺകുട്ടി ഇടയ്ക്കിടെഇൻബോക്സിൽ
വന്ന് ചാറ്റുന്നുണ്ട്... ചാറ്റൽ മഴ പോലെ
ഇടയ്ക്കിടെ വന്നു പോകുന്ന അവളുടെ
കമന്റുകൾ വായിക്കാൻ ഒരു രസമുണ്ട്...!
പക്ഷേ, ഈയിടെയായി അവളുമായുള്ള
ചാറ്റിംഗ് ഭാര്യ മൊത്തമായും ചില്ലറയായും
പിടിച്ചെടുത്തതോടെ താൻ ഭാര്യയോട്
ചീറ്റിംഗാണ് നടത്തുന്നത് എന്നാണ്
അവളുടെ കണ്ടുപിടിത്തം...
ഭാര്യ, ഒരു പാവം! സ്മാർട്ട് മൊബൈൽ
അവൾക്ക് അലർജി പോലെയാണ്!
കാരണം +2 പഠിക്കുന്ന മകന് അമ്മ ശല്യ
മാകേണ്ട എന്ന തീരുമാനത്തിൽ ഉറച്ചാണ്
അവൾ ഫോൺ ഉപയോഗം കുറച്ചത്!
തനിക്കാണെങ്കിൽ സ്മാർട്ട് ഫോൺ
ഭാര്യയെക്കാൾ പ്രധാനപ്പെട്ടത്...
ഭാര്യ പിണങ്ങി അവളുടെ വീട്ടിൽ പോയി
ഒരാഴ്ച കഴിഞ്ഞിട്ടും വരാതിരുന്നപ്പോൾ
ഉള്ളിൽ വലിയ വിഷമമൊന്നും
തോന്നിയിരുന്നില്ല .... പക്ഷേ, ചാറ്റിംഗിന്
ഒരു ദിവസം അവൾ, ആ പെൺകുട്ടി
വരാതിരുന്നാൽ ഉറക്കമില്ലാതാകും തനിക്ക്...
മൊബൈലെങ്ങാൻ വീട്ടിൽ നിന്ന് എടുക്കാൻവിട്ടു പോയാൽ ഓഫീസിൽ ഒരു ഫയലുംകൈയിൽശരിയായി കിട്ടില്ല.
എന്തു പറഞ്ഞു പിണങ്ങിയാലും ഭാര്യ
സ്വന്തം വീട്ടിലേക്ക് പോയി തിരികെ
വരുമെന്ന വിശ്വാസമുണ്ട്....
എന്നാൽ കഴിഞ്ഞ ദിവസങ്ങളിൽ ഭാര്യ
കടുത്ത പ്രതിഷേധത്തിലാണ് ....
കൂടുതൽ ചാറ്റിംഗുകൾ നടത്തി അവളെ
ചീറ്റു ചെയ്താൽ താൻ തന്റെ വഴിക്ക്
പോകുമെന്ന സത്യപ്രസ്താവന ഇറക്കി
യിരിക്കുകയാണ് ഭാര്യ!
മകനും അറിഞ്ഞിരിക്കുന്നു കാര്യങ്ങൾ !
അവനും അഭിപ്രായങ്ങളും നിർദ്ദേശങ്ങളും
ഉപദേശങ്ങളും കൊണ്ട് തന്നെ വല്ലാതെ
വട്ടം തിരിക്കുന്നുണ്ട്....
പ്രഭാതകർമ്മങ്ങൾക്കായി ടൂത്ത് ബ്രഷിൽ
പേസ്റ്റ് വരഞ്ഞ് തിരിയുമ്പോഴാണ്
ഭാര്യ മുറിയിലേക്ക് വന്നത്....

അവളുടെ മുഖം തേനീച്ചകുത്തിയതുപോലെ
വിങ്ങി വീർത്തിരിക്കുന്നു.
തന്റെ നോട്ടം അവളുടെ മുഖത്ത് കേന്ദ്രീ
കരിക്കാതെ ടൂത്ത് ബ്രഷിൽ തന്നെ തറഞ്ഞു
നിന്നു...

'' ഞാൻ തീരുമാനിച്ചു."

"എന്ത് "?

''വീട്ടിൽ പോകാൻ "

''എന്തിന്''?

''നിങ്ങൾക്ക് ചാറ്റിംഗിന് അവളുണ്ടല്ലോ?"

''ആര് "?

''ഞാൻ തന്നെ പറയണോ"?

''നീ എന്തോ ഉദ്ദേശിച്ച് പറയുന്നു .... "

''സത്യം ശരിക്കുമറിഞ്ഞ് മോനും പിണങ്ങിപ്പോകണ്ട "

''നീ പറഞ്ഞു വരുന്നത്?''

"എനിക്ക് നിങ്ങൾ സ്നേഹം വാരിക്കോരി
തരികയൊന്നും വേണ്ട..... പക്ഷേ,
ഭാര്യയാണെന്ന ഒരു പരിഗണനയെങ്കിലും
തന്നാൽ മതി...."

"ഞാൻ വെറുതെ .... ഒരു രസത്തിന് ...."

'' അപ്പോ, ഞാനും തുടങ്ങാം ഏതെങ്കിലും
പയ്യന്മാരോട് ചാറ്റിംഗ് അല്ലേ..." ?

''............"

" ഞാൻ ഇനി നിൽക്കുന്നില്ല .. മോൻ,
അവന്റെ കാര്യങ്ങൾ നോക്കാറായി...
നിങ്ങൾക്ക് എല്ലാ കാര്യത്തിനും
അവളെ കിട്ടുമെങ്കിൽ എനിക്ക് വയ്യ
ഇവിടെ പണിക്കാരി മാത്രമാകാൻ ...''

''..............''

"അച്ഛാ, അമ്മ എവിടെ പോകുന്ന കാര്യമാ
പറയണത് ?"

തങ്ങൾക്കിടയിലേക്ക് പെട്ടെന്ന് കയറി വന്ന മകനെക്കണ്ട്അയാൾ ഒന്നു ഞെട്ടി...!

"മോനെ ...... അത് .... എനിക്ക്
സ്മാർട്ട് മൊബൈൽ തൊട്ടുകൂട......
നിന്റെ അമ്മയ്ക്ക് വല്ലാത്ത സംശയം...
അമ്മ വിചാരിച്ച മാതിരിയൊന്നുമില്ലെടാ
മോനെ.. ഒക്കെ ഇവളുടെ സംശയങ്ങളാ..."

''സംശയമല്ലച്ഛാ..... സത്യമല്ലേ ....?
ഞാൻ കണ്ടിരുന്നു അച്ഛൻ ആ സ്ത്രീയോടൊ
പ്പം ബൈക്കിൽ ഐസ്ക്രീം പാർലറിലേക്ക്
മുട്ടിയുരുമ്മിപ്പോകുന്നത് .... ഞാൻ അപ്പോൾ തന്നെഎന്റെഫോണിൽ ഫോട്ടോ എടുക്കുകയും ചെയ്തിരുന്നു .... ഇതാ നോക്ക്...!"

മകന്റെ ഫോണിലെ വ്യക്തമായ ഒരുഫോട്ടോ
കണ്ട് അയാൾക്കൊപ്പം ഭാര്യയും ഞെട്ടി...
മകൻ തന്നേക്കാൾ കേമനാണല്ലോ എന്ന്
ഒരു നിമിഷം അയാൾ ഓർത്തു പോയി ...

" കണ്ടില്ലേ പൊതുനിരത്തിലുമായി നിങ്ങളു
ടെ സല്ലാപം ... മോൻ കണ്ടത് ഭാഗ്യം....
ഇനി ഒട്ടും ഞാനില്ല നിങ്ങളോടൊപ്പം തീർച്ച... "

ഭാര്യ പൊട്ടിക്കരഞ്ഞുകൊണ്ട് പറഞ്ഞു.

''മോനെ... ഞാൻ......."

''സഹിച്ചോ... അമ്മ പാവം... എപ്പോഴുംപറ്റിച്ചു നടക്കാമെന്നു കരുതി അല്ലേ?"

''അമ്മ പോകാൻ തീരുമാനിച്ചോ അമ്മേ ?"

കരഞ്ഞുകൊണ്ടിരിക്കുന്ന അമ്മയോട്
മകൻ ചിരിച്ചു കൊണ്ട് ചോദിച്ചു.

"നിനക്ക് തമാശയാണോടാ.... നിന്റെ
അച്ഛൻ ചെയ്തത് ശരിയാണോ ?"

" ശരിയല്ല... വലിയ തെറ്റാ... പക്ഷേ,
അമ്മ എല്ലാം വിട്ട് പോകാനാണോ
ഉറച്ചത് ?"

"അതെ, ... എനിക്ക് വയ്യ... "

'' അപ്പോ ഞനോ ?"

"നീ നിന്റെ കാര്യങ്ങളൊക്കെ നോക്കാറായല്ലോ.. എന്റെ കൂടെ പോരാ
നാണെങ്കിൽ അതും ആകാം ... "

''ഞാൻ വരില്ല... എനിക്ക് അമ്മ വീട്ടിൽ
അഡ്ജസ്റ്റാകാൻ പറ്റില്ല... "

"അമ്മ പോട്ടെടാ ... നീ എവിടേം പോകണ്ടാ "

അയാൾ മകനോട് പറഞ്ഞു.....

"ഒരു കാര്യം ഞാൻ രണ്ടാളോടും പറയാം
എനിക്ക് എന്റെ കാര്യങ്ങൾ കൃത്യമായി
നടക്കണം... പറ്റില്ലാന്നുണ്ടെങ്കിൽ
രണ്ടാളും ഡിവോഴ്സായിട്ട് എനിക്ക് വേണ്ടതൊക്കെ തന്നിട്ട് പോകുന്ന വഴിക്ക്
പോണം... പിന്നെ, പ്രായമായിട്ട് മകൻ
നോക്കുന്നില്ലാന്ന് പരാതിയൊന്നും വേണ്ട....
ഇപ്പോൾ നിങ്ങളെന്നെ പരിഗണിച്ചില്ലേൽ
ഭാവി കാര്യം ഞാൻ നോക്കും... എന്താ
രണ്ടാൾക്കും അഭിപ്രായം..."

മകന്റെ വാക്കുകൾ കേട്ട് മുഖമടച്ച് ഒരു അടികിട്ടിയതുപോലെ അയാളും ഭാര്യയും
ഞെട്ടിത്തരിച്ചുനിന്നു....
ന്യൂജൻ മക്കളുടെ വ്യക്തമായ അഭിപ്രായ
വും തീരുമാനവും വെറുതെ ഡിവോഴ്സാ
യിപ്പോകുന്ന അച്ഛനമ്മമാർക്ക് വലിയൊരു
പാഠമാണെന്ന തിരിച്ചറിവിലായിരുന്നു
അയാളും ഭാര്യയും...

" അച്ഛൻ ഇന്നുതന്നെ ചാറ്റിംഗ് ഒക്കെ നിർത്തി
നല്ല കുട്ടിയായിക്കോ.... ഇന്നിപ്പോൾ ഞങ്ങള്
പിള്ളേര് മതിയച്ഛാ.... പാവം അമ്മ..... അമ്മ
വേഗം ബ്രേക്ക് ഫാസ്റ്റ് റെഡിയാക്ക് ....
ആവശ്യമില്ലാത്തൊരു പിണങ്ങിപ്പോക്കുംഡിവോഴ്സും... "

മകൻ മൊബൈലിൽ കുത്തിക്കൊണ്ട് അത്ര
യും പറഞ്ഞ് പുറത്തേക്ക് പോയി....
ഭാര്യ ഒന്നും പറയാതെ അടുക്കളയിലേക്ക്!
അയാൾ ബ്രഷ് എടുത്ത് ശക്തമായി
പല്ലുതേച്ചു തുടങ്ങി......!!!

ശുഭം ബിന്ദു.എം.വി.