ഇണ

ഇണകളായ് ചെറു ചിറകുമായ് നാം
മഹിതയിൽ വന്നണഞ്ഞു .
മലരുതോറും തേൻ നുകർന്നു
ചിത്രവർണ്ണ പതംഗമായ്

പുലരി തോറും അലർ വിടർന്നു
തേൻ നിറച്ചൊരുകുടവുമായ്
ഇതളിലലിയും മൃദുല സ്നേഹം
തരളിതം അണു മാത്രയിൽ .

വാസരത്തിൻ ഇതൾ വിടർന്നാൽ
ചിറകു വീശി പറന്നു നാം
നീഹാര കുളിരുമായ് വന്ന്
അരിയ മാരുതനരുകിലായ്.

അന്തി വാനം ചുവക്കുമ്പോൾ
അരുണകിരണം മായുമ്പോൾ
ചിറകുവച്ചു പറന്ന നമ്മൾ
ചിറകടന്നൊരു കീടമായ് .......

By: Aravindakshan Nair