പൂതനാ മോക്ഷം

കൊഞ്ചുന്ന കിങ്ങിണിമെല്ലെയി്ളകീട്ടു
കാൽവിരുലുണ്ണുന്നുകാർവര്ണണ്ണനും
ഉണ്ണിതന്നരികിലായ്പ്പാലമൃതൂട്ടുവാൻ 
വന്നണയുന്നിതാ പൂതനയും

രാക്ഷസിയാണവൾ മായാമനോഹരി
ഗോപാംഗനതന്റെ വേഷം പൂണ്ടു
തൻവിഷലിപ്തമാംഅമ്മിഞ്ഞയേകുവാ
നുണ്ണിതന്നരികിലായ് വന്നണഞ്ഞു

ഉണ്ണിവായൊന്നിതാ മെല്ലെത്തുറന്നിട്ടു
കൊഞ്ചിക്കുഴയുന്നു ഗോപാലനും
ആരെയുംമോഹിതനാക്കുമാക്കണ്ണനോ
പൂതനതൻ നേർക്ക് കൈകൾ നീട്ടി

തൻ നേർക്ക് നീളുന്നതൃക്കൈകൾ മെല്ലവേ
തൊട്ടവളെന്നേരം വാത്സല്യമായ്
നീറിയൊ നെഞ്ചകം നിറഞ്ഞുവോ കണ്ണുകൾ
അവളുമറിയുന്നു മാതൃത്വവും

എന്തുചെയ്തീടുമെന്നുണ്ണിഗോപാലാ നിൻ
ചെഞ്ചുണ്ടിലെങ്ങനെ പാൽ ചുരത്തും
എൻവിഷലിപ്തമാംഅമ്മിഞ്ഞ
യെന്നുണ്ണിക്കുണ്ണുവാൻനൽകുവതെങ്ങനെ ഞാൻ

രാക്ഷസിയാകിലുംഎന്നോമലുണ്ണി
ഞാനുംനിന്ക്കിന്നമ്മയല്ലേ
സ്വീകരിച്ചാലുമിന്നീയിവളുടെപ്രാണനു മമ്മിഞ്ഞപ്പാലോടൊപ്പം

മെല്ലെനുണഞ്ഞു നീ പാലമൃതുണ്ടിട്ടു
മോക്ഷമേകീടുക പത്മനാഭാ
നിൻപാദാരപ്ദമദളങ്ങളിൽ വീഴാൻ
കഴിഞ്ഞതെൻ ജന്മപുണ്യം

ഈവണ്ണമോതിയാ പൂതന മെല്ലവേ
കണ്ണനെ മാറോടു ചേർത്തീടുന്നു
പുഞ്ചിരി തൂകിടും കണ്ണനുമന്നേരം
മോക്ഷവുമേകുന്നു പൂതനയ്ക്കും

by: