സ്‌മൃതി പഥം - ഷിബു വത്സലൻ

സൂര്യ രശ്മികൾ അഴിച്ചുലച്ച
പകലിൻ മുടിക്കെട്ടിൽ
സന്ധ്യ തൻ വിങ്ങലും,
രാവിന്റെ പടിവാതിലിൽ
ചെതുന്പിച്ച വികാരവും.

ആർത്തിയുടെ ചൂടൊട്ടു
വറ്റിയലിയിച്ചൊരാ പുഴയും,
പകലിന്റെ തീക്കനൽ
വക്കിയെരിയിച്ചൊരാ തണലും,
ഇലയും, ഇലയുടെ തുടിത്താളവും.

പാണന്റെ തുടിപോലെ,
തുടിയിലലിയിച്ചൊരാ ലയമോടെ
നിലക്കാത്തൊരോളവു-
മനേകാശ്രുധാരയാലെനിക്കി-
ന്നൊരോർമ്മയായ് മാത്രമായ്

ജീവനില്ലോളമില്ലോർമ്മയിൽ...
വിണ്ടൂവരണ്ടൊരാ വഴിത്താരയിൽ
എന്നെത്തിരഞ്ഞുടഞ്ഞാരുമില്ലാവഴി
എന്നോളമാവിലൊരാളും,
എന്നെയറിഞ്ഞതിതു ഞാൻ മാത്രം 

By: SHibu Valsalan