നിലാവിൻ പൂമഴയിൽ
ഒരു കിനാവിൻ തേരേറി ഞാൻ
വരുമൊരിക്കൽ ചാരെയായ്
എൻ പ്രിയമയി തരുമോ മനം..?
ഒരു കിനാവിൻ തേരേറി ഞാൻ
വരുമൊരിക്കൽ ചാരെയായ്
എൻ പ്രിയമയി തരുമോ മനം..?
ഇനിവരും പുലർവേളകൾ
ഇതൾ വിടർത്തും വീഥിയിൽ
തളിരിടുന്നൊരു മോഹമായ്
അണയുവാൻ സഖി നിന്നിലായ്...
ഇതൾ വിടർത്തും വീഥിയിൽ
തളിരിടുന്നൊരു മോഹമായ്
അണയുവാൻ സഖി നിന്നിലായ്...
എവിടെ നീ എൻ പ്രണയിനീ
വിധി ശിഥിലമാക്കിയൊരാവഴി
അറിയുവാൻ കഴിയാതെ ഞാൻ
അലയുന്നിതെന്നുമേകനായ്...
വിധി ശിഥിലമാക്കിയൊരാവഴി
അറിയുവാൻ കഴിയാതെ ഞാൻ
അലയുന്നിതെന്നുമേകനായ്...
പാഴ്ക്കിനാവുകളേറെയായ്
പഴി വാക്കുകൾ ചങ്ങാതികൾ
പോയകാല സ്മരണകൾ
ഒരു ഭാരമായ് തീർന്നീടുമോ...?
പഴി വാക്കുകൾ ചങ്ങാതികൾ
പോയകാല സ്മരണകൾ
ഒരു ഭാരമായ് തീർന്നീടുമോ...?
****മണികണ്ഠൻ അണക്കത്തിൽ****
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക