നാട്ടിലെവിടെയാ ??

ഞാൻ കൊച്ചിയിലാ.. ഇങ്ങളോ ??

ഞാനും കൊച്ചിയിലാ..

അയ്യോ എന്നാ ഞാൻ കണ്ണൂരാ

‌ഞാൻ ചുമ്മ ചോദിച്ചെന്നെയുള്ളൂ... എന്റടുത്ത്‌ വരുന്നവരൊന്നും എല്ലാ സത്യൊന്നും പറയാറില്ല..നീയിപ്പോ കൊച്ചി ആയാലും കണ്ണൂരായാലും എനിക്കൊന്നൂല്ല.... ഫുൾ നൈറ്റാണോ അതോ

ഫുൾ നൈറ്റ്‌ എന്താക്കാനാ.. എനിക്ക്‌ 1 മണിക്കൂറത്തേക്കാ..അതന്നെ ഓവറാ

ആണോ... എന്നാ സമയം കളയണ്ട.. വാ

അയ്യോ സാരി അഴിക്കല്ലേ.. എനിക്ക്‌ ഒരു മണിക്കൂർ എന്തേലും മിണ്ടീം പറഞ്ഞും ഇരുന്നാ മതി...

അതെന്താ അങ്ങനെ..

അതേ എന്റെ ചങ്ങായിയാ ഇപ്പോ ഇങ്ങടെ അടുത്തൂന്ന് ഇറങ്ങിപ്പോയെ..ഞാൻ ഓനിക്കൊരു കമ്പനിക്ക്‌ വന്നതാ .. അല്ലാണ്ട്‌ എനിക്കീലു താൽപര്യൊന്നൂല്ല.. ഓൻ പൈസ കൊടുക്കാന്ന് പറഞ്ഞപ്പോ ഞാനുംകേറി അത്രന്നെ..ഇനീപ്പോ പെട്ടെന്ന് ഇറങ്ങിപ്പോയാൽ ഓനെല്ലാരോടും പറഞ്ഞ്‌ കളിയാക്കും.. അതോണ്ട്‌ കുറച്ച്‌ സമയം ഇവിടെ ഇരുന്നിട്ട്‌ പോയ്ക്കോളാം

അപ്പോ പണിക്ക്‌ വന്നതല്ല.. എന്നാ ഒരു കാര്യം ചെയ്യാം.. മസ്സാജ്‌ ചെയ്ത്‌ തരാം.. ഓക്കെ

അയ്യോ വേണ്ട..

ചുമ്മാ എന്റടുത്ത്‌ ഇരിക്കാൻ പറ്റില്ല.. പണിയും വേണ്ട മസ്സാജും‌ വേണ്ട എങ്കിൽ റൂമിന്ന് ഇറങ്ങി പോവേണ്ടി വരും..

എന്നാ മസ്സാജ്‌ ചെയ്തോ..പുറത്തിറങ്ങി പോണേനേക്കാൾ അതാവും ഗുണം ചെയ്യാ.... എന്റെ ഡ്രസ്സൊന്നും അയിക്കാണ്ട്‌ മേലെ കൂടി ചെയ്താ മതീട്ടാ..കാലിന്റേം കയ്യീന്റേം കൊട്ടൊക്കെ പൊട്ടിച്ചാ മതീന്നേ

ഞാൻ നിന്നെ പിടിച്ച്‌ തിന്നാനൊന്നും പോണില്ല.. നീണ്ട്‌ നിവർന്നവിടെ കിടക്ക്‌..

ഇക്കിളിയാക്കാണ്ട്‌ ചെയ്യണേ.. എനിക്ക്‌ ആരേലു ഒന്ന് തൊട്ടാ ഇക്കിളിയാവും അതോണ്ടാ

നീ കല്ല്യാണം കഴിച്ചതാണോ ??

ആഹ്‌ മങ്ങലൊക്കെ കയിഞ്ഞിക്ക്‌.. എന്തേ ചോയിച്ചേ ??

അല്ല ഇക്കിളി മാറാത്ത നിനക്കാരാ പെണ്ണു കെട്ടിച്ച്‌ തന്നെ എന്നറിയാനാ..

എന്താന്നറിയൂല്ല ഓളു തൊട്ടാ മാത്രം ഇക്കിളിയാവൂല്ല.. അല്ലാ ഇങ്ങൾടെ മങ്ങലം കയിഞ്ഞതാണോ ??

അതിപ്പോ അറിഞ്ഞിട്ടെന്തിനാ ??

അത്‌ ഫേസ്ബുക്കിലൊക്കെ കാണാ ഇങ്ങളെ പോലുള്ളോരെ സ്റ്റോറികൾ ..അധികവും ചതിയിൽപെട്ടവരുടെ അനുഭവങ്ങൾ..അതേ പോലെന്തേലും ഉണ്ടേൽ മസ്സാജ്‌ ചെയ്ത് ‌തീരും വരെ കേട്ടിരിക്കാലോന്ന് വെച്ച്ട്ടാ‌

ഓഹ്‌ അതിനാണോ എന്നാ കേട്ടോ ... എന്റെ കല്ല്യാണം കഴിഞ്ഞതാണു.. രണ്ട്‌ കുട്ടികൾ ഉണ്ട്‌.. ഒരു കുട്ടിക്ക്‌ കിഡ്നിക്കു സുഖോല്ല.. ഒരു കുട്ടിക്ക്‌ ഹാർട്ടിനു സുഖോല്ല.. കെട്ടിയോൻ എന്നും കള്ള്‌ കുടിച്ച്‌ വന്ന് എന്നെ തല്ലും.. അമ്മായിയമ്മ സ്ത്രീധനം ചോദിച്ച്‌ പട്ടിണിക്കിടും... ഇങ്ങനെ ഒരു സ്റ്റോറി മതിയോ ??

ഇതൊക്കെ ഒരുപാടു പേർ എഴുതിയ സ്റ്റോറി പോലെയാ ചേച്ചീ.. ഞാൻ ചോയിച്ചത്‌ ഇങ്ങളുടെ സ്റ്റോറിയാ.. എഴുതാനൊന്നുമല്ല.. ചുമ്മാ കേട്ടിരിക്കാലോ

ആണോ... എന്നാ കേട്ടോ.. കല്ല്യാണമൊക്കെ കഴിച്ചതാണു....
നിങ്ങൾ കേറി വന്നപ്പോ ഒരുത്തൻ വാതിൽ തുറന്ന് തന്നില്ലേ.. അവനാണു എന്റെ കെട്ടിയോൻ.. നാട്ടിലെല്ലാരും കരുതുന്നത്‌ അവൻ പണിക്ക്‌ പോവുന്ന്.. ഞാൻ റെസ്റ്റെടുക്കുന്നു എന്നാ.. പക്ഷേ നേരെ തിരിച്ചാണെന്ന് മാത്രം...

ഏഹ്‌ അത്‌ ഇങ്ങളുടെ കെട്ടിയോനാണോ.. ഓൻ തന്നെയാണോ ഇങ്ങളെ ഈ പണിക്ക്‌ കൂട്ട്‌ നിക്കണേ ??

അതിനു ഈ പണിക്ക്‌ എന്താടാ കുഴപ്പം .. ഇതിലും നല്ലൊരു പണി ഈ ലോകത്തുണ്ടോ .. ബാക്കിയുള്ള ബിസിനസ്സ്‌ പോലെ ലാഭമോ നഷ്ടമോ എന്നാലോചിച്ച്‌ പേടി വേണ്ട.. കിട്ടുന്നത്‌ മുഴുവൻ ലാഭം.... ഒരു ടെൻഷനും ഇല്ലാത്ത പണി.. മറ്റുള്ള ബിസിൻസ്സിലേ പോലെ കസ്റ്റമേർസ്സിനെ പിടിക്കാൻ പരസ്യം വേണ്ട.. ഒറ്റ ഒരുത്തൻ അറിഞ്ഞാ മതി അവനായിക്കോളും എല്ലാം... ഓണത്തിനും പെരുന്നാളിനും ഓഫർ കൊടുക്കണ്ട.. മെഷീനുകൾ വാങ്ങണ്ട.. ആകെ വേണ്ടത്‌ ഒരു പേയ്ക്കറ്റ്‌ കവർ മാത്രം.. അതായത്‌ 95% ലാഭക്കേസ്‌

ഇങക്ക്‌ ഈ ചെയ്യുന്നേനൊന്നും കുറ്റബൊധം തോന്നാറില്ലേ

കുറ്റബോധം എന്തിനു .. ഞാനെന്താ കെട്ടിയോനറിയാതെ വല്ലവനേയും വിളിച്ച്‌
കയറ്റിയോ .. അല്ലേൽ വല്ലവന്റേയും കൂടെ ഒളിച്ചോടിയോ ..ഇല്ലല്ലോ ??

എന്നാലും ഇത്ര അഭിമാനത്തോടെ പറയാൻ പറ്റുന്ന പണിയല്ലല്ലോ ഇത്‌..

സ്വന്തം മകളെ കൂട്ടിക്കൊടുക്കുന്ന എത്ര അമ്മമാരുണ്ടെടാ നമ്മുടെ നാട്ടിൽ ?? സ്വന്തം മകളെ ഗർഭിണിയാക്കിയ എത്ര അച്ചന്മാരുണ്ട്‌ ??
പെങ്ങളെ ചങ്ങാതിമാർക്ക്‌ കാഴ്ച വെച്ച എത്ര സഹോദരന്മാരുണ്ട്‌ ??
‌10 വയസ്സിൽ താഴെയുള്ള എത്ര കൊച്ചുങൾ പീഡിക്കപ്പെട്ടു ??
ഇതൊക്കെ ചെയ്യുന്നവർക്ക്‌ ഇല്ലാത്ത കുറ്റബോധം എന്തിനാ എനിക്ക്‌.. എന്റെ സ്വന്തം ശരീരം എനിക്കിഷ്ടമുള്ളയാൾക്ക്‌ കൊടുക്കുന്ന്.. ആരെയും കൊല്ലാനോ .. മോട്ടിക്കാനൊ പോയോ ഇല്ലല്ലോ.. നീയിവിടെ എന്നെ അല്ലാതെ വേറെ ഒരു പെണ്ണിനെ കണ്ടിനോ .... എനിക്കെന്താ ഒരുത്തിയെ കുടി വെച്ച്‌ ഒന്ന് കൂടി ഉഷാറാക്കിക്കൂടെ.. എന്തേലും ഒരു ജോലി തരാന്ന് പറഞ്ഞു ഏതേലും ഒരുത്തിയെ നാട്ടീന്ന് കൊണ്ട്‌ വന്ന് ചതിച്ചൂടെ.. ...നിന്റെടുത്ത്‌ തന്നെ ഞാനെന്താ പറഞ്ഞെ .. നിനക്കെന്റെ ശരീരം വേണ്ട എങ്കിലും ഞാൻ മസ്സാജ്‌ ചെയ്തേരാം എന്നല്ലേ.. ചുമ്മാ പൈസ വാങ്ങിയോ ഇല്ലല്ലോ ??

ഇങ്ങളിങ്ങനെ ചൂടാവല്ലേ.. ഞാൻ പറഞ്ഞത്‌ ഇങ്ങൾ പൈസ ഉണ്ടാക്കാൻ ആണേലും നാളെ പടച്ചോന്റെ മുന്നിൽ ഉത്തരം പറയണ്ടേ.. അയിന്റെ പേരിൽ കുറ്റബോധം ഇല്ലേ എന്നാ ഉദ്ധേശിച്ചെ..

പടച്ചോനെ പേടിയുണ്ടേൽ നീയിവിടെ വരുമോ .... പടച്ചോനെ പേടിയുണ്ടേൽ ഉസ്താദ്‌ കുട്ടികളെ ലൈംഗികമായി പീഡിപ്പിക്കുവോ .. സ്വാമിമാർ എത്ര പെണ്ണുങ്ങളെ പീഡിപ്പിച്ചിട്ടുണ്ട്‌.. പള്ളീലച്ചന്മാർ എത്ര പെണ്ണുങ്ങളെ കൊണ്ട്‌ ഒളിച്ചോടീട്ടുണ്ട്‌ .. ഇവരൊക്കെ ദൈവങ്ങളുമായി അടുത്ത്‌ ജീവിക്കണവരല്ലേ.. ഇവർക്കൊന്നും ഇല്ലാത്ത കുറ്റബോധം എനിക്ക്‌ വേണോ ??

അത്‌ പിന്നെ എല്ലാ അച്ചന്മാരും സ്വാമിമാരും അങ്ങനെത്തെ ആൾക്കാരല്ലല്ലോ...

എല്ലാ പെണ്ണുങ്ങളും എന്നെ പോലല്ലല്ലോ ..

ഇങ്ങക്കൊന്ന് നന്നായിക്കൂടേ ??

ഇഞ്ഞെന്നെ നന്നാക്കാൻ വന്നതാ.. എന്നാ ഒരു കാര്യം ചെയ്യ്‌.. എനിക്ക്‌ ജീവിതകാലം മുഴുവൻ ജീവിക്കാനുള്ള പൈസ താ..

അതിനു നയിച്ചിട്ട്‌ ജീവിച്ച പോരെ.. നല്ല ആരോഗ്യമുണ്ടല്ലോ..

ആണോ എന്നാ ഒരു ദിവസം 1000 ദിർഹംസ്‌ കിട്ടുന്ന ഒരു പണി നീ ശരിയാക്കി തന്നേ.. പറ്റുവോ ??

1000 ദിർഹംസ്‌ ഒരു ദിവസോ ..???

ആഹ്‌ അത്‌ ചുരുങ്ങിയത്‌.. അതിൽ കൂടുതൽ കിട്ടും.. ഒരു കസ്റ്റമർക്ക്‌ 100 ദിർഹംസ്‌ വെച്ച്‌.. നല്ല പോലെ ഒന്ന് സുഖിപ്പിച്ച്‌ വിട്ടാൽ ടിപ്പും കിട്ടും.. അതും ഏസിയിൽ കിടന്ന്...മേലനങ്ങാതെ സുഖിച്ചിട്ട്‌.. തരാൻ പറ്റുമോ ഇങ്ങനെ ഒരു ജോലി ??

ഹെന്റെ പടച്ചോനേ..

അത്‌ പോട്ടെ.. ഏസി വേണ്ട.. സുഖിക്കണ്ട.. മേലനങാനും തയ്യാർ.. ദിവസം 200 ദിർഹംസ്‌ എങ്കിലും കിട്ടുന്ന ഒരു ജോലി ശരിയാക്കി തരാൻ നിന്നെ കൊണ്ട്‌ പറ്റുമോ ??

ഇല്ല...

അപ്പോ നീ പറ.. കെട്ടിയോനും പണിക്ക്‌ പോവണ്ട....എനിക്കും പോവണ്ട.. ആൾക്കാർ വന്ന് എനിക്ക്‌ സുഖം തന്ന് എനിക്ക്‌ പൈസ തരുന്നു.. മാനേജർമ്മാരുടെ ആട്ടും തുപ്പും കേൾക്കണ്ട... സമയത്ത്‌ ഡ്യൂട്ടിക്ക്‌ കേറണ്ട.. മാസത്തിൽ 6 ദിവസം ലീവ്‌... ആകെയുള്ള മുതൽ മുടക്ക്‌ 5% മാത്രം.. ഇതിലും സുഖമുള്ള ഒരു ജോലി ഉണ്ടോ .. എന്റെ അറിവിൽ ഇല്ല.. നിന്റെ അറിവിൽ ഉണ്ടേൽ പറഞ്ഞ്‌ താ...

അപ്പോ ഒരിക്കലും ഈ പണി ഒഴിവാക്കില്ല എന്നാണോ ??

ഇപ്പോ ഒരു മനുഷ്യന്റെ ശരാശരി ആയുസ്സ്‌ 45 അല്ലേൽ 55 ആയി.. അതും വളരെ‌ കുറച്ച്‌ പേർ മാത്രേ അത്രയും എത്തുന്നുള്ളൂ.. ഈ ലോകത്തിന്റെ പോക്ക്‌ കണ്ടിട്ട്‌ കുറച്ച്‌ വർഷം കഴിഞ്ഞാൽ ഒരാൾടെ ശരാശരി ആയുസ്സ്‌ 40 പോലും ആവൂല്ലാന്നാ എനിക്ക്‌ തോന്നണേ.. അത്‌ കൂടാതെ വല്ല ചുഴലിക്കാറ്റോ ഭൂമികുലുകമോ വന്നാൽ അതോടെ തീരും.. അപ്പോ ഉള്ള സമയം ഇങ്ങനെ ഹാപ്പി ആയി ജീവിക്ക്യ..അല്ലാതെ 40 വയസ്സ്‌ വരെ അദ്ധ്വാനിച്ച്‌ അഞ്ചൊ പത്തോ കൊല്ലം അടിച്ച്‌ പൊളിച്ച്‌ ജീവിക്ക്യാന്ന് പറഞ്ഞാൽ നടക്കണ കാര്യാണോ... എന്നാലും എത്ര അടിച്ച്‌ പൊളിച്ച്‌ ജീവിച്ചാലും കുറച്ച്‌ പൈസ ഞങ്ങൾ സേവ്‌ ചെയ്യുന്നുണ്ട്‌..ഒരു നാൾ എന്റെ ശരീരം ആർക്കും വേണ്ടാതായാൽ ജീവിക്കൻ വേണ്ടി.. പിന്നെ എയിഡ്സ്‌ ആണെന്ന് അറിയുന്ന അന്നു ഞാൻ നിർത്തും ഈ പണി.. അതിപ്പോ നാളെയാണറിയുന്നതെങ്കിൽ നാളെ..

എന്നാലും ഇതൊന്നും അംഗീകരിക്കാൻ പറ്റണില്ലപ്പോ..

എന്റെ അച്ചനും അമ്മയും കൂലിപ്പണി ചെയ്ത്‌ ജീവിച്ചവരാ.. ഒരു നേരം മാത്രം ഭക്ഷണം കഴിച്ച്‌ ജീവിച്ച സമയമുണ്ട്‌....‌ അതേ പോലെ ഞാനും ജീവിക്കണമെന്നാണോ....

കൂടെപ്പിറപ്പുകൾ ഒന്നൂല്ലേ ??

ഒരുത്തൻ ഉണ്ടാരുന്നു.. എന്റെ മൂത്തവനായിട്ട്‌.. പാർട്ടിക്ക്‌ ജയ്‌ വിളിക്കാൻ പോയിട്ട്‌ ആരോ കൊന്ന് തീർത്തു.. കെട്ടിച്ചയക്കൽ നടക്കൂല്ലാന്ന് അറിയാവുന്നത്‌ കൊണ്ട്‌ ആ പുറത്ത്‌ നിക്കണവന്റെ കൂടെ അങ്ങ്‌ ഒളിച്ചോടി.. അവൻ നല്ലവനാ ട്ടോ.. ഞാൻ അങ്ങോട്ട്‌ നിർബന്ധിച്ചതാ ഈ ജോലി.. ആരുടെയൊക്കെയോ കാലു പിടിച്ച്‌ അവൻ ദുബായ്ക്ക്‌ കേറി.. എന്നെയും‌ കൊണ്ട്‌ വന്നു.... ഇപ്പോ വീട്ടുകാരും ഹാപ്പി ഞങ്ങളും ഹാപ്പി

അപ്പോ ശരി എന്നാ.. സമയമായി.. ഞാൻ പോവാ.... ഇന്നാ ഇത്‌ വെച്ചോ

ഈ പൈസ ഞാൻ സൂക്ഷിച്ച്‌ വെക്കും ..

എന്തേ തന്നത്‌ കുറഞ്ഞ്‌ പോയത്‌ കൊണ്ടാണോ.. എന്റെ കയ്യിൽ 50 ദിർഹംസേയുള്ളൂ...

പൈസ 5 ദിർഹംസ്‌ തന്നാലും വാങ്ങും..അത്‌ വേറെ കാര്യം....ഇത്‌ നിന്റെ ഓർമ്മക്കായിട്ട്‌..

ആന്തിനാ ??

ഇന്നേ വരെ ഒരുത്തനും എന്നോട്‌ ഇത്ര നേരം സംസാരിച്ചിട്ടില്ല.. വന്നാൽ പെട്ടെന്ന് പണി തീർത്ത്‌ പോവാറാണു പതിവ്‌... നീയാണു ആദ്യമായൊരാൾ..‌
ഈ പൈസ കാണുമ്പോ നിന്നെ ഓർക്കാലോ അതിനു വേണ്ടിയാ.. അപ്പോ മോൻ വണ്ടി വിട്‌.. എന്റെ കസ്റ്റമർ മിസ്സാവും...ബൈ ബൈ

ഹും ബൈ

✍🏼 Namsi Jaan