മദ്യ സഭ

(ഇത് എല്ലാ മദ്യപാനികൾക്കുമായി സമർപ്പിക്കുന്നു.. )

മദ്യപകൂട്ടങ്ങളെ കണ്ടപ്പൊകലികേറി 
ഒന്നങ്ങുകൊടുത്താലോ-
വീഴണം വാഴച്ചോട്ടിൽ..

മദ്യമോകുടിയല്ല കുളിയാണെല്ലാവരും കാലത്തെതുടങ്ങിയ
കോപ്രായമാണുപോലും..

വെഗിളിപിടിച്ചുള്ള ഇളിഭ്യനുണ്ടുക്കുടെ
വളിപ്പ് പറയുന്നു ഇളിച്ചുകാട്ടിടുന്നു.

കൂട്ടത്തിൽ ഗായകനാം കൊച്ചാപ്പി -
ചേട്ടൻ ശബ്‌ദം പാട്ടായികേട്ടിടുന്നു
ആടുന്നുടെല്ലാവരും ..

ബോധത്തിൽ താളമില്ല
താളത്തിൽ ബോധമില്ല
അടിച്ചുതകർക്കുന്നു
മേശക്കാലിളകുന്നു ..

വിദ്യയിൽ സമ്പന്നനാം കുറുപ്പു -
സാറുമപ്പോൾ കുഴഞ്ഞുപറയുന്നു
പാ..ഴ.. ഴാ.. കൊച്ചാപ്പി നീ..

സഭയിൽ സമ്പന്നനാം
സർക്കാരുദ്യോഗക്കാരൻ
കീശയിൽ പരതുന്നു ആയിരമെടുക്കുന്നു..

വാലുപോലുള്ളവന്റെ നേരെയാ -
രൂപനീട്ടി ഗമയിൽ പറയുന്നു
വാങ്ങേടാ ഫുൾള്ളൊന്നൂടി..

കൂട്ടത്തിൽ സാധുവായ വാസു -
കൊച്ചേട്ടനപ്പോൾ നിറഞ്ഞുചിരിക്കുന്നു,
തലയും കുലുക്കുന്നു...

സഭയിൽ അടിപിടി കൂട്ടബഹളങ്ങളും
അലറി പറയുന്നു
എടുക്കെടാ.. സോഡാകുപ്പി.

പിന്നെപറഞ്ഞതൊന്നും പറയാൻ
കൊള്ളില്ലന്നേയ്..
അതിനാൽ പറയില്ല..
ചെവി പൊത്തിക്കോ വേണേൽ... !!!

------------------------------------------------------
ജോളി വർഗീസ്സ്