ശനി പിടിച്ച ഒരു അവസ്ഥ

ഗതികെട്ട് പോക്കറ്റ് കാലിയായപ്പോഴാണ് എ.ടി.എം ൽ നിന്നും പണമെടുക്കാമെന്നു വിചാരിച്ചത്. അപ്പോഴതാ ഒരു കിലോമീറ്ററോളം നീണ്ട ക്യൂ.... അപ്പോഴാണ് ഇടയ്ക്കു നിൽക്കുന്ന ഒരാൾ പണം വാങ്ങി വേറെയാളെ കേറ്റുന്നത് കണ്ടത്.... അയാൾ രാവിലെ മുതൽ ക്യൂവിലാണ്... പണം വാങ്ങി വരുന്നവരെ അയാളുടെ സ്ഥാനത്ത് നിർത്തും എന്നിട്ട് ക്യൂവിന്റെ അവസാനം പോയി നിൽക്കും....െവെകുന്നേരം അത്യാവശ്യം കാശ് തടയും.... ഏകദേശം ഒരു മണിക്കൂറിനു ശേഷം രൂപ എടുക്കുവാൻ സാധിച്ചു... പക്ഷേ 2000 രൂപയേ എടുക്കുവാൻ സാധിക്കുകയുള്ളൂ, കൂടുതലും കിട്ടില്ല കുറവും കിട്ടില്ല... പിന്നീട് ..കിട്ടിയ രണ്ടായിരത്തിന്റെ നോട്ട് മാറാനായി കടകളായ കടകളെല്ലാം അലഞ്ഞു നടന്നു.... എന്തോ തെറ്റ് ചെയ്ത മാതിരി ചീത്ത വിളികൾ മാത്രം.... ബാങ്കിൽ ചോദിച്ചപ്പോൾ അത് അക്കൗണ്ടിലിട്ട് ചില്ലറയാക്കാൻ ഒരു ഉപദേശവും... അപ്പോഴാണ് പുറകിൽ നിന്ന് ആരോ തോണ്ടുന്നത് അനുഭവപ്പെട്ടത്...മറ്റാരുമല്ല ലോട്ടറി വിൽക്കുന്ന ഒരു ചേച്ചി... നൂറു രൂപയുടെ ലോട്ടറിയെടുത്താൽ ചില്ലറ തരാമെന്നായി.. ബാഗിൽ നിറയെ നുറു രൂപ നോട്ട് കണ്ടപ്പോൾ ടിക്കറ്റ് വേണ്ട ചില്ലറ തരാമോ? എന്ന് ചോദിച്ചു...ഒന്നും പറയാതെ ലോട്ടറി വിൽപ്പനക്കാരിതിരിഞ്ഞു നടന്നു.... പുറകെ ഞാനും. നുറു രൂപയുടെ ലോട്ടറിയും വാങ്ങി ബാക്കി രൂപയ്ക്ക് സാധനങ്ങൾ വാങ്ങാൻ പോയി.... കൈയിൽ രൂപയുണ്ടായിട്ടും ശനി പിടിച്ച ഒരു അവസ്ഥ.... ~ ~ ~ 

ഹരിമേനോൻ ~ ~ ~