നഷ്ട സൗഹൃദം

കാലം മനുഷ്യന് വരുത്തുന്ന മാറ്റം എത്രതോളമെന്നറിയാൻ 23 വർഷമെടുത്തു. അതിനിടയിൽ നഷ്ടപെട്ടു പോയി എന്ന് കരുതിയ നല്ല സൗഹൃദങ്ങൾ തിരികെ തേടിയെത്തിയപ്പോൾ വല്ലാത്തൊരു ഗൃഹാതുരത്വം തോന്നുകയാണ്. ആ നല്ല നാളുകളുടെ സുഖമുള്ള ഓർമ്മകളിലേക്ക് കൂട്ടിക്കൊണ്ടുപോകാൻ വഴികാട്ടിയായി വന്ന പ്രിയ കൂട്ടുകാരിയെപ്പോലും പെട്ടെന്ന് മനസ്സിലായില്ല. തന്നെ പണ്ട് കളിയാക്കി വിളിച്ചിരുന്ന ആ പേര് പറഞ്ഞവൾ പരിചയപ്പെടുത്തിയിട്ടും ഓർത്തെടുക്കാൻ അല്പം സമയമെടുത്തു. ഇവനെന്തൊരു മനുഷ്യൻ.? എന്നവൾ ചിന്തിച്ചിട്ടുണ്ടാകുമോ. ? ഏയ്, അവൾക്കങ്ങനെ കഴിയില്ല.
ഭൂതകാലത്തിൻറെ ഓർമ്മകൾ വെള്ളിത്തിരയിലെന്നപോലെ മനസ്സിലേക്കോടിയെത്താൻ തുടങ്ങി.
ആ കലാലയ ജീവിതം. .
എത്ര മനോഹരമായിരുന്നു. ഓർമ്മകൾ ചിറകു വിരിച്ചുകൊണ്ട് ഞാനറിയാതെ ആ കളാസ്സ് മുറികളിലേക്ക് പറന്നിറങ്ങി. ഇണക്കങ്ങളും പിണക്കങ്ങളും പിന്നെ കുറെ പരിഭവങ്ങളുമായി പഠനകാലത്തെ ആ സൗഹൃദങ്ങൾ..
പക്ഷേ, ഇന്ന് കാണുമ്പോൾ പല മുഖങ്ങളും വല്ലാതെ മാറിയിരിക്കുന്നു.
എങ്കിലും ഭൂരിപക്ഷത്തിലും ആ പഴയ നിഷ്കളങ്കത മായാതെ നിൽക്കുന്നു.അതിൽ പ്രധാനി യഥാര്‍ത്ഥ സുഹൃത്ത് ബന്ധത്തിൻറ ആഴം മനസ്സിലാക്കിത്തന്ന ഈ കൂട്ടുകാരി തന്നെ. ഇനിയൊരിക്കൽ കൂടി ആ കലാലയ മുറ്റത്തൊന്നൊരുമിച്ചു കൂടുവാൻ കഴിയുമോ.?അറിയില്ല. ..
ഓർക്കുമ്പോൾ മനസ്സിലേക്കോടിയെത്തുന്നത്
ഒ ൻ വി സാറിന്റെ വരികളാണ്. .
'ഒരു വട്ടം കൂടി എൻ ഓർമകൾ മേയുന്ന തിരുമുറ്റത്തെത്തുവാൻ മോഹം. ..
Sidheek Kappil.