നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

മനോഹരതീരം : (കവിത )


മരണമേ... എൻപ്രിയ തോഴാ
നന്ദിയെങ്ങനെ നന്നായി ചൊല്ലേണ്ടു
ഞാൻ നിനക്ക്, വരവേറ്റുവല്ലോ നീയെ-
ന്നെയീ മനോഹരതാഴ്വരയിൽ
എങ്ങും നിശബ്ദത മാത്രമുള്ളൊരീ
താഴ്‌വരയതിൽ നിറയെ കുളിർക്കാറ്റ്
എങ്ങും പെയ്തിറങ്ങുന്ന തൂമഞ്ഞ്
മരണത്തിൻ മയക്കുന്ന വശ്യഗന്ധം
താഴ്‌വരയതിന്നടിത്തട്ടിൽ കണ്ണാടിച്ചോല -
യതിന്നരികിൽ വെള്ളപ്പനിനീർച്ചെടികൾ
നിറയെ ചേലെഴും ചുവന്ന പനിനീർപ്പൂക്കൾ
ഒരുവശത്ത് നിറയെ പേരറിയാത്ത
വെളുത്ത പൂക്കളുള്ള മരങ്ങളും, മഞ്ഞു -
കണങ്ങൾ കൂമ്പിയയിലകളിലേറ്റു -
വാങ്ങിയ ഉയരമുള്ള ഓക്ക് മരങ്ങളും,
വിശുദ്ധമനോഹര മന്ദഹാസമുതിർക്കുന്ന
മാലാഖക്കുഞ്ഞുങ്ങൾ നിറയെ ചരിക്കുന്നു
നക്ഷത്രക്കണ്ണുള്ള താരകക്കുഞ്ഞുങ്ങൾ
അവരോടൊത്തങ്ങാടി തിമിർക്കുന്നു
പേരില്ലാത്ത മനുഷ്യരവിടെയവർക്കു
മരണത്തിൻ മാദക സൗമ്യഗന്ധം
സൂര്യനവിടുണ്ടെങ്കിലും ചൂടൊട്ടുമില്ലാ -
യവൻ ചന്ദ്രനോടൊപ്പം മന്ദഹസിക്കുന്നു
അല്ലയോയെൻ പ്രിയതോഴാ മരണമേ
തരികനീയെനിക്കൊരു വെള്ളപ്പൂക്കളിൽ -
ത്തീർത്തതാം വെണ്മയുടെ പൂച്ചെണ്ട്
ചേർത്തുകൊള്ളുകയെന്നെ നീ നിന്നുടെ
നിത്യാശ്വാസത്തിൻ വെണ്ണക്കൽ മാളികയിൽ..
~~~~~~~~~~~~~~~~~~~~~~~~~~~~~~
ബിനു കല്ലറക്കൽ ©

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot