മഴതൻ പ്രണയം

ആദ്യമായാണ് ഒരു മലയാള കവിത എഴുതുന്നത്...തെറ്റുകൾ ക്ഷമിക്കുക...

**മഴതൻ പ്രണയം**

പ്രണയമായ് ഒഴുകും എൻ ഹൃദയത്തിൽ ഞാനെൻറെ മോഹങ്ങളെല്ലാം മറന്നു വച്ചു....
നിൻ മിഴിനീർതുള്ളികൾ അടരവേ മൗനമായ് ഞാനിന്നു പെയ്തിറങ്ങി...

കാത്തിരിപ്പൂ ഞാൻ ...
കുട ചൂടാതെ നീയെന്നിൽ അലിയുവാൻ എൻ്റെ ചാരെ നടക്കുവാൻ
ഈ മഴതൻ ഗന്ധം മറന്നുവോ... നീ പുണർന്നുവോ ആ മഴവില്ലിനെ
മേഘ ശകലങ്ങളോ സൂര്യ മറയായി
ആ കുളിർകാറ്റിലും നിന്നെ തിരഞ്ഞു ഞാൻ

അറിഞ്ഞുവോ തോഴാ....
എന്റെ കണ്ണീർക്കണങ്ങൾ പെയ്തിറങ്ങുമ്പൊഴീ നൊമ്പരം
എന്റെ നെഞ്ചകം കീറി മുറിക്കുമീ മിന്നൽ പിണരുകൾ
എങ്കിലും നിൻ നോവുകളെന്നിൽ പകരുവാൻ
നിനക്കായി മാത്രം പെയ്തതാണീ മഴ....

ചേർക്കുക എന്നെ നിൻ ഹൃദയത്തിൽ
സൂര്യ രശ്മികൾ എന്നെ പടരും മുമ്പേ....
ചേർക്കുക എന്നെ നീ ഗാഢമായ്
കൂരിരുട്ടിൽ ഏകയായിടും മുമ്പേ
ചേർക്കുക എന്നെ നീ മന്ദസ്മിതം
ഓർമ്മത്തുള്ളിയായ് മണ്ണിലടിയും മുമ്പേ....
ചേർക്കുക എന്നെ നീ നിന്നിലേക്കെപ്പോഴും

വെയിലിലും നിന്നെ പുണരുവാൻ വന്നൊരീ മഴപെണ്ണിനെ നീ മറന്നു പോയോ??
അലിയണമിന്നു നിന്നോർമ്മ തൻ ആഴങ്ങളിൽ
പെയ്തിറങ്ങണം നിൻ ആത്മാവിൽ തോരാത്ത മഴയായ്....

(റീമ മാത്യൂസ്)