അറിയാതെയുള്ളിൽ സ്ഫുരിക്കുമാ പ്രണയത്തിൻ,
കിരണങ്ങളെന്നെത്തലോടിയെന്നോ...
കിരണങ്ങളെന്നെത്തലോടിയെന്നോ...
പറയുവാനാകാതെയുള്ളിലൊളിപ്പിച്ചാൽ,
പ്രണയമേ നീയൊരു നഷ്ട്ടകാവ്യം...
പ്രണയമേ നീയൊരു നഷ്ട്ടകാവ്യം...
പ്രണയിനിനിൻ കൺകോണിൽ വിരിയുന്ന കവിതകൾ,
സംഗീതസാന്ദ്രമായ് പാടിടാം ഞാൻ...
സംഗീതസാന്ദ്രമായ് പാടിടാം ഞാൻ...
എത്രയോ നാളായ് പറയുവാൻ വെമ്പുന്ന,
പ്രണയത്തിൻ മൊട്ടുകൾ വിരിയുന്നതായ് തോന്നി.
പ്രണയത്തിൻ മൊട്ടുകൾ വിരിയുന്നതായ് തോന്നി.
നീയാകും സൗന്ദര്യ ദീപ്തിയെ പ്രണയിക്കാൻ,
കാർവർണ്ണ നിറമുള്ള ഞാനൊന്നു ശങ്കിച്ചു...
കാർവർണ്ണ നിറമുള്ള ഞാനൊന്നു ശങ്കിച്ചു...
നല്ലോരു ഹൃത്തിനുടമയാംമെന്നിലെ,
പ്രണയമൊഴി കാതോർത്തവൾകാത്ത വഴികളിൽ.
പ്രണയമൊഴി കാതോർത്തവൾകാത്ത വഴികളിൽ.
നമ്രശിരസ്സുമായവൾ നിന്ന നേര-
ത്തെങ്ങിനെ ചൊല്ലുമെന്നറിയാതെ ഞാൻ നിന്നു...
ത്തെങ്ങിനെ ചൊല്ലുമെന്നറിയാതെ ഞാൻ നിന്നു...
എന്നിലെ കാമുകഭീരുത്വ മനസിനാൽ
കണ്മുന്നിലന്യയായ് മാറീയെനിക്കു നീ...
കണ്മുന്നിലന്യയായ് മാറീയെനിക്കു നീ...
മറ്റൊരു പുരുഷന്റെ സിന്ദൂരമണിയുമ്പോ-
ളെത്രയോ കാതമെനിക്കകലെയായ് തീർന്നു നീ...
ളെത്രയോ കാതമെനിക്കകലെയായ് തീർന്നു നീ...
പറയുവാനാകാതെ പലനാൾ കുറിച്ചിട്ട,
പ്രണയത്തിൻ ലിഖിതങ്ങളെന്നോടു കളിചൊല്ലി..
പ്രണയത്തിൻ ലിഖിതങ്ങളെന്നോടു കളിചൊല്ലി..
കാലങ്ങളായ് നീ ഹൃദയത്തിൻ തീരത്തി-
ലെഴുതിയ ലിഖിതങ്ങൾ തിരകൊണ്ടു പോയല്ലോ...
ലെഴുതിയ ലിഖിതങ്ങൾ തിരകൊണ്ടു പോയല്ലോ...
പറയാത്ത പ്രണയമതു ബാഷ്പ്പമായ് തീർന്നിടും,
വെയിലേറ്റു വറ്റുന്ന മകുടജലം പോലെ...
വെയിലേറ്റു വറ്റുന്ന മകുടജലം പോലെ...
####ഷെഫീർ####
Nice❤️
ReplyDelete