വില

അഹങ്കരിച്ചിരിന്നു ഇന്നുവരെ
ഞങ്ങളോളം വില ഇല്ല മറ്റൊന്നിനുമേ
എന്തുമളക്കാം ഞങ്ങളെ കൊണ്ട് 
ഉള്ളവനെ മഞ്ചത്തിലും
ഇല്ലാത്തവനെ ശവമഞ്ചത്തിലും-
നിരൂപിച്ചു ഭൂമിയിൽ.

വീടുണ്ട്, പൊന്നുണ്ട്, പെണ്ണുണ്ട്.
അവരുണ്ട്, ഇവരുണ്ട്, രതിയുണ്ട്.
എല്ലാത്തിലുമുണ്ട്, ഞങ്ങളുണ്ട്.

ലോകം മുടിഞ്ഞാലും
ഞങ്ങൾ മുന്നിടും എന്നുനിൽക്കെ -
ഒരു രാത്രി കൊണ്ട് വലിച്ചെറിഞ്ഞില്ലേ
ഒരുതുണ്ടു കടലാസ്സിൻ വിലപോലുമില്ലാതെ..

പണമല്ല വലുതെന്നു -
കാലം തെളിയിച്ച സത്യമിത്...

എങ്കിലും കാത്തിരിക്കും
പുത്തനുടുപ്പിട്ട് എത്തിടും ഞങ്ങളെ
പുറകെ പിടിക്കാൻ എത്തിടും നിങ്ങളെ..

അപ്പോൾ വീണ്ടും പറയും
പിണമല്ല പണമാണ് വലുതെന്നു പലരും...

**********
പെട്ടെന്നെഴുതിയ കവിത
രതീഷ് സുഭദ്രം