ഉദ്ധാരകർ : (നർമ്മം )

" ഷു ഷു ഷി ഷു ഷു യ് ... "
'One new notification received.. '
അവൾ മെസ്സേജ് തുറന്നു നോക്കി.
Friend request. എഴുത്ത് ഗ്രുപ്പിലെ പുതുമുഖം.
' Request confirmed, now you are friends.. '

"ക് ണിം... "

"ഹായ്.. "

"ഹായ്.. "

"മായ -യാണല്ലേ... "

" മായ ആണല്ലാ... പെണ്ണാണ്.. "

" Joke.. Joke... മായയുടെ ഈ നർമ്മബോധമാണ് എന്നെ ആകർഷിച്ചത്.. "

" hmmmmm.... "

" മായയുടെ എഴുത്തുകളൊക്കെ വായിക്കാറുണ്ട്.. എല്ലാം Excellent.. "

" K..Hmmmm.... "

" മായയൊരു വിപ്ലവകാരിയാണല്ലേ.. എഴുത്തുകളിൽ തീ പാറുന്നു... "

" തീയോ... എവിടെ.. ഞാൻ കണ്ടില്ലല്ലോ... ? "

" അങ്ങനത്തെ തീയല്ലാ.. ഉൾത്തീ.. ഉൾത്തീ.. ഇഷ്ടമുള്ളവർക്കേ കാണാൻ പറ്റൂ.. "

" Hmmmm.. "

" പിന്നേ.. മായേടെ പ്രൊഫൈൽ പിക്‌ചറിൽ എന്താ ഒരു വിപ്ലവമുഖം... തീരെ റൊമാന്റിക്കല്ല.. എനിക്കിഷ്ടല്ലട്ടോ.. എഴുത്തും വിപ്ലവവും തമ്മിൽ കൂ ട്ടിക്കുഴക്കണോ... ഒരു ഫ്ലോ കിട്ടുന്നില്ല... "

" എന്ത് ഫ്ലോ... ആർക്ക് കിട്ടുന്നില്ല... ?? "

" അല്ലാ.. അങ്ങനെയല്ല.. അതല്ലാ.. ഞാനുദ്ദേശിച്ചത്... "

"ഏതല്ലാ... "
• • • • • • •
" മായേടെ വിപ്ലവാഗ്നി എന്നിലും പടർന്നോന്നൊരു സംശയം.. ഞാൻ മായയ്ക്ക് വേണ്ടി ഒരു വിപ്ലവ കവിത എഴുതിയിട്ടുണ്ട്.. കാണിക്കട്ടെ.. ?. "

" Hmmm.. കാണിക്കൂ.. "

" കരിമ്പനകൾ ആടുന്നു..
ചെന്തെങ്ങു ചുവക്കുന്നു..
യുധിഷ്ഠിരന് ജലദോഷം..
വാസുകി നാടുവിട്ടു..
കമലഹാസൻ നൃത്ത.......... "

" നിർത്തടോ തന്റെ നൃത്തം..
ഇതാണോ തന്റെ കവിത.. ?
തന്റെയൊരു ജലദോഷം.. "

"എന്താ പിടിച്ചില്ലേ.. പിടിച്ചില്ലെങ്കിൽ വേറെയുണ്ട്..
എടുക്കട്ടേ.. ? അതിരിക്കട്ടെ മായ സിംഗിളാണോ.. ?"
• • • • • • • •
• • • • • • • •
" മായ പോയോ... "
• • • • • • • •
പച്ച ലൈറ്റ് അണഞ്ഞു..
• • • • • • • • •
• • • • • • • • •
പച്ച ലൈറ്റ് പിന്നെയും കത്തി.

" സംസാരിച്ചോണ്ടിരുന്നപ്പം പറയാത്തങ്ങു പോയല്ലേ... ? "

" അതെന്താ.. പറഞ്ഞിട്ട് പോകാൻ താനെന്റെ മാമന്റെ മോനൊന്നുമല്ലല്ലോ.. ഉവ്വോ.. ഫ്രണ്ടല്ലേ..? "

" ഒന്നൂല്ലടി.. എനിക്ക് വല്ലാത്ത മൂത്രക്കടച്ചിൽ.. നിന്റെല് വല്ല മരുന്നുണ്ടോന്നറിയാനാരുന്നു... "

"പ്‌ഫ... നിന്റെ അമ്മയോട് പോയി ചോദിക്കടാ.. "

" നീ ആരാന്നാടി നിന്റെയൊക്കെ വിചാരം.. ക്ലിയോപാട്രയോ... അതോ ലൈലയോ.. ?
നിന്നെ ഞാൻ ഫ്രണ്ട്‌ ആക്കിയതേ.. നിന്റെ തൊലിവെളുപ്പും ഭംഗിയും കണ്ടിട്ടൊന്നുമല്ല.. പിന്നെ എഴുത്തിനെ ഒന്ന് ഉദ്ധരിക്കാമെന്ന് വിചാരിച്ചിട്ടാ.. പോടീ ---------- ----------- "

" Thanks verymuch... "

'Block >> '

' Are you sure you want to block this person.. ?
Confirm. '

" Block Confirmed "

സ്വസ്ഥം, ശുഭം.
×××××××××××××××××××××××××××××××××××××

ബിനു കല്ലറക്കൽ.