**എന്നാലും ന്റെ അറബി, !! ( മിനിക്കഥ )

'*അഞ്ഞൂറിന്റേയും, ആയിരത്തിന്റേയും ഇൻഡ്യൻ കറൻസിക്ക് ആദരാഞ്ജലികൾ അർപ്പിക്കാൻ നാട്ടിലെ ബാങ്കു കളിൽ ക്യൂ നില്ക്കുന്ന ജനങ്ങളുടെ ഫോട്ടോ തന്റെ അറബിയെ കാണിച്ചു കൊണ്ട്
സെയ്ദാലിക്കാ അറബിയുടെ മുന്നിൽ
ഒരു കരച്ചിലങ്ങ് അഭിനയിച്ചു കാണിച്ചു,

കണ്ടില്ലേ, ഇൻഡ്യയിൽ ക്യാഷ് നിരോധിച്ചു,
ആരുടെയും കെെയ്യിൽ പണമില്ലാ, എല്ലാവരും ദുരിതത്തിലാണ്, മക്കളും ഭാര്യയും, ഉപ്പയും ഉമ്മയുമെല്ലാം ആഹാരം കഴിച്ചിട്ട് ദിവസങ്ങളായി , മരുന്ന് വാങ്ങാൻ , സ്കൂളിൽ ഫീസടക്കാൻ ഇതിനൊന്നും പണമില്ല ,
അതുകൊണ്ട് അങ്ങ് എന്നെ സഹായിക്കണം, , സങ്കടം പറഞ്ഞ്,
മിഴികളിൽ ഉയർന്ന ജല നിരപ്പ്
തുവ്വാല കൊണ്ട് തുടച്ച് സെയ്ദാലിക്കാ അറബിയുടെ മുന്നിൽ കെഞ്ചി,

പാവം അറബി എല്ലാം വിശ്വസിച്ചു,
മാഫി മുശ്ക്കിലാ, സബൂർ സബൂർ , (കുഴപ്പമില്ല, .ക്ഷമിക്ക്, ക്ഷമിക്ക്, )
അയാളുടെ തോളിൽ തട്ടി സമാധാനിപ്പിച്ച് അറബി പുറത്തേക്ക് പോയി,

സംഗതി ഏറ്റെന്നാ തോന്നുന്നത്, രക്ഷപ്പെട്ടു, കുറച്ച് ദിനാർ കിട്ടാതിരിക്കില്ല, കഴിഞ്ഞ വർഷം കൊല്ലം കാരൻ നാസർ ചെയ്ത അത്രയൊന്നും താൻ ചെയ്തില്ലല്ലോ,

നാസർ ഭയങ്കര പിരിവല്ലേ നടത്തി കാശ് പിടുങ്ങിയത് അതും ലക്ഷങ്ങൾ ,''ഗണപതീടെ ഫോട്ടോ കാണിച്ച് തന്റെ ആദ്യത്തെ കുഞ്ഞാണ് ഇതെന്നും, ജനിച്ചത് ഈ കോലത്തിലാണ് എത്രയും വേഗം അവന്റെ മൂക്ക് ഓപ്പറേഷൻ ചെയ്യണം എന്നൊക്കൊ പറഞ്ഞ് കരഞ്ഞപ്പോൾ മനസലിഞ്ഞ അറബി ലക്ഷങ്ങളല്ലേ നാസറിന് കൊടുത്ത് സഹായിച്ചത്, സംഭവം പുറത്തായതോടെ നാസറിന് '*ഗണപതി നാസറെന്നും'* പേരും വീണു, !

ഏതായാലും ഇത് അത്രക്ക് നുണയൊന്നുമല്ലല്ലോ, കിട്ടിയാൽ കിട്ടട്ടെ സെയ്ദാലി ഓഫീസിൽ തന്റെ ജോലിയിൽ മുഴുങ്ങി,
എങ്കിലും ഇടക്കിടെ പുറത്തേക്ക് കണ്ണുകൾ പായും ,
പ്രതീക്ഷിച്ചതു പോലെ ഡ്യൂട്ടി സമയം കഴിയാറായപ്പോൾ ദാ കയറി വരുന്നു അറബി,
അസ്സലാമു അലെെക്കും അറബി സലാം പറഞ്ഞു,
സെയ്ദാലിക്കാ സന്തോഷത്തോടെ സലാം മടക്കി,

താൽ ,'' (വരൂ ) സെയ്ദാലിയെ കെെ കാണിച്ച് അറബി വിളിച്ചു, ഒരു വലിയ പൊതി എടുത്ത് കൊടുത്തിട്ട് പറഞ്ഞു,
ഇത് നീ എടുത്തോ ആരോടും പറയണ്ട, '
സന്തോഷമായില്ലേ, അറബി ചോദിച്ചു,

സെയ്ദാലി ചിരിച്ചു, ഇത്തവണ കണ്ണ് നിറഞ്ഞത് സന്തോഷം കൊണ്ട് _
ഓകെ,
സലാം പറഞ്ഞ് ,=
അറബി പുറത്തേക്ക് നടന്നു,

സെയ്ദാലി ദെെവത്തിനെ സ്തുതിച്ചുകൊണ്ട് ഓഫിസിലെ ആളില്ലാത്ത മറ്റൊരു റൂമിൽ കയറി വാതിലടച്ച് മെല്ലെ പൊതി തുറന്നു,

ഞെട്ടിപ്പോയി,
അഞ്ഞൂറിന്റേയും, ആയിരത്തിന്റേയും പഴയ ഗാന്ധി കെട്ടുകൾ അഞ്ച് ലക്ഷം രൂപ,
എന്ത് ചെയ്യണമെന്നറിയാതെ സെയ്ദാലീക്കാ മരവിച്ച് നിന്നു,
ഈ പഹയൻ വല്ലാത്ത ചതിയാണല്ലോ പടച്ചോനെ എന്നോട് കാണിച്ചത് ഈ മാലിന്യം തനിക്കെന്തിനാ, ??? ഞാനിനി ഇത് കൊണ്ട് എവിടേക്ക് പോകും, ശൊ, തിരിച്ച് കൊടുത്താൽ ഒരു പക്ഷേ ജോലി വരെ തെറിക്കും, ഇത്രയും പ്രതീക്ഷിച്ചില്ല, ! !

കഴിഞ്ഞ മാസം കോട്ടയ്ക്കൽ ആയുർവേദാശു പത്രിയിൽ അറബി സുഖ ചികിത്സക്ക് പോയപ്പോൾ ചിലവാക്കാനാകാതെ ബാക്കി വന്ന കാശാണത്രേ,

സെയ്ദാലീക്കാടെ ശമ്പളത്തിൽ നിന്ന് കുറേശേ പിടിച്ചോളാമെന്ന്
അറബി ഫോൺ ചെയ്ത് പറയുക കൂടി ചെയ്തപ്പോൾ സെയ്ദാലീക്കാ വീണു പോയി, അറബി കൊടുത്ത ആ നോട്ടിൻ കെട്ടിന് മുകളിലേക്ക്, !!!======
=========
ഷൗക്കത്ത് മെെതീൻ,
കുവെെത്ത് (ഇടുക്കി )