ഉണ്ണിയപ്പം :-

രാവിലെ പുതപ്പിനുള്ളിൽ ചുരുണ്ടുകൂടി ഉറങ്ങുമ്പോഴാണ് ഫോൺ ബെല്ലടിക്കുന്നത്. നാശം പിടിക്കാൻ ആരാ ഈ നേരത്ത് എന്ന് പിറുപിറുത്തു ഹരിഫോൺ എടുത്തു നോക്കി
അനുപമ, യാ ണ് വിളിക്കുന്നത് .ഫോണിൽ അനുപമയുടെ സുന്ദരമായ മുഖം തെളിഞ്ഞു വന്നു.

"ഹലോ അനുക്കുട്ടി "കുറച്ച് പഞ്ചാരകലർത്തി അവൻ പറഞ്ഞു
" ഹരിയേട്ടാ എനിക്കിന്ന് രാവിലെ ഹരിയേട്ടനെ കാണണം.അത്യാവശ്യമാണ് എനിക്ക് വേണ്ടി ഇന്ന് ഫ്രീയാകണം"
"എന്താ അനു ഇത്ര അത്യാവശ്യം പതിമൂന്ന് ദിവസം കഴിഞ്ഞാൽ പിന്നെ ഞാൻ എപ്പോഴും ഫ്രീയല്ലേ
നീ രണ്ടു മാസം കൂടുതൽ ചോദിച്ചോണ്ടാ ഇല്ലെങ്കിൽ ഇപ്പോ എന്റെ കൂടെ ഇരുന്നേനെ "

" ഹരിയേട്ടാ ഇത് തമാശയല്ല വേഗം വരണം ഞാൻ കൃത്യം 11 മണിക്ക് ബ്രോഡ് വേയിൽ എന്നും വരാറുള്ള കോഫി ഹൗസിൽ കാത്തിരിക്കും " ഫോൺ കട്ടായി .
എന്ത് വാശിയാ ഇത് .കണ്ടിട്ട് മൂന്ന് ദിവസം കഴിഞ്ഞില്ല അതിന് മുന്നേ വീണ്ടും കാണണമെന്ന്
എന്തായാലും കുഴപ്പമില്ല എത്ര സ്ഥലത്ത് ചായ കുടിക്കാൻ പോയിട്ട് കിട്ടിയതാ ഈ ഒന്നിനെ. ആ നേരം കൊണ്ട് ഒന്നിനെ പ്രണയിക്കാൻ പോയിരുന്നെങ്കിലോ മൂടി പുതച്ച് കിടക്കാർക്കാർന്നു.. അനുക്കുട്ടി ദേ പോയി ദാ വരുന്നു നിന്റെ ഹരിയേട്ടൻ എന്നും പറഞ്ഞ് അവൻ നേരെ ബാത്ത് റൂമിലേക്ക് ഓടി
* * * * * * * * * * * *
കോഫി ഹൗസിൽ അക്ഷമയോടെ കാത്തിരിക്കുകയായിരുന്നു ഹരി
"ഹരിയല്ലേ "
പുറകിൽ നിന്നൊരു പെൺ ശബ്ദം
" അതെ "
അവൻ തിരിഞ്ഞ് നോക്കി എവിടെയോ കണ്ട പോലെ തോന്നിയെങ്കിലും മനസിലാകാത്ത പോലെ നോക്കി
" ഒരു പാട് നേരമായോ വന്നിട്ട് .ഞാൻ അനുവിന്റെ ഫ്രണ്ട് ആണ് .അനുവിനെ പ്രതീക്ഷിക്കുന്നെങ്കിൽ അവൾ ഇവിടെ വരില്ല ... വിരോധമില്ലെങ്കിൽഞാനിവിടെ
ഇരിക്കട്ടെ . തനിക്ക് തരാനായി അവൾ ഒരു കത്ത് നന്നിട്ടുണ്ട്"
അവൻ ആ കത്ത് വായിച്ചു

"പ്രിയപ്പെട്ട ഹരിയേട്ടന് ,
' എന്നോട് ക്ഷമിക്കണം .ഞാനും എന്റെ സുഹൃത്തും തമ്മിൽ പ്രണയത്തിലായിരുന്നു. ഹരിയേട്ടനുമായ വിവാഹം ഉറപ്പിക്കുന്നതു വരെ വീട്ടുകാരുടെ എതിർപ്പിൽ വീട്ടു തടങ്കലിൽ ആയിരുന്നു ഞാൻ . സ്പെഷ്യൽ മാരേജ് ആക്ട് പ്രകാരം എന്റെ വിവാഹം കഴിഞ്ഞു. സെർട്ടിഫിക്കറ്റ് കിട്ടുന്നതിനു വേണ്ടിയാണ് ഒരു മാസം അവധി ചോദിച്ചത്.എന്റെ ഫോണിലേക്ക് വിളിക്കണ്ട .ആ നമ്പർ ഇപ്പോൾ നിലവില്ല.
ഞങ്ങളെ അന്വോഷിക്കരുത് ഞങ്ങൾ പോകുന്നു
എന്ന്
അനു

ഒന്നും മിണ്ടാനാകാതെ ആ കത്തും പിടിച്ച് അയാൾ ഇരുന്നു .ചുറ്റും ഇരുട്ടുപോലെ .. നാട്ടിലും വീട്ടിലും ഒരുപോലെ നാണക്കേട് .... കല്യാണം വിളിച്ചവരോടൊക്കെ ഇനി അത് നടക്കില്ലെന്ന് പറയണ്ടേ എല്ലാം ആലോചിച്ച് വട്ടു പിടിച്ചിരുന്നു"

"ന്നാ ഞാൻ പോകട്ടെ ! വിഷമിക്കണ്ട എല്ലാം ശരിയാക്കും .അല്ലാതെ ഞാൻ എന്ത് പറയാനാ. "

"തന്റെ കാര്യം ഞാൻ മറന്നു തനിക്ക് കുടിക്കാനെന്തെങ്കിലും "
"ഒന്നും വേണ്ട. ഹരിയേട്ടന് എന്നെ മനസിലായില്ല അല്ലേ .എനിക്കറിയില്ലായിരുന്നു ഹരിയേട്ടനാണ് ആളെന്നു"
"എവിടെയോ കണ്ട പോലെ "
"എവിടെയോ അല്ല എന്റെ വീട്ടിൽ തന്നെ എന്നെ പെണ്ണുകാണാൻ. ഞാൻ അഞ്ചന ഒന്നു ഓർത്ത് നോക്ക് "

അവൻ കുറച്ചു കാലം പുറകോട്ട് പോയി ശരിയാണ് ഓർമ വന്നു.
അന്നൊരു തിങ്കളാഴ്ചയായിരുന്നു ബ്രോക്കറെയും കുടുംബക്കാരെയും കൂട്ടി പെണ്ണിന്റെവീട്ടിൽ ചെന്നു. നൂറ് കൂട്ട് പലഹാരങ്ങൾ കാണും .കുറെ പെൺപടകൾക്കു നടുവിൽ വിറയ്ക്കുന്ന കൈകളായ് നാണം കുണുങ്ങി അവൾ നടന്നു വന്നു ചായ നേരെ നീട്ടി അവൻ
ചായ ഗ്ലാസ് വാങ്ങി " ദേ ആ ഉണ്ണിയപ്പം കഴിക്ക് ഇവളുണ്ടാക്കിയതാ" അവളുടെ അമ്മ പറഞ്ഞു അവൻ അതിൽ നിന്ന് ഒന്നെടുന്നു .ചോദിക്കാറുള്ള പതിവ് ചോദ്യം "
നിങ്ങൾക്ക് എന്തേലും സംസാരിക്കാനുണ്ടേൽ ആകാം "അവളുടെ അമ്മാവന്റെ വക ചോദ്യം
അവൻ മുറിയിൽ ചെന്നു അവൾ അടുത്ത് വന്ന് നിന്നു
" പേരും നാളും പഠിപ്പൊക്കെ എനിക്കറിയാം അതിനി ചോദിക്കുന്നില്ല പാചകം ഒക്കെ ശരിക്ക് അറിയാലേ .ഈ ഉണ്ണിയപ്പം ഉണ്ടാക്കുന്ന റെസപ്പി ഒന്ന് പറഞ്ഞു തരാമോ "
പെൺകുട്ടി പ്ലിം ഗ്ലോടു കൂടി " എനിക്കിതൊന്നും അറിയില്ല ഇതൊക്കെ അമ്മയുണ്ടാക്കീതാ "

"അതെനിക്ക് കൈ കണ്ടപ്പോളെ മനസിലായിയിരുന്നു അടുക്കള കണി കണ്ടില്ലെന്നു "
"ഹലോ സ്വപ്നത്തിലാണോ"'
പെട്ടെന്നുള്ള ആ വിളിയിൽ അവൻ ഓർമയിൽ നിന്ന് പുറത്തു വന്നു " പെണ്ണിന് നിറം പോരാ സൗന്ദര്യമില്ല ആ കല്യാണം അന്ന് മുടങ്ങി

"ഓർമയുണ്ട് .തന്റെ കല്യാണം കഴിഞ്ഞോ?"
"ഇല്ല ആലോചനകൾ നടക്കുന്നു .ഒന്നും ശരിയാകുന്നില്ല"
"വിരോധമില്ലെങ്കിൽ ഞാൻ ഒന്നൂടെ വരട്ടെ വീട്ടിലേക്ക് തന്നെ പെണ്ണു ചോദിക്കാൻ .നാണംകെട്ടവന്റെ അവസാന വാക്കാണിത്. നിശ്ചയിച്ച തീയതിയിൽ തന്നെ വിവാഹം നടക്കും. തനിക്ക് സമ്മതമാണോ."

"ഞാൻ ഇപ്പോ എന്താ പറയാ ഇത്ര പെട്ടെന്ന്"
"തന്റെ സമ്മതം മതി എനിക്ക് ബാക്കി ഞാൻ വീട്ടുകാരുമായി തീരുമാനിച്ചോളാം . പൊന്നു പോലെ നോക്കിക്കോളാം .വേറെ ഒരു വഴിയും മുന്നിലില്ല എന്നെ സഹായിക്കണം"

" സമ്മതമാണ് "

എന്താണ് കുടിക്കാൻ വേണ്ടത് സാർ

"പ്രണയത്തിന്റെ മുന്തിരി മയം തന്നെ " ഹണി വിത്ത് ഗ്രേപ്പ് സ്"

ഇറങ്ങാൻ നേരം അവൻ പറഞ്ഞു " ഞാൻ വരും "

"വരണം !സ്വന്തം കൈ കൊണ്ടുണ്ടാക്കിയ ഉണ്ണിയപ്പവുമായി ഞാൻ കാത്തിരിക്കും "

* * *സൂര്യ അമ്മു * * *