സഖി

ആ പൂമരത്തിൽ പൂവിട്ട സുന്ദര -
മായൊരു കൗതുകമാണെൻ സഖി.
ചിലപ്പോൾ വാടിയും
ചിലപ്പോൾ കുണുങ്ങിയും
ചിലപ്പോൾ പുഷ്പിച്ചിടുമെൻ സഖി.

ആ മരത്തണലിൽ
പടരുന്ന സൗരഭ്യ-മായൊരു
കുളിരൂറും കുഞ്ഞിളം കാറ്റും.
കുഞ്ഞിളം കാറ്റിൽ
അനുഭൂതി അനന്തമായ്
അതിരസമേറെയെനി-
ക്കേകിയെൻ സഖി.

ആ മരച്ചുവട്ടിൽ
അതിരസമേകിയ
അനുഭൂതി ധന്യമായ്
ഒഴുകിയെൻ സഖി.
ഒഴുകുന്ന അരുവി പോൽ
കളാകളാരവം കേട്
മനോഹര ഗീതമായ്
പടരുന്നെൻ സഖി.

ഹുസൈൻ എം കെ