ഓർമ്മയിൽ നീ

ഇലത്തുമ്പിൽ തുമ്പപ്പൂ ചോറു വിളമ്പും
നിന്റെ ഇഷ്ട കറികളും കൂടെയുണ്ടാകും
പകരമായ് ചൊല്ലുവാൻ വാക്കുകളില്ലാതെ
ഇരുളിൻ മറവിൽ ഒളിഞ്ഞു നീ നില്ക്കും

നിനക്കായിന്ന് തെളിയും വിളക്കിൽ
കണ്ണുനീർ കൊണ്ട് ഞാനെണ്ണ പകരും
ചിരിതൂകിയന്ന് ചൊല്ലിയ വാക്കുകൾ
അറിയാതെയിന്ന് ഉള്ളിൽ തുളുമ്പും

എനിക്കു നീയാരെന്ന് തിരിച്ചറിയാനിന്ന്
നിന്റെ വിരഹം എനിക്കൊരു പാഠമായീ
ഇനി വരും ഓരോ വിശേഷങ്ങളെല്ലാം
നിനക്കായ് ഞാൻ തരും കണ്ണുനീരോർമ്മ

പകരമായാരുമെൻ കിനാവിലുണ്ടാകില്ല
പലവട്ടം ഞാനതറിയാരുവിട്ടു.....
എങ്കിലും അറിയാതെ ആശിച്ചു പോകും
ഒരു മാത്രയെങ്കിലും ആ മുഖം കാണാൻ

ഓരോ ഇരുളിലും തിരയുന്നു ഞാൻ
വ്യർത്ഥമാം മോഹമാണെന്നറിഞ്ഞിട്ടും
ഓർമ്മപ്പൂക്കൾ തൂകുന്നു കാൽക്കൽ
എല്ലാ പുലരിയും നീ കണികാണുവാൻ

ശുഭം

ratheesh pazhavooran