മഴ

ഇന്നെനിക്ക് അവളോട് പ്രണയമാണ്. ഒരു പക്ഷേ പ്രകൃതിയും മനുഷ്യനും രണ്ടല്ല എന്നു വിശ്വസിക്കുന്നതിനാലാവാം അവൾ എന്റമേൽ ഇത്രയും ആഴ്ന്നിറങ്ങുന്നതിന്നു. അതെ ഇന്നവളെന്റ കാമുകിമാരിൽ ഒരാളാണ്. ചെറുപ്പം മുതൽ എന്റെ കളിക്കൂട്ടുകാരി ആയിരുന്നെങ്കിലും അന്നെനിക്ക് അവളോട് അത്ര ഇഷ്ടമായിരുന്നില്ല. അതിനു കാരണവുമുണ്ട് അവളെ കുറ്റപ്പെടുത്താൻ ഇന്നെനിക്കു തോന്നുന്നില്ല... ഇന്നവളെൻറ കാമുകിയാണല്ലോ.. 
ഇടയ്ക് വച്ചു ഒരടുത്ത സൗഹൃദം നമ്മളിൽ രൂപപ്പെട്ടു എപ്പോഴോ. ജീവിതയാത്രയിൽ മനസൊന്നിടറുന്ന നേരത്തെല്ലാം ഞാൻ നേരെ ആ ചെങ്കുത്തായ കുന്നിൻ മുകളിൽ ഒഴിഞ്ഞ ഒരിടത്തിരുത്തമുറപ്പിക്കും. മുന്നിൽ നോക്കെത്താ ദൂരത്തോളം പരന്നുകിടക്കുന്ന സമുദ്രത്തിൽ നിന്നും എന്നിലേക്ക് വീശിയടിക്കുന്ന ഇളം കാറ്റിൽ ഞാൻ എന്നും പതിവുപോലെ ഒരു മടിപ്പുമില്ലാതെ തീരത്തിന്റെ നെഞ്ചിലേക്ക് ആഞ്ഞടിക്കുന്ന ആ തിരമാലകളെ നോക്കിയിരിക്കും. അവർ പണ്ടു മുതലേ എന്റ ചങ്ങാതി മാരാണല്ലോ.. ഞാൻ എന്നും അവരോട് കിന്നാരം പറയും നിങ്ങളെപ്പോലൊരു കാമുകിയെ എനിക്കും ലഭിക്കുമോ... കാലമെത്ര പിന്നിട്ടാലും ഈ പ്രപഞ്ചമുള്ളിടത്തോളം ഓരോനിമിഷവും എന്നിലേക്ക് പാഞ്ഞടുക്കുന്ന ഒരു കാമുകി... നിന്നെപ്പോലെ.... ഇതുപറഞ്ഞു നിൽകുമ്പോൾ പലപ്പോഴും ശക്തമായ തിരയുടെ രൂപത്തിൽ അവൾ എന്റെ കാൽപാദങ്ങളെ തഴുകിയിരിക്കും. തിരിച്ചു പോരുമ്പോൾ കാൽച്ചുവട്ടിലെ മണൽത്തരികൾ ഓരോന്നായി ഒഴുകിപോകുന്നത് ഞാനറിയും. എന്നെ അവളിലേക്ക് പിടിച്ചടുപ്പിക്കുന്ന പോലെ... പാവം കരയെപ്പോലെ ഞാനും അവളെ പറ്റിച്ചു. എങ്കിലും ആ ആലിംഗനം ഒരു പുതുമണവാട്ടിയുടെ നാണത്തോടെ അവൾ ഇന്നും തുടരും.. ഇല്ല ഒരുദിവസം ഞാൻ നിന്നെ പറ്റിക്കില്ല കേട്ടോ എന്നു സ്വകാര്യം പറഞ്ഞു ഞാൻ ആ കുന്നിൻ ചരുവിൽ കേറി ഇരുന്നു അവളെ ഇങ്ങനെ ആസ്വദിക്കും...
. അപ്പൊ ഞാൻ പറഞ്ഞുവന്നത് തുടരാം.... ആ കുന്നിൻ ചരുവിലിരിക്കുമ്പോൾ ഞാൻ ശെരിക്കും അവളോട് സംസാരിക്കും എന്റ സന്തോഷവും ദുഖവുമെല്ലാം പങ്കുവെക്കും.
സന്തോഷമാണെങ്കിൽ ഒരു നനുത്ത കാറ്റായി പിന്നാലെ ഒന്നുരണ്ടു തുള്ളികളായി അവളെന്നിൽ ചൊരിയും ഞാൻ മുഖമൊന്നുയർത്തി കണ്ണടചിരിക്കും ഇത്തിരി വലിയൊരു തുള്ളി എന്റ കവിളത്തു വീണാലേ ഞാൻ കണ്ണു തുറക്കത്തുള്ളൂട്ടോ.. അത് നമ്മൾ തമ്മിലുള്ള ഒരു ധാരണയാണ് കേട്ടോ.എന്റെ സന്തോഷത്തിൽ അവൾ അടുത്ത് വന്നു കെട്ടിപ്പിടിച്ചൊരുമ്മ തരുന്ന ഫീൽ ആണ് ആ മഴത്തുള്ളികൾ എനിക്ക് കവിളിൽ പതിക്കുമ്പോൾ....
മറ്റു ചിലപ്പോൾ മനസ്സാകെ വരിഞ്ഞു മുറുകുമ്പോൾ അവളും ആകെ അസ്വസ്ഥമാകാറുണ്ട്. ശക്തമായ കാറും കോളും അവളിൽ രൂപപ്പെടും. ആകാശം ഇരുണ്ട് കൂടും.. എന്റ നെഞ്ചുപിടയുന്നകണ്ടു മനസുവിങ്ങുന്ന ഒരു കുട്ടിയെപ്പോലെ അവളുടെ കണ്ണുകൾ നിറഞ്ഞൊഴുകും.. ആ തുള്ളികൾക് ശക്തിയും ഘനവും ഉപ്പും ഉള്ളതായി എനിക്ക് തോന്നും അവളെന്നിലേക് പെയ്തിറങ്ങും.. ശക്തമായി എന്റെ കണ്ണുനീർ തുള്ളികളെ കഴുകിക്കളയും.. ശരീരത്തിനും മനസിനും കുളിരുപകരും... എന്റ മനസു ശാന്തമായേ അവളും നിലയ്ക്കുള്ളൂ.. ഹൃദയ താളം നിലക്കുന്നവരെ അവളും എന്നിലേക്കു പെയ്തിറങ്ങട്ടെ.... അവളെൻറ്റെ കാമുകിയല്ലേ......