യാ അള്ളാ.! കവിത

ജന്നത്തുൽ ബഖി * യുടെ ചാരത്ത് നിന്നപ്പോൾ
ചിന്തിച്ചു പോയ് ഞാനസൂയയോടെ.
എന്നിട്ടു ചോദിച്ചു ഞാനെൻെറ റബ്ബോട്
തരില്ലേ എനിക്കും ഒരിടം ഇവിടെ.?

എൻെറ റസൂലടുത്തുണ്ടല്ലോ.പിന്നെ ,
വിശുദ്ധ സഹാബികൾ * ഒട്ടേറെയും.
പിന്നെ ഞാൻ നാണിച്ചു. ചിന്തിച്ചു നിന്നു
ഇല്ലാ എനിക്കർഹത ഒട്ടും.!

പച്ച മിനാരത്തിൻ കീഴെ കിടക്കുന്ന
മുത്ത് റസൂലരെ , സിദ്ധീഖ് , ഉമറേ...,
ഒരു പാപി നിന്നിതാ വല്ലാതെ മോഹിച്ചു
പോകുന്നു ,ഈ മണ്ണിലലിഞ്ഞു ചേരാൻ.!

അർഹതയില്ലെന്നറിഞ്ഞിട്ടും വല്ലാതെ ,
വല്ലാതെ മോഹിച്ചു പോകയാണേ..!
അള്ളാഹു അല്ലാതെ ഇല്ലാ ഇലാഹൊന്നും
എന്നും ഉറപ്പിച്ച നാളു തൊട്ടെ.,
വള്ളർ നബിയുടെ റൗളയിൽ വന്നൊന്ന്
പൊട്ടിക്കരയുവാൻ മോഹിച്ചവൻ.!

റബ്ബിൻെറ കഅബ* യിൽ ചെന്നു നിന്നാൽ
വല്ലാത്ത നെൻചിടിപ്പാണെ. സത്യം.
കില്ലാ* പിടിച്ചെത്ര പൊട്ടിക്കരഞ്ഞാലും
തീരില്ലാ ആ പേടി നെൻചിലൊട്ടും.!

റസൂലിൻെറ റൗള*യിൽ വന്നു ചേർന്നാൽ
എന്തോ സുരക്ഷിത ബോധമാണേ.

ഇവിടെയെൻ മഹ്ശറ* നായകനുണ്ടല്ലോ
മാനവരാശിക്കും രക്ഷയല്ലോ.!
അമ്മതൻ ചരത്തണയുന്ന കുഞ്ഞിൻെറ
നിർഭയത്വം നിറയും മനസ്സിൽ.

അതുകെണ്ടു ഞാൻ മോഹിച്ചു പോയി
ഈ മണൽ കാട്ടിലലിഞ്ഞു ചേരാൻ.!

ഒരു പാപി നിന്നിതാ വല്ലാതെ മോഹിച്ചു
പോകുന്നു ഈമണ്ണിലലിഞ്ഞു ചേരാൻ.
തൗഫീക് ചെയ്യണേ നാഥാ റഹീമേ നീ
തട്ടിക്കളയല്ലേ എൻെറ മോഹം..!!!
^^^^^^^^^^^^^^^^^^^^^^^^^^^^^^^^^^^^^^^^^^^^^
*ജന്നത്തുൽ ബഖി. മദീനയിലെ ശവപ്പറംബ്.
*ഇലാഹ്. ആരാധനക്ക് അർഹൻ.
*കഅബ. മുസ്ലീംങ്ങളുടെ മക്കയിലെആരാധനാലയം.
*സഹാബികൾ.സഹജാരികൾ.
*കില്ല.കഅബയെ പുതപ്പിച്ച കറുത്ത പുതപ്പ്.ഇതിനെ കിസ് വയെന്നും പറയും.
+++++++++++++++++++++++++++++++
അബൂ നഫീസ് , ചാവക്കാട്.