കഥക്കുഞ്ഞ്..

എന്നെ പ്രസവിക്കടാച്ഛാ... എന്ന അലർച്ച കേട്ടാണ് രാവിലെ നേരത്തെ തന്നെ ഞാൻ ഞെട്ടി ഉണർന്നത്.... എവിടെ നിന്നാണ് ആ അലർച്ച ചുറ്റും നോക്കി അടുത്തെങ്ങും ആരും തന്നെ ഇല്ല...
ഞാൻ ചുറ്റും പരതുന്നു എന്ന് മനസിലാക്കിയത് കൊണ്ടാണെന്നു തോന്നുന്നു.. പിന്നെയും ആ ശബ്ദം ദാ.... ഇങ്ങോട്ട് നോക്കടാപ്പാ .... എന്റെ ഉദരത്തിൽ നിന്നാണാശബ്ദം.... ഓ.. നീയായിരുന്നോ?.. അല്ല നിങ്ങടെ###*** അവൻ പ്രതികരിച്ചു.. കുറെക്കാലമായി ഞാനും അവനും തമ്മിൽ തർക്കം തുടങ്ങിയിട്ട്... പുറത്ത് വരണം എന്ന് അവൻ .... കുറെ ഏറെ ആൾക്കാർ പ്രസവിച്ചു പോയ ഒരു ആശുപത്രി കിടക്കയിൽ നിന്നെ ഞാൻ പ്രസവിക്കില്ല എന്ന എന്റെ വാശി ഇത്രയും നാൾ അവൻ അനുസരിച്ചു.. ഇനിയത് പറ്റില്ല എന്നവൻ തീർത്തു പറയുന്നു..
ഇപ്പോ അവനെ സ്നേഹിക്കാനും, ശാസിക്കാനും, താലോലിക്കാനും ഒരു പാട് ആൾക്കാർ, admins എല്ലാവരും ഉണ്ട്.. അതു കൊണ്ട് ഇവിടെ മതി ഇതിനെക്കാൾ നല്ലൊരു സ്ഥലം വേറെ കിട്ടില്ല... അപ്പോ പുതിയ ഒരു വലിയ പ്രശ്നം.. എടാ മോനേ നിന്റെ അച്ഛന് പ്രസവിക്കാൻ ആവില്ലല്ലോ.... അവിടെയും അവന് ഓപ്ഷൻ ഉണ്ടായിരുന്നു... '.............ഞാൻ അച്ഛന്റെ തൊണ്ടയിലേക്ക് മാറാം എന്നിട്ട് ചെവിയിൽക്കൂടി പുറത്ത് വരാന്ന് .. ഓ അങ്ങിനെ ,പണ്ട് ശിവഭഗവാൻ ഖണ്ഠാകർണനെ പ്രസവിച്ച പോലെ അല്ലേ? ആ അത് തന്നെ '..... അപ്പോ വിവരമുണ്ട്, ഞാൻ വിചാരിച്ചു ഈ അച്ഛൻ വെറും പൊട്ടനാണെന്ന്... അത്രയ്ക്കൊക്കെ ശൗര്യമുണ്ടോ മോനേ നിനക്ക്.. പുറത്ത് വരട്ടെ ഞാൻ കാണിച്ചു തരാം....
വരട്ട് ...വരട്ട്... അല്ലേ?
ബിജു എരട്ടേങ്ങൽ..