ദിവാകരന്റെ പീഡന കഥ

''സൗരയുഥം സ്വദേശി ''സൂര്യന്റ് '' പേരിൽ പീഡനത്തിന് കേസെടുക്കണമെന്നാവശ്യപ്പെട്ട് , ഭൂമി മണ്ഡലത്തിലെ വിവിധ പാർട്ടികൾ രംഗത്ത് ...

വാർത്തകൾ വിശദമായി,

''കിഴക്കേടത്ത് വീട്ടിൽ ഉദയ കുമാറിന്റേയും, ഉഴസി ന്റേയും മകനായ ' ദിവാകരനെന്ന സൂര്യന്റെ പേരിലാണ് പീഡന ആരോപണം,

പാലക്കാട് സ്വദേശിനിയായ ' വയൽ ' എന്ന യുവതിയാണ് പരാതിക്കാരി,... രണ്ട് മക്കളുടെ അമ്മയാണ് വയൽ ..

''മുണ്ടകനും, പുഞ്ചയും,

''തരിശു '' ഭൂമിയായിരുന്നൂ വയലിന്റെ ഭർത്താവ്,

തരിശി' ന്റെ മരണ ശേഷം ഈ മക്കളോടൊത്ത് കഴിയുന്നവസരത്തിലാണ് സൂര്യൻ '' പുഞ്ച '' യെ പരിചയ പ്പെട്ടതും ''നല്ല വിള ''വാഗ്ദാനം നല്കി പീഡിപ്പിച്ചതും,..

.കനത്ത ചുടീൽ വറ്റി വരണ്ട പാടശേഖരത്താണ് ദാരുണമായിയാണ് പുഞ്ച കൊല്ലപ്പെട്ടതെന്നും പരാതിക്കാരി പരാതിയിൽ ചുണ്ടിക്കാണിക്കുന്നു ....

''പുഞ്ച യുടെ മരണത്തെ തുടർന്ന് ''മുണ്ടകൻ'' നാടുവിട്ടു,..

നെൽകൃഷി സമിതിക്കാർ രംഗത്ത് വന്നെങ്കിലും പിന്നീട് നടപടി ഒന്നും ഉണ്ടായില്ല ...

ഇതിനിടെ തനിക്ക് വധ ശ്രമമുണ്ടായതായും '' വയൽ ' പറയുന്നു,

''മണ്ണിട്ട് നികത്താൻ '' ശ്രമിച്ച ചില റിയൽ എസ്റ്റേറ്റ് മാഫിയ ക്കാരുടെ വധശ്രമത്തിൽ നിന്ന് പ്രകൃതി സംരക്ഷണക്കാരാണ് രക്ഷിച്ചതെന്നും 'വയൽ ' സങ്കടത്തോടെ പറഞ്ഞു,..

ഒറ്റപ്പെട്ട 'വയൽ '' ഇന്ന് ക്രിക്കറ്റ് കളിക്കാരുടെ സംരക്ഷണയിലാണ് ..,

വയലി ന്റെ പരാതിയെ തുടർന്നുളള അന്വേഷണത്തിലാണ് സംസ്ഥാനത്ത് വേറെയും പീഡനങ്ങൾ സൂര്യൻ നടത്തിയെന്നു തെളിഞ്ഞത്,

വയനാട്ടിലും, ഇടുക്കിയിലും സമാന രീതിയിലുളള പീഡനങ്ങൾ നടന്നതായി
''സന്ധ്യാ ടി വി '' കണ്ടെത്തി,

ഇടുക്കി സ്വദേശിനിയും, ഏലം ഗവേഷണ കേന്ദ്രത്തിലെ പൂർവ്വ വിദ്യാർത്ഥിനിയുമായ '
'ഞർളാനി''യാണ്
സൂര്യന്റെ പീഡനത്തിൽ കരിഞ്ഞുണങ്ങി മരിച്ചത്, ...

കൂടാതെ, കാർഷിക കേന്ദ്രത്തിലെ വിവിധ വിളകളേയും സൂര്യൻ പീഡിപ്പിച്ചതായി തെളിഞ്ഞു,...

,
''മുറ്റം'' സ്വദേശികളായ മുല്ല, തുളസി,

''തൊടി '' സ്വദേശിനികളായ , ചീര, വേപ്പില , കാന്താരി ....

ഇവരെല്ലാം
ക്രൂരമായ പീഡനത്തിന് ഇരയായവരാണ്..

വേരുകളുടെ നില തെറ്റിയ ഇവരെ
അടുക്കളയിൽ നിന്നൊഴുകി വരുന്ന '' ജല സേചന വകുപ്പ് ഏറ്റെടുത്തതായി പറയപ്പെടുന്നു ....

അവർ സാധാരണ ജീവിതത്തിലേക്ക് മടങ്ങി വരും എന്നാണ് അടുക്കളയിൽ നിന്നൊഴുകി വരുന്ന ''കാടിവെളളം 'ഞങ്ങളോടു പറഞ്ഞത്,..

സൂര്യന്റെ ബിനാമിയായി പ്രവർത്തിക്കുന്ന ''വരൾച്ച '' തട്ടിക്കൊണ്ടു പോയ ''ഉറവ '' എന്ന യുവതിയെ കുറിച്ച് ഇതേവരെ ഒരു വിവരവും കിട്ടിയിട്ടില്ലെന്ന്
''ഉറവ യുടെ മാതാവ് '' ''കിണറമ്മ '' സന്ധ്യാ ടി വിയോടു പറഞ്ഞു,...

വർഷങ്ങൾക്കു മുമ്പ് , '' കുഴൽക്കിണർ '' എന്ന സംഘടനയിൽ ചേർന്ന് പ്രവർത്തിച്ചു വരുകയായിരുന്നു ''ഉറവ 'എന്ന യുവതി,...

ഈ സംഘടനയ്ക്ക് വരൾച്ച എന്ന ഭീകര മാഫിയുമായി ബന്ധമുണ്ടെന്നാണ് പറയപ്പെടുന്നത്,...

എന്നാൽ ഉറവയെ തട്ടിക്കൊണ്ടു പോയിട്ടില്ലെന്നും, '' അരുവി ' എന്ന യുവാവിനൊപ്പം '' പുഴ ' യിലേക്ക് ഉറവ ഒളിച്ചോടിയതാണെന്നാണ്
''കുഴൽക്കിണർ' സംഘടനയുടെ നേതാവ് ഡ്രില്ലർ'' സന്ധ്യാ ടി വി യോടു പറഞ്ഞത്,....

''വന ത്തിൽ നിന്നുളള '' അരുവി ''യുമായി '' ഉറവ ' അടുപ്പത്തിലായിരുന്നു, '' കാട്ടരുവി '' മായുളള ബന്ധത്തിന് കിണറമ്മ സമ്മതിച്ചില്ലത്രേ,...

ഒടുവിൽ 2018 ലെ , കാല വർഷം നടത്തിയ '' പ്രളയ' ഉത്സവ'' ത്തിനു വന്ന ' കാട്ടരുവിയോടൊപ്പം ഉറവ ഒളിച്ചോടുകയായിരുന്നു,...

സൂര്യനെതിരെയുളള ആരോപണത്തെ തുടർന്ന് സൂര്യന്റെ മകൻ ' സൂര്യതാപം '' രംഗത്ത് വന്നത് ശ്രദ്ധേയമായി...

തന്റെ പിതാവിനെതിരെയുളള ആരോപണങ്ങൾക്കുളള മറുപടി പറഞ്ഞ ' സൂര്യതാപ ''ത്തിന്റെ വാക്കുകൾ പലർക്കും ''പൊളളി'' യിട്ടുണ്ട് ...

''എന്റെ അച്ഛനെ വെറുതെ വിടു,
പ്രകൃതിയെ'' പീഡിപ്പിച്ച മനുഷ്യരാണ് യഥാർത്ഥ പ്രതികൾ .. അവരുടെ മേൽ നിയമ നടപടി കർശനമാക്കു. എന്നാണ് ' സൂര്യതാപം ' പറഞ്ഞ മറുപടി ,....

=========

ഷൗക്കത്ത് മൈതീൻ ,
കുവൈത്ത് ,