കൽപ്പടവുകൾ

( ജോളി ചക്രമാക്കിൽ )

മരണത്തിലേയ്ക്കുള്ള കൽപ്പടവുകൾ
അവ എന്നും കറുത്തിരുണ്ടതാണ്
അരണ്ട വെളിച്ചത്തിൽ പാതി മറഞ്ഞത്
ചിലത് വക്കുകൾ അടർന്ന് ...
പൊട്ടിപ്പൊളിഞ്ഞ്
കാലുകൾ അമർത്തി ചവിട്ടുവാനാവാത്തത്
പലതും വഴുവഴുത്ത്.പായലുകളാൽ തെന്നുന്നത്
ഓരോരുത്തർക്കും കയറി പോകാനുള്ള പടികളുടെ എണ്ണം വ്യത്യസ്ഥമാണു... എല്ലാം
നേരത്തേ തിട്ടപ്പെട്ടത്
ഈ പടികളിലൂടെ ഭിത്തികളിൽ തലയുടച്ച് നിന്നെയും വലിച്ചിഴച്ച് ...
ഞാനും എന്റെ കറുത്ത
വഴുവഴുപ്പാർന്ന കൽപ്പടവുകൾ ഇടർച്ചയോടെ കയറും .
പടികൾ ഒരോന്നോരാന്നായ് .. താണ്ടവേ
ഓർമ്മകളിലെ .. ഞാൻ.. കുറ്റബോധത്തിന്റെ മിന്നൽ പിണരുളാൽ അഗ്നിശുദ്ധികയ്യാളും
ഒടുക്കം പടികൾ തീരുന്നിടത്തെ ശുഭ്രതയിൽ
ഒരു ചെറു കറുത്ത കളങ്കമായ് വിലയം പ്രാപിക്കും ...

06 - 04 - 2019
( ജോളി ചക്രമാക്കിൽ )

# ഇനിയെങ്കിലും കുഞ്ഞുങ്ങളുടെ മനോഹര ലോകം കവർന്നെടുക്കാതിരിക്കാം