ഒരു കോളിംഗ് ബെല്ലിന്റെ രാത്രി....

ഞങ്ങൾ മൂന്നു മക്കളും (ഞാനും ചേച്ചിയും പിന്നെ അനിയനും )അമ്മയും തനിച്ചായിരുന്നു മിക്ക രാത്രികളിലും . കാരണം അച്ഛൻ ഗൾഫിൽ ആയിരുന്നു ഓര്മ വച്ച നാൾ മുതൽ . ഞങ്ങൾ കുട്ടികളായിരുന്നു , അതുകൊണ്ടു മിക്കവാറും ഞങ്ങൾ അച്ഛന്റെ തറവാട്ടിൽ രാത്രിയിൽ കിടക്കാൻ പോകുമായിരുന്നു . തൊട്ടു താഴെ ഉള്ള വീട്ടിൽ അച്ഛന്റെ പെങ്ങളും മോളും ആണ് താമസിച്ചിരുന്നത് . അവിടെയും ആൺ തുണ ഇല്ല എന്ന് പറയാം . സത്യത്തിൽ രാത്രി കാലങ്ങളിൽ വീട്ടിൽ താമസിക്കുവാൻ ഭയമായിരുന്നു . കള്ളമാർ തന്നെ കാരണം
അങ്ങനെ ആ രാത്രി ഏകദേശം പാതിരാത്രി ആയിരിക്കും ഞങ്ങൾ ഉറക്കത്തിനുള്ള ശ്രമത്തിലാണ് അപ്പോൾ അതാ കാളിങ് ബെൽ അടിക്കുന്നു . കിളികൾ ചിലക്കുന്ന ശബ്‌ദം ആണ് അതിനു . ഞങ്ങൾ എല്ലാവരും ഉണര്ന്നു ഒരുമിച്ചു കിടപ്പായി എന്നാൽ കാതോർത്തു കിടക്കുന്നുണ്ട് ,അപ്പോളതാ വീണ്ടും അടിക്കുന്നു അങ്ങനെഞാനും അമ്മയുംഎഴുന്നേറ്റു ഫ്രന്റ് ഡോറിനു അടുത്ത് എത്തി .കൂട്ടത്തിൽ ധൈര്യമുള്ളതു എനിക്കാണല്ലോ . ചേച്ചി ആണെങ്കിൽ രണ്ടുകൈയും കാതിൽ വച്ച് ശബ്‌ദം കേൾക്കാൻ വയ്യാത്ത രീതിയിൽ മുറുക്കെ പിടിച്ചിരിക്കുന്നു 🙉കൂടെ ചെറിയ കുട്ടിയായ അനിയനും. അവർ കിടന്ന ബെഡ് അനങ്ങുണ്ട് വിറയൽ കാരണം.ഞാനും അമ്മയും കാതോർത്തു എന്തെങ്കിലും ചെറിയ അനക്കമുണ്ടോ എന്നറിയാൻ. ഇല്ല ഒന്നുമില്ല പക്ഷെ ഉള്ളപോലൊരു തോന്നൽ . അതാ വീണ്ടും തുടങ്ങി ബെല്ലടി . 😳ഈ പ്രാവശ്യം ഞാനും അമ്മയും വെറുതെ ഇരുന്നില്ല ഞങ്ങൾക്ക് പറ്റിയ ആയുധവും 🔪🔨കയ്യിൽ വച്ച് ഞങ്ങൾ വീട്ടിൽ ഇല്ലാത്ത അമ്മാവന്റെയും ബന്ധുവായ ചേട്ടന്റെയും പേര് വിളിച്ചു അകത്തു ആളുള്ളതായി നന്നായി അഭിനയിച്ചു . എന്നിട്ടു 'അമ്മ അച്ഛന്റെ ചേച്ചിയെ ഉറക്കെ വിളിച്ചു കൂടെ ഞങ്ങളും അലറി .ഇതുകേട്ട് ജനാല തള്ളിതുറക്കാൻ പറ്റാതെ അവർ തള്ളി തുറന്നപ്പോൾ അതാകിടക്കുന്നു ജനാല താഴെ.(പഴയ ജനൽ ആയിരുന്നുഅത് )അങ്ങനെ കാര്യം ഒരു തരത്തിൽ അവതരിപ്പിച്ചു .അവരുടെ നിർദേശപ്രകാരം ഞങ്ങൾ ഡോർ തുറന്നില്ല .അതിനുശേഷം കുറച്ചു നേരത്തേക്ക് അനക്കം ഒന്നുമില്ലായിരുന്നു . ഞങ്ങൾ വിചാരിച്ചു ബെല്ലടിച്ചവർ ഒരു പക്ഷെ മടുത്തിട്ടു പോയിട്ടുണ്ടാവും എന്ന്.അങ്ങനെഞങ്ങൾ വീണ്ടും കിടക്കുവാനായി ബെഡിൽ പോയി . അപ്പോൾ അതാ വീണ്ടും പക്ഷികൾ ചിലക്കുന്നു .സമയം നാലു നാലര .അച്ഛന്റെ പെങ്ങൾക്ക് പശൂ ഉള്ളതുകൊണ്ട് രാവിലെ കറക്കുവാൻ എഴുന്നേൽക്കും എന്നിട്ടു പാൽ കൊടുക്കാൻ പോകും . അങ്ങനെ അവർ പശുവിനെ കറന്നിട്ടു പാലും ആയി പോയി .ബെല്ലടി ഇടയ്ക്കു വന്നു കൊണ്ടേ ഇരുന്നു . അങ്ങനെ കുറച്ചു കഴിഞ്ഞപ്പോൾ അച്ഛന്റെ ഒരു സഹോദരനെ അച്ഛൻ പെങ്ങൾ പോയ വഴിക്കു പറഞ്ഞു വിട്ടു . എന്നിട്ടു എല്കായിടവും നോക്കി ,കൂടെഞങ്ങളും. എന്നാൽ പൊടിപോലുമില്ല കണ്ടുപിടിക്കാൻ !!!അവൻ രക്ഷപ്പെട്ടിരിക്കുന്നു !!.സമയം ആറുമണി ,കൊച്ചച്ഛനും വീട്ടിൽ ഉണ്ട് കഥ പറഞ്ഞുകൊണ്ടിരിക്കുമ്പോൾ അതാ വീണ്ടും കിളികൾ ചിലക്കുന്നു.!എല്ലാവരും ചാടി എഴുന്നേറ്റു ചേച്ചി മാത്രം കൈ വീണ്ടും ചെവിക്കകത്തു വച്ച് കട്ടിലിനു മേലെ പുതപ്പിനടിയിൽ .വെളിയിൽ നോക്കി ആരുമില്ല പക്ഷെ ബെല്ലടിക്കുന്നു ഇതെന്തോ പ്രേതമാണെന്നു ഞങ്ങൾ വിചാരിച്ചു. 👀കൊച്ചച്ചന്റെ മാത്രം മനസ്സിൽ 'ലഡ്ഡു പൊട്ടി ',ഒരു screwdriver എടുക്കു ഞങ്ങൾ അതെടുത്തു കൊച്ചച്ചന്റെ കയ്യിൽ കൊടുത്തു അടുത്ത ഏതാനും നിമിഷങ്ങൾക്കുള്ളിൽ കൊച്ചച്ചൻ പൊട്ടിച്ചിരിക്കുന്നു ഞങ്ങൾ കാര്യം അന്വേഷിച്ചപ്പോൾ എല്ലാവരും വരുവിൻ എന്ന് വിളിച്ചു കാണിച്ചു തന്നു .ഒരു ഫോറെസ്റ്റിൽ മുഴുവനും ഉള്ള ചിതലും പുറ്റും സ്വിച്ച് ബോക്സിനുള്ളിൽ .!!ഇവനാണ് ഞങളുടെ ഒരുരാത്രി കാളരാത്രി ആക്കിയവൻ .തണുപ്പ് വന്നപ്പോൾ കക്ഷി കേറി ഇരുന്ന താണു. കക്ഷി ഓർത്തില്ലല്ലോ ഞങ്ങൾആ രാത്രി അവിടെ ഉണ്ടാവുമെന്ന് . അങ്ങനെ എന്റെ ചേച്ചി പതുക്കെ കൈ രണ്ടും ചെവിയിൽ നിന്നെടുത്തു പുറത്തു വന്നു.ഇന്നും അതോർക്കുമ്പോൾ ഞങ്ങൾചിരിച്ചു ചിരിച്ചു മടുക്കും

by: Sreeja Sreekumar