ഇരുണ്ടൊരീ മുറിയിൽ നിന്നൊഴുകുമീ വേദന
നേർത്ത നിശ്വാസമായ് വന്നെത്തിടുമ്പോൾ.
നേർത്ത നിശ്വാസമായ് വന്നെത്തിടുമ്പോൾ.
ഹൃദയതന്തുക്കൾ തകർന്ന നിൻ കണ്ണുനീർ
എൻ ഉടലിനെയാകെ തളർത്തിടുന്നു.
എൻ ഉടലിനെയാകെ തളർത്തിടുന്നു.
എന്റെ സ്വപ്നങ്ങളെ നീചകരങ്ങളാൽ
പൊട്ടിച്ചെറിഞ്ഞ ദിനമിന്നിത്.
പൊട്ടിച്ചെറിഞ്ഞ ദിനമിന്നിത്.
താതനായ് തഴുകിയ കൈകളാൽ നിന്നെ
കാമത്താൽ തല്ലി തകർത്തുവല്ലോ.
കാമത്താൽ തല്ലി തകർത്തുവല്ലോ.
താരാട്ടുപാട്ടിനാൽ നിന്നെ ഉറക്കിയാ
മാതൃ ഹൃദയത്തെ നുറുക്കിയവൻ.
മാതൃ ഹൃദയത്തെ നുറുക്കിയവൻ.
മദ്യമാം ലഹരിയാൽ ചെയ്തോരപരാധം
എന്നവൻ ഉച്ചത്തിൽ ചൊല്ലിടുമ്പോൾ.
എന്നവൻ ഉച്ചത്തിൽ ചൊല്ലിടുമ്പോൾ.
നിന്റെയാ പുഞ്ചിരി കാണുവാനാകാതെ
എൻ മനമിന്നു വിതുമ്പിടുന്നു.
എൻ മനമിന്നു വിതുമ്പിടുന്നു.
നമ്മുടെ താതനാണെങ്കിലും സോദരീ
നല്കിടും ഞാനിന്നു അന്ത്യയാത്ര.
നല്കിടും ഞാനിന്നു അന്ത്യയാത്ര.
മഞ്ജുഅഭിനേഷ്
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക