യാത്രികൻ

പിന്തിരിഞ്ഞൊന്നു നോക്കുകിൽ കണ്ടിടാം
മുള്ളുപാകിക്കിടന്നൊരാ പാതകൾ
പാദമെത്രമുറിഞ്ഞുപോയെങ്കിലും
യാത്ര വീണ്ടും തുടരുന്നു , വിസ്മയം.

കൂടെ നടക്കുവാനെന്നുമുണ്ടാമെന്ന
മധുരവാക്യം പറഞ്ഞവരെപ്പഴോ
പലയിടങ്ങളിൽ പലവഴിക്കായി
യാത്രചൊല്ലാതകന്നുപോയെങ്കിലും.

ദുരിതമെന്നത് കൂടെപ്പിറക്കിലും
ലക്ഷ്യമെന്നത് വിക�ർഷിച്ചുപോകിലും
അലസമായേറേ കാതം നടക്കിലും
നുറുങ്ങുവെട്ടം തെളിയുമാ പാതയിൽ

അരുണനസ്തമിച്ചീടുകിൽ തിങ്കളീ
മണ്ണിൽ പാലൊളി വീഴ്ത്തുന്നപോലവേ
മനമെരിഞ്ഞു കരിഞ്ഞുപോയീടുകിൽ
പുതുപ്രതീക്ഷതൻ നാമ്പുകിളിർത്തിടും.

ചപലമായോരു ദുഃഖഹേതുക്കളാൽ
ആർത്തിപൂണ്ടങ്ങോടി നടന്നിടും
മൂഢനാമേതു മാനവജന്മവും
ഉണ്മതേടി നടക്കുകിൽ പിന്നെയൊ

വഴികളെത്രയിടുങ്ങിനീണ്ടീടിലും
ദാഹമെന്നത് വിദ്യയോടായിടും
ആശയില്ലാനിരാശയുമില്ലാതെ
ജന്മലക്ഷ്യം പുണരുമത് നിശ്ചയം.
____________________________
രമേഷ് കേശവത്ത്..