കലിയുഗ സന്യാസിമാർ

സ്വപ്നസൗധത്തിനുള്ളിലാ-
സുഖശീതള വിസ്മയമുറിയതിൽ,
ന്യത്തമാടി ശയിക്കുവോർ..

നഷ്ട ലാഭ ചിന്തയിലുരുകാതെ
മൃഷ്ടാന്നം ഭുജിച്ചു വസിപ്പവരിന്നു
സർവ്വ സംഗപരിത്യാഗിക്കർത്ഥം
തിരഞ്ഞു നടക്കുന്നു

ക്ഷോഭമൊടുങ്ങാത്ത മനസ്സുമായവരീ
കാമവും ബലിയിട്ടടക്കിയോ?

ഒഴുകിയെത്തും കോടികൾ തിന്ന,
രഥത്തിൽ നിന്നീ മണ്ണിന്റെ
സ്പർശനം വെറുത്തവർ

ലജ്ജിക്കും പൂർവ്വികർ ശ്രേഷ്ഠരവർ
നിങ്ങളെയോർത്തു!
വർജ്ജിക്കും ഭാരത സംസ്കാരം
നിങ്ങളെ....!

സ്വേദ കണങ്ങളെ ദേഹം കൊതിച്ചോരു
സ്വാമിയായ് തീർന്നാലെന്തു നന്ന്!!!

ഗോപകുമാർ കൈമൾ