The biggest ever archive in Malayalam Literature. 2.5 crores pageviews, 12000+ creations, 1500+authors and adding on....

New Posts

Post Top Ad

Your Ad Spot

Sunday, September 30, 2018

മഴയിൽ കുതിർന്ന സദാചാരം!!!.

.Image may contain: 1 person, beard and closeup
..........


ഇന്ന് പതിവിലും വൈകിയാണ് ഉറക്കമുണർന്നത്. വല്ലാത്ത ക്ഷീണം!!!രാവിലെ തന്നെ മുഖ പുസ്തകത്തിൽ ഇന്ന് ആരെ പൊങ്കാലയിടുമെന്ന് നോക്കി ഇരിക്കുന്നവരാണല്ലോ നുമ്മ മല്ലൂസ്.ഞാനും ഒട്ടും മോശമല്ലാത്തത് കൊണ്ട് രാവിലത്തെ ആദ്യ കർമ്മം മുഖ പുസ്തകം നോക്കലാണ്.അങ്ങനെ തോണ്ടി കൊണ്ട് ഇരുന്നപ്പോഴാണ് ഒരു വാർത്ത കണ്ടത്,..
മക്കൾക്ക് ഭക്ഷണത്തിനായി സ്വന്തം ശരീരം വിറ്റ ഒരു സ്ത്രീ!!!!.... എന്നിലെ സദാചാര വാദി ഉണർന്നു.അവളെ കണക്കിനക്ഷേപിച്ചും ഇന്ത്യൻ സ്ത്രീത്വത്തിന്റെ മഹിമയെ വാനോളം പുകഴ്ത്തിയും ഒരു നെടുനീളൻ പോസ്റ്റും ഇട്ടു.മിനിട്ടുകൾക്കുള്ളിൽ തന്നെ ലൈക്കുകളുടെ എണ്ണം കൂടി,അഭിനന്ദിച്ചും ആക്ഷേപിച്ചും കമന്റ് ബോക്സും നിറഞ്ഞു.ഏതോ സ്വർഗം കിട്ടിയ സുഖത്തിൽ ഞാൻ ബെഡിൽ നിന്നും എഴുന്നേറ്റു.
അന്ന് ഞാറാഴ്ച ആയത് കൊണ്ട് തന്നെ രാവിലെ കാര്യമായ പരിപാടികൾ ഒന്നും ഉണ്ടായിരുന്നില്ല.എന്തായാലും ഇന്ന് ഒരു സിനിമ കാണാൻ പോകണം! സിനിമ കാണാൻ രാത്രിയിൽ ആണു സുഖം.സുഹൃത്തുക്കളുടെ എല്ലാം വിവാഹം കഴിഞ്ഞത് കൊണ്ട് തന്നെ ഇപ്പൊ കുറച് കാലമായി സിനിമക്ക് പോക്ക് ഒറ്റയ്ക്ക് തന്നെയാണ്.അങ്ങനെ സെക്കന്റ് ഷോ പടം കണ്ടു കഴിഞ്ഞു ഇറങ്ങിയപ്പോ നല്ല മഴ.രാത്രിയിലെ മഴ അത് ഒരു അനുഭവം തന്നെയാണ്.നമ്മുടെ വേണ്ടാത്ത വിചാരങ്ങളെ ഒക്കെ ഉണർത്താൻ രാത്രി മഴക്ക് പറ്റും.പ്രായവും സമയവും ഇത്തിരി കുഴപ്പമായത് കൊണ്ടാകാം എന്റെ ഉള്ളിലും എവിടെയോ കാമം ഒരു ചെറിയ നാളമായി കത്തി പടരാൻ തുടങ്ങിയിരുന്നു.കാമം അതൊരു ലഹരിയായി ചുറ്റുമുള്ളതിൽ നിന്നെല്ലാം എന്നെ മാറ്റിനിർത്തി..
ഏകദേശം അരമണിക്കൂറോളം മഴ പെയ്തു കൊണ്ടിരുന്നു.തീയറ്ററും പരിസരവും പയ്യെ നിശ്ശബ്ദമാകാൻ തുടങ്ങി. .പ്രായത്തിന്റേതായ ചിന്തകളെ നിയന്ത്രിക്കാൻ ഞാൻ ഏറെ പണിപ്പെട്ടു. ബൈക്കുമായി വേഗം പുറത്തേക്കിറങ്ങി. പകലിനേക്കാളും ഭംഗി ഉള്ള നഗരം...തന്റെ എല്ലാ വശ്യതയും പുറത്ത് കാട്ടി നിൽക്കുന്ന ഒരു അഭിസാരികയെ പോലെ നിശബ്ദമായി.
അങ്ങനെ കാഴ്ചകൾ കണ്ടു പോകുമ്പോൾ ആളൊഴിഞ്ഞ ഒരു കടയുടെ മുൻപിൽ ഒരു രൂപം.അത് ഒരു പെണ്ണാണ്....അത് വരെ കയ്യടക്കി വെച്ച എന്റെ മനസിന്റെ എല്ലാ നിയന്ത്രണവും പോയി.ചുറ്റും നോക്കി... പരിസരത്ത് ആരും ഇല്ല.അല്ലെങ്കിലും നമ്മെ വേണ്ടാത്ത പലതും ചെയ്യാൻ പ്രേരിപ്പിക്കുന്നത് ഈ ഇരുട്ടാണ്.പണ്ടാരോ പറഞ്ഞ പോലെ "ഈ ഇരുട്ടിനു എന്തൊരു ഇരുട്ടാണ്" .
ഞാൻ ദൂരെ മാറ്റി വണ്ടി വെച്ചിട്ട് അവളുടെ അടുത്തേക്ക് വന്നു.കറുത്തിട്ടാണ് അവൾ...അല്ലെങ്കിലും കറുപ്പിനെന്താ ഇവിടെ പ്രസക്തി!!!.സൗന്ദര്യം അത് പ്രേമിക്കാനും സ്നേഹിക്കാനും പോരെ.. കാമത്തിന് സൗന്ദര്യം ഒരു ഘടകമേ അല്ല.
ഒരു വേശ്യയുടേതായ ഭാവങ്ങൾ ഒന്നും അവളിൽ പ്രകടമല്ല. ആകെ പരിഭ്രമിച്ചു നിൽക്കുന്ന അവളെ കണ്ടപ്പോ ഒരു സഹതാപം തോന്നിയെങ്കിലും പക്ഷെ കാമം അതിലും ശക്തമായി എന്നിൽ പിടിമുറിക്കിയത് കൊണ്ട് സഹതാപം ഉള്ളിന്റെ ഉള്ളിൽ എവിടെയോ അലിഞ്ഞു ഇല്ലാതായി.ധൈര്യം സംഭരിച് അവളോട് ഒരു ചോദ്യം
"കിട്ടുമോ?"
അവൾ ഒന്നും മിണ്ടിയില്ല.എതിർപ്പ് ഒന്നും കാണാത്തത് കൊണ്ട് ഞാൻ ഒന്ന് കൂടെ കനത്തിൽ ചോദിച്ചു "എത്ര വേണം?"
അതിനും മറുപടി ഒന്നും കിട്ടിയില്ല....
എങ്കിലും അവളോട് ഒന്ന് കൂടെ ചോദിച്ചു "നിനക്ക് 500 മതിയോ?"
അതിനു അവൾ തലകുലുക്കി.സംഗതി ഏറ്റു എന്ന് മനസ്സിലായി.അവളെയും കയറ്റി നേരെ വിട്ടു സുഹൃത്തിന്റെ പണി നടക്കുന്ന കടമുറിയിലേക്ക്.അവിടെ പെയിന്റിംഗ് പണി നടക്കുന്നതിന്റെ മേൽനോട്ടം എനിക്കായതു കൊണ്ട് റൂമിന്റെ താക്കോൽ എന്റെ കയ്യിൽ തന്നെ ഉണ്ടായിരുന്നു.
റൂമിന്റെ അകത്തു കയറി ഞാൻ അവളെ അടിമുടി ഒന്ന് നോക്കി.പേടിയാണോ അതോ മറ്റെന്തെങ്കിലും ഭാവം ആണോ അവളുടെ മുഖത്ത് എന്ന് വായിച് മനസ്സിലാക്കാൻ പറ്റാത്ത അവസ്ഥ.അവളെ എന്റെ രണ്ടു കരങ്ങൾക്കുള്ളിൽ വരുന്ന വിധം ചേർത്ത് പിടിച്ചു. ഒരു പൊട്ടികരച്ചിലോടെ അവൾ എന്റെ കൈ വിടുവിച്ചു ആ മുറിയുടെ ഒരു മൂലക്കെ പോയിരുന്നു.ഞാൻ അടുത്തേക്ക് ചെന്ന് കാര്യം തിരക്കി.അവളുടെ പേര് ബിന്ദു.ഇടുക്കികാരി ആണ്.പ്രേമവിവാഹത്തെ തുടർന്ന് വീട്ടിൽ നിന്നും പുറത്തായി,അവളും ഭർത്താവും ഇവിടെ അടുത്തു വാടകക്ക് താമസിക്കുന്നു.അവളുടെ ഭർത്താവിന് ഒരു പാറമടയിൽ ജോലിയുണ്ടായിരുന്നു.അവിടെ നടന്ന എന്തോ ഒരു അപകടത്തിൽ അയാൾക്ക് കാര്യമായ പരിക്ക് പറ്റി, അയാൾ ഇപ്പോൾ ഹോസ്പിറ്റലിൽ അഡ്മിറ്റ് ആണ്.മരുന്ന് മേടിക്കാൻ പോലും പണമില്ലാ എന്നൊക്കെ പറഞ്ഞു അവൾ ആകെ കരച്ചിലും പിഴിച്ചിലും.അപ്പോഴേക്കും കാമം ഒരു വികാരം എന്നതിലുപരി അത് എന്നെ നിയന്ത്രിക്കാൻ മാത്രം വളർന്നു കഴിഞ്ഞിരുന്നു.വേണ്ട എന്ന് ഒരു നൂറാവൃത്തി എന്റെ മനസ്സ് പറഞ്ഞിട്ടും ശരീരം അത് വകവെച്ചില്ല.അവളെ കടന്നു പിടിച്ചപ്പോഴും ഞാൻ എന്നെ തന്നെ മറക്കുകയായിരുന്നു.,എന്നാൽ അതിനേക്കാൾ ഒരു ആയിരം തവണ ആ സ്ത്രീ എന്നെ ശപിച്ചിട്ടുണ്ടാകും.കുറെ എതിർപ്പ് കാണിച്ചിട്ടും ഞാൻ അവളെ കീഴ്‌പ്പെടുത്തി.ഒടുവിൽ കാമത്തിന്റെ അവസാന കണികയും എന്നിൽ നിന്നകന്നപ്പോൾ കുറ്റബോധത്തിന്റെ പാരമ്യതയിൽ ഞാൻ എത്തിയിരുന്നു.ബാധ ഒഴിഞ്ഞ ശരീരം പോലെ ഞാൻ തളർന്നു കിടന്നു.എന്റെ തൊട്ടപ്പുറത്ത് ഒരു ജീവച്ചവമായി അവൾ കിടക്കുന്നുണ്ടായിരുന്നു.അവൾ കരയുന്നുണ്ടായിരുന്നു.ആ മുഖത്തേക്ക് ഒന്ന് നോക്കാൻ പോലും ധൈര്യമില്ലാതെ വല്ലാത്ത ഒരുതരം വേദനയോടെ ഞാൻ എഴുന്നേറ്റു.ഒരായിരം തവണ ആ കാലിൽ വീണു മാപ്പു പറയണം എന്നുണ്ടായിരുന്നു.പക്ഷെ കഴിയുന്നില്ല.
ഞാൻ പതിയെ അവളെ വിളിച്ചു,വല്ലാത്ത ഒരു തരം നോട്ടം അവൾ എന്നെ നോക്കി.എന്നോടുള്ള ദേഷ്യവും അറപ്പും വെറുപ്പും ഒക്കെ അതിൽ ഉണ്ടായിരുന്നു.അവസാനം അവളെയും കൂട്ടി പുറത്തിറങ്ങി,അവളെ ഹോസ്പിറ്റലിന്റെ അടുത്തു ഇറക്കുമ്പോൾ ഉള്ളം നീറുകയായിരുന്നു.അവൾ പോകാൻ നേരം 500 രൂപയെടുത്തു ഞാൻ അവളുടെ നെരെ നീട്ടി.അത് മേടിച്ചു അവൾ ആ പണം മാറോടണച്ചു കൊണ്ട് അവൾ വിങ്ങിപ്പൊട്ടി.പോക്കറ്റിൽ നിന്ന് ഒരു 500 കൂടെ എടുത്ത് ഞാൻ അവളെ നോക്കുമ്പോഴേക്കും അവൾ ആശുപത്രിയുടെ കവാടം കഴിഞ്ഞു പൊയിരുന്നു......
വീട്ടിലെത്തി.....വേഗം ബെഡ്ഡിലേക്ക് വീണു...അപ്പോഴേക്കും രാവിലെ ഇട്ട സദാചാര പോസ്റ്റിന്റെ ലൈക്ക് 500 കടന്നിരുന്നു.സ്വന്തം മക്കളെ മറന്നു മറ്റൊരുതന്റെ മുൻപിൽ ശരീരം പണയം വെച്ച അവളെ തൂക്കിലേറ്റണം എന്ന് വരെ ആയി ഓരോരുത്തരുടെ അഭിപ്രായങ്ങൾ.ശരിക്കും ആരെയാണ് തൂക്കിലേറ്റേണ്ടത് അവളുടെ അവസ്ഥ മനസ്സിലാക്കിയിട്ടും അവളെ ഭോഗിക്കാൻ തയ്യാറായ കാമവെറി പൂണ്ട നമ്മളെയല്ലേ.ആലോജിക്കുന്തോറും കുറ്റബോധം എന്നെ തളർത്തിക്കൊണ്ടിരിക്കുന്നു.
ഒരു സ്ത്രീയുടെ മാനത്തിനു വില പറഞ്ഞ ഞാൻ അവളെ പഴിക്കാൻ യോഗ്യൻ അല്ല.
ഒടുവിൽ ആ പോസ്റ്റ് റിമൂവ് ചെയ്തു ഉറങ്ങാൻ കിടക്കുമ്പോൾ മക്കൾക്ക് വേണ്ടി ശരീരം വിറ്റ ആ അമ്മയുടെയും ഭർത്താവിന് മരുന്ന് വാങ്ങാൻ വേണ്ടി എനിക്ക് വഴങ്ങി തന്ന ആ ഭാര്യയുടെയും മുഖമായിരുന്നു കണ്ണിൽ.നിറഞ്ഞൊഴുകിയ എന്റെ കണ്ണുനീരിനു ഈ ലോകത്തുള്ള മുഴുവൻ പുരുഷൻമാരുടെയും ഉള്ളിലെ കാമാഗ്നിയെ ഏരിച് കളയാനുള്ള ശക്തി ഉള്ളത് പോലെ തോന്നി.
അപ്പോൾ മറ്റെവിടെയോ ഇരുന്നു ഏതോ ഒരു സദാചാര വാദി ഏതോ ഒരു പെണ്ണിന്റെ മാനം എഴുതി നശിപ്പിക്കുന്നുണ്ടായിരുന്നു.
ശുഭം......

No comments:

Post Top Ad

Your Ad Spot