ശബരിമലയിൽ തങ്ക നാരി ഉദയം

===========

''പഴം പൊരിയും വാങ്ങി ,വൈകിട്ട് വീട്ടിൽ വന്നു കയറിയ സുഗുണനോട് ,ഭാര്യ തങ്കമണി പറഞ്ഞു,

''അതെ, ഒരു കാര്യം പറയാനുണ്ട് ,!

'സ്വകാര്യമാണോ, ?

''അല്ല, പക്ഷേ സ്വീകാര്യമാക്കണം,!

''നീ കാര്യം പറയെടീ,!

''ഏഴാം വാർഡിലെ കുടുംമ്പശ്രീയുടേയും, തൊഴിലുറപ്പിന്റേയും സംയുക്താഭിമുഖ്യത്തിൽ പെണ്ണുങ്ങളെല്ലാം ശബരിമലയക്ക് പോകാൻ തീരുമാനിച്ചു , മല ചവിട്ടാൻ,!

''ദേ, ഒരൊറ്റ ചവിട്ടിന് നിന്റെ മലം പുറത്ത് ചാടിക്കും, പറഞ്ഞേക്കാം,
അയ്യടാ അവൾക്ക് മല ചവിട്ടണമെത്രേ, അതും ശബരി മല,

''കോടതി പറഞ്ഞല്ലോ കേറിക്കോളാൻ പിന്നെന്താ? '

''കോടതി പറയുന്ന എല്ലായിടത്തും നീ കേറുമോ, ? എന്നാ തെങ്ങേ കേറി കൂട്ടാത്തിന് രണ്ട് തേങ്ങായിടെടീ,!

''തെങ്ങേൽ കേറാൻ കോടതിയുടെ ഓഡറില്ല,!!

''അല്ല കോടതി എന്താ ഉദ്ദ്യേശിച്ചത്, ആണിനും പെണ്ണിനും സമത്വം, അങ്ങനെ സമത്വം വേണമെന്ന് ശഠിക്കുന്ന ശവി കളെന്തു കൊണ്ട് തെങ്ങേു കേറ്റം തൊഴിലാക്കുന്നില്ല,

''തെങ്ങൽ
കയറുന്ന പെണ്ണുങ്ങളുമുണ്ട്,!!

''ഉവ്വ്, ഉവ്വ്,
തെങ്ങു വെട്ടി താഴേയിട്ടു കൊടുത്താൽ കേറും,!!

''എടീ, ആണുങ്ങൾക്ക് കേറാൻ പറ്റാത്ത സ്ഥലങ്ങളുണ്ട്, അത് നീ ഓർക്കണം,!

''അതേതു സ്ഥലം,?

''പ്രസവ വാർഡ്, ബസ്സ്റ്റാൻഡിലെ ഫീമെയിൽ മൂത്രപ്പുര, ഇവിടെയെല്ലാം കേറാൻ ഞങ്ങൾ വാശിപ്പിടിക്കുന്നില്ലല്ലോ, പിന്നെന്താ,
''അല്ല, ഒന്നാലോചിച്ചാൽ നീ മലയ്ക്ക് പോകണം,! പുണ്യം എനിക്കു കിട്ടും,!

''അതെങ്ങനെ ?!

''നിന്നെ കാണൂമ്പോൾ അയ്യപ്പൻ ഓർക്കും, ഇവളെ സഹിക്കുന്ന ആ മനുഷ്യനാണ് യഥാർത്ഥ ഭക്തനെന്ന്,!!

ഹഹഹ , സുഗുണൻ ചിരിച്ചു കൊണ്ട് ടെലിവിഷൻ ഓൺ ചെയ്തു,!

നമസ്ക്കാരം ,
ശബരിമലയിൽ ഇന്ന്,
,
തവളക്കുഴിയിൽ നിന്നുളള കുടുംമ്പ ശ്രീ യൂണീറ്റിന്റെ നേതൃത്വത്തിൽ ഒരു സംഘം സ്ത്രീകൾ , ദർശനത്തിന്റെ ഭാഗമായി പമ്പയിലെത്തി, ! പമ്പയിൽ നിന്ന് മധു ചേരുന്നു,

മധു ,പമ്പയിൽ നിന്നുളള വിശേഷങ്ങൾ പറയൂ,

'' മിനി, പമ്പയിലിപ്പോൾ സ്ത്രി ഭക്തകളുടെ വമ്പിച്ച തിരക്കാണ് കാണാൻ സാധിക്കുന്നത്,

പമ്പയിൽ കുളിക്കാനിറങ്ങിയ സരളയുടെ ''പിയേഴ്സിന്റെ സോപ്പ് ''
തമിഴ്നാട് സ്വദേശിയായ
ലതിക അടിച്ചുമാറ്റിയെന്ന് ആരോപിച്ച് ഇരു വിഭാഗങ്ങളിലെ സ്ത്രീകൾ തമ്മിൽ നദിക്കരയിൽ വച്ച് ഉന്തും തളളും നടന്നു,

പിടിച്ചു മാറ്റാൻ ചെന്ന സാബു എന്ന അയ്യപ്പനേ ലതിക തൊഴിച്ച് വെളളത്തിലിട്ടു,

വെളളത്തിൽ വീണ സാബുവിനൊപ്പം സരളയും ചാടി, നീന്തലറിയാത്ത സരളയെ സാബു സ്വാമി നീന്തൽ പഠിപ്പിച്ചു വെന്നും, പമ്പാ നദിയിൽ നീന്തൽ പഠിക്കാൻ സാധിച്ചത് വലിയ പുണ്യമാണെന്നും സരള മാധ്യമങ്ങളോട് പിന്നീട് പറയുകയുണ്ടായി, !!

എന്നാൽ മല ചവിട്ടാതെ
എരുമേലിയിൽ കറങ്ങി നടന്ന സാബുവിനെ പോലീസ് കസ്റ്റെഡിയിലെടുത്തു, കൂടാതെ ഒരു ഡസൻ പിയേഴ്സിന്റെ സോപ്പ് കണ്ടെത്തുകയും ചെയ്തു, !

''ഹലോ, മധു,
സത്യത്തിൽ ഈ സാബു ആരാണ്, ? അവരുടെ ലക്ഷ്യം എന്താണ്, ?

''സാബു ഒരു തീവ്രവാദിയാണെന്ന് പോലീസിന്റെ സംശയം, സോപ്പിൽ ഒളികാമറയുണ്ടോ എന്നറിയാൻ സോപ്പ് പരിശോധനക്കായി കൈമാറുമെന്ന് പോലീസ് അറിയിച്ചു

ഒന്നാം പടിയിൽ നിന്ന് സന്നിധാനത്തേക്ക് ലിഫ്റ്റ് സംവിധാനം വേണമെന്നാവശ്യപ്പെട്ട്
''കാൽമുട്ട് വേദന''യുളള ചില സ്ത്രീകൾ റോഡ് ഉപരോധം നടത്തി,

മെഡിക്കൽ കോളേജ് ഓർത്തോ ഡോക്ടർ സാക്ഷ്യപ്പെടുത്തിയ സർട്ടിഫിക്കറ്റു കൊണ്ടാണ് അവർ ഉപരോധം നടത്തിയത്,

അരവണയിൽ മധുരം കൂടിയതിനെ ചൊല്ലി ഷുഗർ രോഗികളായ സ്ത്രീ ഭക്തർ പ്രതിഷേധം രേഖപ്പെടുത്തി,

പതിനെട്ടാം പടിയിലേക്ക് സ്ത്രീകൾക്ക് പ്രത്യേക ക്യൂ വേണമെന്നും ചില മഹിള സംഘടനകൾ ആവശ്യപ്പെട്ടു,

ആന്ത്രയിൽ നിന്നുളള ഒരു കൗമാര ഭക്ത ,തമിഴ് നാട്ടിൽ നിന്നു വന്ന സ്വാമി സുഹ്യത്തിനൊപ്പം ഒളിച്ചോടി, ഇവർ ഫെയ്സ് ബുക്ക് സുഹ്യത്തുക്കളായിരുന്നു എന്ന് പോലീസ് പറയുന്നു, !!

പമ്പയിൽ കുളിച്ചു കൊണ്ടിരുന്ന ഭക്തയോടൊപ്പം സെൽഫി എടുത്ത പോലിസുകാരനെതിരെ നടപടി സ്വീകരിക്കുമെന്ന് ഡി ജീ പി അറിയിച്ചു,

എന്നാൽ, ആ ഭക്ത തന്റെ ഭാര്യ ആയിരുന്നു എന്ന് പോലിസുകാരൻ മാധ്യമങ്ങളോട് പറഞ്ഞു, !!

ഇത്രയുമാണ് മിനി ശബരിമലയിൽ ഇന്നത്തെ വിശേഷം,

ഓകെ മധു, !
===
വാതിലിൽ തുടരെ തുടരെയുളള മുട്ട് കേട്ട് ,സുഗുണൻ വാതിൽ തുറന്നു,

അയൽക്കാരി സുഗന്ധി,!!

''എന്താ സുഗന്ധി,? രമണൻ ചോദിച്ചു,!

''തങ്കമണി യെ വിളിക്കാൻ വന്നതാ,!

''എവിടേക്ക്,?

''റിഹേഴ്സലിന് പോകാൻ, !!

''അതെവിടെയാ ആ സ്ഥലം, ?

''അയ്യോ സുഗുണേട്ടാ , റിഹേഴ്സലെന്നു പറഞ്ഞത് സ്ഥലമല്ല, എരുമേലിയിൽ പേട്ടതുളളാൻ ,സിനിമാറ്റിക്ക് ഡാൻസിന്റെ റിഹേഴ്സലുണ്ട് വനിത മെംമ്പറിന്റെ വീട്ടിൽ , ഞങ്ങൾ ഏഴാം വാർഡിലെ പെണ്ണുങ്ങളാ പേട്ട തുളളുന്നത്, !!

''എന്റെ അയ്യപ്പ സ്വാമീ,, ''സുഗുണൻ തലയിൽ കൈവച്ചു,

''ചേട്ടാ, തങ്കമണി വിളിച്ചു,
എനിക്ക് രണ്ട് ജോഡി ലെഗ്ഗിൻസ് വേണം പേട്ടതുളളുമ്പോൾ യൂസ് ചെയ്യാനാ, ! ജിമിക്കി കമ്മലിന്റെ താളത്തിലാണ് പേട്ടതുളളൽ, ഞങ്ങൾ അടിച്ചു പൊളിക്കും ശബരിമലയിൽ !!

''എന്റെ വാവരു സ്വാമീ,!!
തലയിൽ കൈ വച്ചു കൊണ്ട് സുഗുണൻ പാടി,

''വളളി' കെട്ട് ശബരിമലയ്ക്ക്,
ആണും പെണ്ണും പമ്പയ്ക്കു മീതെ,
സ്വാമിയെ അയ്യപ്പോ,
അയ്യപ്പോ സ്വാമിയേ,

==
ആചാരങ്ങളും അനുഷ്ടാനങ്ങളും പഴയതാകുന്നില്ല,, അവയിൽ പുതിയത് കൂട്ടിച്ചേർത്ത് പഴമയുടെ വിശുദ്ധി കളങ്കമാക്കാതിരിക്കുക,!!
=======
''ചെറ്യേ സ്പാനർ, !!''
ഷൗക്കത്ത് മൈതീൻ ,