നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

മസിലിനെ സ്നേഹിച്ച പെൺകുട്ടി !!!!

Image may contain: 1 person, eyeglasses, beard, selfie and closeup
ഗ്രൂപ്പിലെ ഗുരുക്കന്മാരുടെ ആശിർവാദത്തോടെ ഒരു ശ്രമം പോസ്റ്റ് ചെയുന്നു..കോമഡി ആണ് കവി ഉദേശിച്ചത്, എത്രമാത്രം നന്നായിയിട്ടുണ്ട് എന്നറിയില്ല, തെറ്റുകുറ്റങ്ങൾ പറഞ്ഞു തന്നു പ്രോത്സാഹിപ്പിക്കുമെന്നു കരുതുന്നു...
#മസിലിനെ സ്നേഹിച്ച പെൺകുട്ടി !!!!
"ഇവിടേം നിങ്ങൾക്ക് ഈ കോപ്പും കുത്തിക്കോണ്ടിരിപ്പാണോ മനുഷ്യാ പണി"
ഉറക്കത്തിൽ പോലും ഞെട്ടി ഉണരുന്ന ആ മധുരസ്വരം കേട്ടാണ് ഫോണിൽ നിന്ന് തലയുർത്തിയത് ... ദാ നിൽക്കുന്നു സ്വന്തം ആഭ്യന്തരമന്ത്രി ...
ഇവിടേം മനസമാധാനം തരില്ലേയെന്നാണ് മനസ്സിൽ വന്ന ചോദ്യമെങ്കിലും ഭയഭക്തി ബഹുമാനം കൊണ്ട് പുറത്തയ്ക്ക് വന്നത് -" നീയെന്താ കൊച്ചേ ഹോസ്പിറ്റലിൽ ഈ സമയത്ത് ?"
കൊച്ചേന്നുള്ള വിളിയിൽ അത്യാവശ്യം ഉടക്കൊക്കെ അലിഞ്ഞില്ലാണ്ടാവാറുണ്ട് ,കീഴടങ്ങൽ ആണ് എപ്പോഴും നമ്മുടെ ആരോഗ്യത്തിന് നല്ലതെന്നു കഴിഞ്ഞ ആറ്‌ വർഷത്തെ ദാമ്പത്യ ജീവിതം എന്നെ പഠിപ്പിച്ചിരുന്നു ...
"ഓ ഞാൻ പറഞ്ഞില്ലാരുന്നോ ടൗണിൽ വരുന്ന കാര്യം,ആ കൂടെ ഇവിടെ കേറി നിങ്ങളെ ഒന്ന് ചെക്ക് ചെയ്തിട്ട് കൂടെ പോകാന്നു കരുതി "
" വളരെ നല്ല കാര്യം നിന്റെ ചെക്കിങ്ങിന്റെ കുറവ് കൊണ്ട് ഞാൻ വല്ലാതെ പിഴച്ചുപോയോന്നൊരു സംശയം എനിക്കില്ലാണ്ടില്ല"
"ആ കാര്യത്തിൽ എനിക്ക് പണ്ടേ സംശയം ഇല്ല ഡോക്ടറെ ... നിന്ന് കൊഞ്ചാതെ ആ ക്രെഡിറ്റ് കാർഡ് ഇങ്ങു താ .. രാവിലെ ഒതുക്കത്തിൽ തരാതെ മുങ്ങിയതല്ലേ "
"ഓ അപ്പൊ അതാണല്ലേ സന്ദർശനോദ്ദേശം "
ഞാൻ അറക്കാൻ കൊടുക്കുന്ന ആടിനെ കൈമാറുന്നത് പോലെ കാർഡ് കൊടുത്തു .. അവസാനം ആയി അതിനെ ദയനീയം ആയി ഒന്ന് നോക്കി ...
"എന്നാ ഞാൻ പോകുവാ ഇയാളുടെ ചാറ്റിംഗ് നടക്കട്ടെ "
"നിക്കെടീ ഞാനിവിടെ ചുമ്മാ ഇരിക്കുവാ കുറച്ചു കഴിഞ്ഞു പോകാം "
കർത്താവേ ഇരുന്നേക്കല്ലേ എന്ന് മനസിൽ പ്രാർത്ഥിച്ചുകൊണ്ട് ഞാൻ പറഞ്ഞു.
"ആ നിങ്ങൾക്ക് പണിയില്ലെന്നു എനിക്കറിയാം .. പക്ഷെ ഞാൻ പോകുവാ "
ഹോ നാരോ എസ്‌കേപ്പ്!!!
"വൈകിട്ട് വീട്ടിലോട്ടു വാ കേട്ടോ ചാറ്റിംഗ് ഞാൻ തീർത്ത് തരാം "
ഭീഷിണിപ്പെടുത്തിയിട്ട് അവളിറങ്ങി ..
ഡോർ തുറന്നപ്പോൾ ഫാമിലി കൗൺസിലർ എന്ന നെയിം ബോർഡ് എന്നെ കൊഞ്ഞനം കുത്തുന്നത് പോലെ തോന്നി .
ഞാനൊരു ദീർഘ നിശ്വാസത്തോടെ വീണ്ടും ഫോണിലേക്ക് നോക്കാൻ തുടങ്ങുമ്പോൾ ആണ് ഒരു കിളി ശബ്ദം കേട്ടത് !!
"മേ ഐ കം ഇൻ സർ "
എന്നിലെ സൗന്ദര്യാരാധകനിൽ നിന്നും ഒരു കിളി ഉയർന്ന് ,എന്റെ തലക്ക് ചുറ്റുംവട്ടമിട്ടു പറക്കാൻ തുടങ്ങി ..
"വരൂ ഇരിക്കൂ"
"അല്ല ഡോക്ടർ ലിജി ?"
"അതെ ഞാൻ തന്നെ "
"അയ്യോ ലേഡി ഡോക്ടർ ആണെന്നോർത്താ ഞാൻ വന്നത് "
വട്ടം കറങ്ങിക്കൊണ്ടിരുന്ന കിളി എന്റെ തോളിൽ ഇരുന്നു ഇളിക്കാൻ തുടങ്ങി ..
ഞാനെന്റെ അപ്പനേം അമ്മേം സ്നേഹത്തോടെ സ്മരിച്ചു .
" എന്തായാലും താങ്കൾ ഇരിക്കൂ "
"അല്ല ഡോക്ടർ കുറച്ചു പേർസണൽ കാര്യങ്ങൾ സംസാരിക്കാൻ ആയിരുന്നു "
മടിയോടെ ഇരുന്നുകൊണ്ട് അവർ ഇരുന്നു
" അതിനെന്താ ഞാൻ ഒരു പുരുഷൻ ആണെന്ന് താങ്കൾ കരുതണ്ട ഡോക്ടർ ആയിക്കണ്ടാൽ മതി , അല്ലെങ്കിലും കൂടുതലും സ്ത്രീകൾ ആണ് എന്റടുത്തു വരാറുള്ളത് , താങ്കൾ വരുന്നതിനു മുൻപ് ഒരു സ്ത്രീ ഇറങ്ങിപോകുന്നത് കണ്ടില്ലേ അതും എന്റെ ഒരു പേഷ്യന്റ് ആണ് , ഒരു സംശയരോഗി "
ഞാൻ പ്രോത്സാഹിപ്പിക്കാൻ വേണ്ടി പറഞ്ഞു.
" എനിക്ക് തോന്നി ഡോക്ടർ, ആ സ്ത്രീയെ കണ്ടാലേ അറിയാം ആള് ശരിയില്ലെന്ന് "
കിളി ചിരിച്ചു ചിരിച്ച് വിക്കിയിട്ട് വെള്ളം കുടിക്കാൻ ആണെന്ന് തോന്നുന്നു പുറത്തേയ്ക്ക് പറന്നുപോയി...
"ശരി വിഷയത്തിലേക്ക് വരൂ "
സ്വന്തം കുടുംബപ്രശ്ങ്ങൾ തീർക്കാൻ നോക്കിയിട്ട് പറ്റാത്ത ഞാൻ കർത്യവ്യനിരതൻ ആയി.
"ഡോക്ടർ എന്റെ പേര് ദിയ, എങ്ങനെ പറയണം എന്നറിയില്ല കാര്യങ്ങൾ , ഞാൻ വല്ലാത്തൊരു പ്രശ്നത്തിൽ ആണ്‌ "
ഉം പറയൂ ഇപ്പ ശെരിയാക്കിത്തരാം എന്നുള്ള ഭാവംമുഖത്തുണ്ടെന്ന് ഞാൻ ഉറപ്പ് വരുത്തി..
"എന്റെ വിവാഹം കഴിഞ്ഞിട്ട് ഇപ്പോൾ നാല് മാസം ആയി "
അതുകേട്ടപ്പോൾ, ദിയയുടെ നുണക്കുഴിയിൽ നോക്കിയിരുന്ന എന്നിൽ നിന്ന് സാമാന്യം മോശമല്ലാത്ത ഒരു ദീർഘനിശ്വാസം പുറപ്പെട്ട് അന്തരീക്ഷത്തിൽ വിലയം പ്രാപിച്ചു...
"ചെറുപ്പം മുതൽ എനിക്കയ്ക്ക് മസിലുകൾ ഒക്കെയുള്ള പുരുഷന്മാരോട് വല്ലാത്ത ഒരു ആരാധന ആയിരുന്നു ... "
ശ്ശേ ഫുൾ സ്ലീവ് ഷർട്ട് ഇട്ടാൽ മതിയായിരുന്നു..
" പ്രണയിക്കാൻ തോന്നിയ കാലത്തും ഞാൻ ആഗ്രഹിച്ച പോലെ ആരെയും കണ്ടില്ല , ജിമ്മൻമാർ ഒക്കെ ഇഷ്ടം പോലെ പുറകെ നടന്നിട്ടുണ്ടെങ്കിലും ഊതി വീർപ്പിച്ച മസിലുകൾ എന്നെ ആകർഷിച്ചില്ല .. അല്ലേലും ഈ ജിമ്മൻമാർക്കൊക്കെ കുറെ മസിൽ ഉണ്ടന്നേയുള്ളു ഒന്ന് തള്ളിയാൽ വീഴും .. എന്റെ മനസിൽ മൊത്തം നല്ല ഒരു കായികതാരത്തെ വിവാഹം കഴിക്കണം എന്നായിരുന്നു "
അമ്പടി കൊച്ചു ഗള്ളി എന്ന് ഞാൻ മനസിൽ പറഞ്ഞു .
" അങ്ങനിരിക്കുമ്പോൾ ആണ് ഞാൻ ആദ്യമായി ഐ എസ്‌ എൽ കളി കാണാൻ പോകുന്നതും , ആ കളിയിൽ ധീരജ് കേരളത്തിന് വേണ്ടി രണ്ടു ഗോൾ അടിച്ചതും ".
" ഉള്ളത് പറയാല്ലോ ഡോക്ടർ ധീരജ് ഗോൾ അടിക്കാൻ പായുമ്പോൾ തുള്ളി കളിക്കുന്ന മസിലുകൾ എന്റെ ഉറക്കം കെടുത്തി "
കർത്താവേ ചെന്തൊണ്ടിപ്പഴം പോലുള്ള ഈ കൊച്ചിന് ലെവനോ ... എന്നിലെ സൗന്ദര്യ ആരാധകന്റെ മനസ് വല്ലാതെ നൊന്തു ..സത്യം !!
" എന്തിനധികം പറയുന്നു ഡോക്ടറെ ഞാൻ ധീരജിനെ ഫേസ്ബുക് വഴി പരിചയപെട്ടു , ഇഷ്ടം ഞാൻ തന്നെ പറഞ്ഞു .. നാല് മാസം മുൻപ് കല്യാണവും നടന്നു "
"ഇനിയുള്ളത് എങ്ങനെ പറയണം എന്നറിയില്ല ,ഡോക്ടർ "
"പറയൂ .. മടിക്കേണ്ട കാര്യമില്ല .."
" അതല്ല ഡോക്ടർ ഒത്തിരി പ്രതീക്ഷയോടെ ആണ് ഞാൻ വിവാഹ ജീവിതത്തിലേയ്ക്ക് കടന്നത് ... ഒന്നും തോന്നല്ല് ഉള്ളത് പറയാല്ലോ ആദ്യരാത്രിയിലേയ്ക്കോക്കെ കടക്കുമ്പോൾ ആ മസിലുകൾ മാത്രം ആയിരുന്നു എന്റെ മനസിൽ " പക്ഷെ ...."
ഞാൻ ജാഗരൂഗൻ ആയി .. ഏന്തോ വലുത് നടക്കാൻ പോകുന്നു .. എന്തും താങ്ങാൻ എന്റെ പിഞ്ച് മനസിനെ ഞാൻ സജ്ജം ആക്കി .
"... പക്ഷെ കുറച്ചു സംസാരവും ഫുട്ബോൾ വിശേഷം പറച്ചിലും ഒക്കെ ആയി ആ രാത്രി കടന്നു പോയി .. പിന്നെയുള്ള രാത്രികളിലും വ്യത്യസ്തം ആയിരുന്നുന്നില്ല കാര്യങ്ങൾ "
ഡോക്ടർക്ക് ഞാൻ പറയുന്നത് മനസിലാകുന്നുണ്ടെന്നു കരുതുന്നു "
"ഉവ്വ് പറയൂ "
ധീരജ് ഫോം ഔട്ട് ആയിരുന്നിരിക്കും , ...കം ഓൺ ധീരജ് .. ധീരേ ധീരേ ആവോ ...
" ആദ്യമൊന്നും എനിക്ക് അസ്വാഭാവികം അയൊന്നും തോന്നിയില്ല എല്ലാം ശരിയാകും എന്ന് കരുതി .. പക്ഷെ കഴിഞ്ഞ നാല് മാസവും ഇത് തന്നെ ആവർത്തിച്ചു .."
ധീരജിന്റെ മസിലിനെ പറ്റിയോർത്തപ്പോൾ പാത്തുമ്മയുടെ ആടിലെ "ന്റുപ്പാപ്പാന്റെ ആന കുയ്യാനേർന്നു കുയ്യാന" എന്ന ഡയലോഗ് മനസ്സിലോടിയെത്തി ..
" പക്ഷെ കഴിഞ്ഞ ദിവസം ഒരു അപ്രതീക്ഷിത സംഭവം ഉണ്ടായി "
ഞാൻ പിന്നേം അറ്റൻഷൻ ആയി ..
" രാത്രി ഞാൻ ഉറക്കം ഇല്ലാതെ കിടക്കുകയായിരുന്നു ,പെട്ടെന്ന് ജനലരികിൽ കാൽപ്പെരുമാറ്റം പോലെ തോന്നി .. ഞാൻ നോക്കുമ്പോൾ ഒന്നോ രണ്ടോ പേർ ഞങ്ങളുടെ ബെഡ്റൂമിലേക്ക് ഒളിഞ്ഞു നോക്കുന്നു "
"ഗാലറിയിൽ ഇരിക്കുന്നത് പോലെ അവരവിടെ അകത്തേയ്ക്ക് എത്തിനോക്കികൊണ്ടിരുന്നു..
"ഞാൻ വേഗം ഉറങ്ങിക്കിടന്ന ധീരജിനെ വിളിച്ചു , അങ്ങേരു ചാടി എണീക്കുമെന്നും അവരെ ഓടിച്ചിട്ട് ഇടിക്കുമെന്നും ഞാൻ കരുതി .. ആ മസിലുകൾ കൊണ്ട് അങ്ങനേലും ഒരുപകാരം ഉണ്ടാകട്ടെ എന്ന് ഞാൻ ഓർത്തു "
"ഉറക്കത്തിൽ നിന്നെണീറ്റ അദ്ദേഹം ജനലരികിൽ കാണികളെ കണ്ടതും .... "
ദിയ പാതിയിൽ നിർത്തി ...
" ഉം പറയൂ "
മനുഷ്യന്റെ ക്ഷമ പരീക്ഷിക്കല്ലേ കൊച്ചേ
"... അപ്പൊ ധീരജ് പെട്ടെന്ന് എന്നെ കടന്നു പിടിച്ചു , ചുംബിച്ചു .. കുറെ നേരത്തേയ്ക്ക് പിന്നൊന്നും എനിക്കോർമ്മ ഇല്ല "...വല്ലാത്ത ഒരക്രമം ആയിരുന്നു അത്!!! "
ദിയ തലകുനിച്ചിരുന്നു പറഞ്ഞു.
''ഓഫ് സൈഡായോ?''
''ഏയ്!ഇല്ല"
'"ഗോൾൾ ൾ .......ൾ " !!!!!!!!
ഞാൻ അറിയാതെ പറഞ്ഞു പോയി
"... പിന്നീട് ചോദിച്ചപ്പോൾ അങ്ങേരു പറയുവാ കാഴ്ച്ചക്കാർ ഉണ്ടെങ്കിലേ എനിക്ക് ആവേശം വരുള്ളൂത്രെ .. ശീലിച്ചു പോയെന്നു ... ഞാൻ എന്താ ഡോക്ടർ ചെയ്യേണ്ടത് " ഇപ്പോളെന്റെ സംശയം ആ ഒളിഞ്ഞുനോട്ടക്കാരെ അങ്ങേരു തന്നെ കൊണ്ട് വരുന്നതാണോ എന്നാണ് !!!!"
"നിങ്ങളുടെ വീടെവിടാ"
*******
ദിയ ഇപ്പൊ മിക്കപ്പോഴും എന്റടുത്ത് കൗൺസിലിങ്ങിന് വരും
കാര്യം ഇവിടെ കോംപ്ലിമെന്ററി പാസ് കൊടുക്കാറേയില്ല!!!

By Joby George Mukkadan

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot