റെക്കോഡ്, (മിനിക്കഥ )

''പെസഹ, ദുഃഖ വെളളി, ഈസ്റ്റർ ,
ഈ മൂന്ന് ദിവസത്തെ മോർണിംങ്ങ് വാക്ക് മുടങ്ങിയതിനാൽ ,
ഇന്ന്, അല്പം നേരത്തെ നടക്കാനിറങ്ങി
ഫാദർ ജെയിംസച്ഛൻ,

ഗ്രൗണ്ടിൽ ഫുട്ബോൾ കളിച്ചു കൊണ്ടിരുന്ന ബിനു അച്ഛനെ കണ്ടതേ
ഓടി വന്നു,

ബിനു കുസ്യതിക്കാരനും, പ്രായത്തിലും കവിഞ്ഞ സംസാരക്കാരനുമാണ്,

ഫാദർ, ഈശോമിശിഹായ്ക്ക് സ്തുതിയായിരിക്കട്ടെ,

എന്നെന്നും സ്തുതി യായിരിക്കട്ടെ,

ഫാദർ, ഒരു സന്തോഷ വാർത്തയുണ്ട്, !

എന്താ മകനെ, പറയു, ?!

കർത്താവ് അഞ്ച് അപ്പം കൊണ്ട് അയ്യായിരം പേരുടെ ഇഷ്ടം വാങ്ങിയെന്നല്ലേ ചരിത്രം , !!

അതെ മകനെ, !!

എന്നാലെ, ആ റെക്കോഡ് എന്റെ മമ്മി തിരുത്തി, !

ങെ, ഫാദർ ഞെട്ടി, പിന്നെ ചോദിച്ചു, എങ്ങനെ ??

പെസഹ ദിവസം ഒരപ്പം ചുട്ട് മമ്മി ഫേസ്ബുക്കിൽ പോസ്റ്റിട്ടു, ആറായിരത്തോളം പേർ ലെെക്കടിച്ചു, അങ്ങനെ കർത്താവിന്റെ നിലവിലെ അയ്യായിരം ഔട്ടായച്ചോ, !!!

ഫാദർ കുരിശ് വരച്ച് വേഗത്തിൽ തിരിഞ്ഞ് നടന്നു, !
=====

ഷൗക്കത്ത് മെെതീൻ,
കുവെെത്ത്,