ഐഡിയ

പതിവുകൾ തെറ്റിച്ചായിരുന്നു ഉറക്കം ഉണർന്നത് .....

അതിനുള്ള അമ്മയുടെ ശകാരം വെണ്ടുവോളം കേട്ടു..

അനിയന്റെ പഠനം വീടിന്റെ ചുവരുകൾക്കു താങ്ങാവുന്നതിലും അധികം ആയിരുന്നു .
മുന്നിലെ വീട്ടിൽ നിന്നും ജെറി ഉറക്കെ വായിച്ചു പഠിക്കുന്നത് കേട്ടു അവൻ എനിക്കിട്ട് പണിയാണോ എന്നുതോന്നി ...

അയ്യോ ഇന്നല്ലെ മൃദുല ടീച്ചറുടെ ഹിന്ദി പദ്യം ചൊല്ലിക്കൽ .....

ഒരു ചുക്കും പഠിച്ചിട്ടില്ലലോ ..
അടി കുറേ കിട്ടും ....
നേരം ആയപ്പോൾ അനിയൻ പോയി സ്കൂളിൽ ...
ഞാൻ ഇനി എന്തുചെയ്യും ...
കുളിച്ചു ,ചോറുണ്ടു, പുസ്തകങ്ങൾ കുത്തിനിറച്ച ബാഗും എടുത്തു പോവാൻ നിന്നപ്പോൾ അമ്മ ദാ കുളിക്കാൻ പോണു ...

നീ പോകുന്നില്ലെ ?ഉവ്വ്. പോവാണ്. നീ പോകുമ്പോൾ ആ വാതിൽ ചാരിക്കോ .ഞാൻ കുളിക്കാൻ പോവാ ...

അമ്മ പഞ്ചായത്തു മെമ്പർ ആണ് അന്ന് ...
ഹിന്ദി ടീച്ചറുടെ മുഖം മനസ്സിൽ ഓടിയെത്തി ......
അയ്യോ
ഇനി എന്തുചെയ്യും...

ഐഡിയ ....
അമ്മ കുളിമുറിയിൽ കയറിയതും ...
ഇന്നത്തെ ചോറും കൂട്ടാനും വാരി വായിൽ ഇട്ടു ചവച്ചു. കുറച്ചു വെള്ളം കൂടെ ഒഴിച്ചു...
എന്നിട്ടു ഗർഭണിക്കളെ വെല്ലുന്ന രീതിയിൽ വലിയ ശബ്ദത്തോടെ ഒരു ഛർദി....

അപ്പോഴേക്കും അമ്മയുടെ ചോദ്യം ,എന്തുപറ്റി മോനെ ...

തീരെ വയ്യാത്ത ശബ്ദത്തിൽ ...
അറിയില്ല അമ്മേ എനിക്കു തീരെ വയ്യ....

കുളി വേഗം കഴിഞ്ഞു അമ്മ ഓടിവന്നു .അയ്യോ കഴിച്ചത് മുഴുവൻ ചർദ്ധിച്ചല്ലോ.
എന്തുപറ്റി....നിനക്ക്
അതുകേൾക്കേണ്ട താമസം ...

ദാ കിടക്കുന്നു ഞാൻ താഴെ..
അമ്മ പോയി വെള്ളം എടുത്തുകൊണ്ടു തന്നു ...
എന്നിട്ടു എഴുന്നേൽപ്പിച്ചു അകത്തു കൊണ്ടുകിടത്തി..

സുഖം ഇല്ലെങ്കിൽ ഇന്ന് പോവേണ്ട ...
അയ്യോ അമ്മേ ഇന്ന് ഹിന്ദി ക്ലാസ് ഉള്ളതാ പോണം .
വേണ്ട പോകുന്നവഴിക്കു എന്തെങ്കിലും പറ്റിയാൽ ആരുണ്ടാവാനാ .

മ്മ്മ് ... ശരിയമ്മേ ....
കുറച്ചു നേരം നീ കിടക്കു ഞാൻ ഇഞ്ചി നീരു ഉണ്ടാക്കിത്തരാം .

അതുവേണ്ട ഏരിയും ...
ഞാൻ പഞ്ചസാരാ ഇട്ടു താരം .

മ്മ്മ്

'അമ്മ ഇഞ്ചി നീരു തന്നു ഞാൻ അതു ഒറ്റവലിക്കു കുടിച്ചു ...
ഇനി മോൻ കിടന്നോ 'അമ്മ പോയിട്ടു വരാം.
എന്തെങ്കിലും ഉണ്ടെങ്കിൽ അനിതാ ചേച്ചിനെ വിളിച്ചാൽ മതി .
അപ്പുറത്തെ വീട്ടിലെ ജോണിച്ചേട്ടന്റെ മോളാണ് അനിതാ .
ശരി അമ്മേ ,അമ്മ പോയിക്കോ നേരം വൈകും..

അമ്മപോയതും ഞാൻ എണീറ്റു ഹാവൂ ഇന്നേക്ക് രക്ഷപ്പെട്ടു...

പിറ്റേന്നു ഹിന്ദി പിരീഡ് ഇല്ലാ ..

പിറ്റേന്ന് രാവിലെ തന്നെ ഞാൻ നേരത്തെ എണീറ്റു .
എന്നെത്തേയും പോലെ. അനിയന്റെയും ജെറിയുടെയും ശബ്ദം ഉറക്കെ കേൾകാം..
കുളിച്ചു റെഡിയായി സ്കൂളിൽ പോയി ... അടികിട്ടാത്തതിന്റെ സന്തോഷം മുഖത്തുണ്ട് ...
ക്ലാസ്സിൽ എത്തി .ലീവ് ലെറ്റർ അമ്മതന്നിരുന്നു അതുകൊടു ധൈര്യമായി ഇരുന്നു ... പെൺകുട്ടികളും. ആൺ കുട്ടികളിൽ ചിലരും ഏതോ പാഠപുസ്തകം വായിക്കുണ്ട്. ഞാൻ മാത്രം സുഖമായി ഇരുന്നു .ഇന്നലെ ലീവ് അല്ലെ അപ്പോ പിന്നെ എന്തു ചോദിച്ചാലും അതും പറഞ്ഞുഒഴിയാം...

ബെൽ മുഴങ്ങി പ്രാർത്ഥനക്കിടയിൽ അടുത്തിരിക്കുന്ന കൂട്ടുകാർ എന്തൊക്കയോ പിറുപിറുക്കുന്നു. .... അതു കഴിഞ്ഞതും ഓരോ ക്ലാസ്സിലേക്ക് ടീച്ചർമാർ എത്തിത്തുടങ്ങി
ദാ വരുന്നു ഹിന്ദി ടീച്ചർ..
പാവം ഇന്നലെ എന്നെ മാത്രം കിട്ടിയില്ല തല്ലാൻ ...
മനസ്സിൽ ചിരിച്ചുകൊണ്ടിരുന്നപ്പോൾ .. ടീച്ചർ ഇതാ എന്റെ ക്ലാസ്സിലേക്ക് ...
ഇവർ എന്തിനാ ഇപ്പോ ഇവിടേക്ക് മണിയോട് ചോദിച്ചു ...
ഡാ നമ്മുടെ ടീച്ചർക്ക് സുഖമില്ലാതെ ഇന്നലെ പോയി .
അതുകൊണ്ടു ഇവരുടെ ഹിന്ദി ക്ലാസ് ആണ് ഇന്ന് ...

എന്ത്.... അയ്യോ...

സാരം ഇല്ലടാ... പുസ്തം ഒന്നും വേണ്ടാ പദ്യം ചൊല്ലിക്കലാ ഇന്നും ...

സർവ ഈശ്വരൻ മാരെയും പ്രാകി .....
അന്നു ഏറ്റവും കൂടുതൽ അടിയും വാങ്ങി....

ഹരി....