കാലപ്രയാണം:

ക്ഷണിക ജീവിതം
കുറിച്ചിട്ട ചിന്തകൾ
കാല പ്രയാണത്തിൽ
തളിരിട്ടു, പൂ വിട്ടു,
കായായ് ഫലമിട്ടു...
പറിച്ചെടുത്തവർ രുചിച്ചറിഞ്ഞിട്ടും
ഭാവഭേദമില്ലാതവർ പിന്നെയും...

ചിന്തകൾ വളർന്നു
ആശയങ്ങൾ
അതിരു വിട്ടു പറന്നു
അനുവാചക ഹൃദയങ്ങൾ
അവർക്കു പിന്നിലായ്
അവിടെയൊന്നും
അനുഭവിച്ചറിഞ്ഞില്ല
അഹം പൊരുൾ തേടിയ
യാത്രകൾ.....

മാറുമെന്നുറച്ചവർ
മാറ്റം വരുത്തിയിന്നു പലതും
മാറ്റം കൊതിച്ചു മറ്റു പലതും
മാറ്റമില്ലാതിപ്പോഴും
മാറാത്തതായ് നിൽക്കുന്നതു
മാറുമെന്നുറച്ചവനിലെ
ചിന്തയും വികാരവും മാത്രം....

നവാബ് അബ്ദുൽ അസീസ് തലയാട്