ആവണിപ്പാട്ട്

ആവണിപ്പാട്ടിന്റെ ആവേശമോലുന്ന
ആർപ്പുവിളിയങ്ങ് ദൂരേ
ഉത്രാടപ്പൂനിലാവും ആർപ്പുവിളികളും
ആമോദത്തോടങ്ങ് ദൂരേ

തുമ്പയും മുല്ലയും തെച്ചിയും മന്ദാരവും ,
ഒന്നിച്ചു പൂക്കുന്നീനെഞ്ചിൽ! എന്റെ,യിടനെഞ്ചിൽ
മുറ്റത്തെ മാവിന്റെ പൂക്കാത്ത ചില്ലയിൽ
ചേലൊത്തൊരൂഞ്ഞാല് വേണം !

അന്നൊരുനാളിലാ,ത്തിരുവോണത്തിന് ,
ഉണ്ണികൾ മുറ്റംനിറയെ !
അഷ്ടിക്കില്ലാത്തോരും പുഷ്ടിയായ് നിറയെ,
മനം നിറഞ്ഞുണ്ണുന്നോരോണം .

അകലെയായ് കേൾക്കാമെനിക്കിന്നാ,
മാമലനാടിന്റെ പൂവിളികൾ
ഇക്കടലിനക്കരെ കോടിയുടുക്കുന്ന ,
മലനാട് പൂകുവാനെൻ മോഹം .

ബിനു കല്ലറക്കൽ.