പുനർജ്ജന്മം

ജീവിതത്തിൽ നാലാമത്തെ പുനർ ജന്മത്തിലാണ് ഞാൻ,
മൂന്ന് മരണങ്ങൾ കഴിഞ്ഞുളള ഉയർത്തെഴുന്നേല്പ് എന്ന് തന്നെ പറയാം,

കുട്ടിക്കാലത്തായിരുന്നു ആദ്യത്തെ മരണം

ബാല്യത്തിന്റെ മരണം ഒരു ഞെട്ടലോടെയല്ലാതെ എനിക്കോർമ്മിക്കാനാവില്ല,

ഞാനിന്നും ഓർക്കുന്നു ,
ആഴ്ചവസാന ദിവസമായ ഒരു ശനിയുടെ പകലിലാണ് ബാല്ല്യം എന്നെ വിട്ട് പിരിഞ്ഞത്, ജീവിതത്തിന്റെ
അതിരുകൾക്കപ്പുറത്തെ അനന്തവും അക്ഞാതവുമായ വിഹായസ്സിലേക്ക് ഒരു ചെറു പുഞ്ചിരിയോടെ ബാല്ല്യം പറന്നു പോയി,

'' തൊടിയിലെ മൂവാണ്ടൻ മാവാണെത്രേ ബാല്ല്യത്തിന്റെ മരണം ആദ്യമറിഞ്ഞത്,

മൂവാണ്ടൻ മാവിന്റെ ചില്ലയിൽ ന്യത്തം ചെയ്യാനെത്തിയ കാറ്റാണ് തുളസിയോടും, സൂര്യകാന്തിയോടും പേരമരത്തിനോടും, നെല്ലിമരത്തിനോടും വിവരം പറഞ്ഞത്,

നാല് മണിക്കാണ് മരണ വിവരം നാല് മണി പൂക്കളറിഞ്ഞത്, !

തൊടിയിലെ പേരമരത്തിൽ കെട്ടിയിരുന്ന ഊഞ്ഞാലിനടിയിൽ കിടന്ന് ഓല പന്തും, തെറ്റാലിയും മൗനമായി തേങ്ങുന്നത് വീടിന്റെ കഴുക്കോലിനിടയിലിരുന്ന് ചൂണ്ട കണ്ടെത്രേ, !!

കണ്ണാരം പൊത്തി കളിയും, അക്ക് കളിയും, അക്കിക്കുത്ത് കളിയും, വീട് വിട്ട് പോകുന്നത് ഇടവഴിയിൽ വച്ച് തുമ്പി കൾ
കണ്ടെത്രേ, !!

മുറ്റം നിറയെ തുളളിച്ചാടി നടന്ന മണിക്കിടാവ് അന്ന് തൊഴുത്തിൽ നിന്നെഴുന്നേറ്റതു പോലുമില്ലാ, !!

അഴയിൽ കിടന്നിരുന്ന വളളി നിക്കർ കാറ്റാത്താടി താഴേക്ക് വീണ് കിടന്നു,

ശരിക്കും ഒരു മരണ വീട് പോലെ, !!

അന്തരിച്ച ബാല്ല്യത്തിന് ആദരാഞ്ജലികൾ അർപ്പിക്കാൻ ആരും എത്തിയില്ലാ !!

ആത്മാവിന്റെ മോർച്ചറിയിൽ തണുത്ത് വിറങ്ങലിച്ച് കിടന്ന ബാല്ല്യത്തിന്റെ മ്യതദേഹം , ആ കാഴ്ച താങ്ങാവുന്നതിലുമപ്പുറമായിരുന്നു, !!

ബാല്ല്യം മരിച്ചതെങ്ങനെ എന്ന ചോദ്യത്തിന് പിറ്റേന്നാണ് എനിക്ക് ഉത്തരം കിട്ടിയത്, !

ബാല്ല്യത്തിന് കൗമാര രോഗമായിരുന്നത്രേ,
കൗമാരത്തിന്റെ രോഗ ലക്ഷണങ്ങൾ കണ്ടതു മുതൽ ബാല്ല്യം അതീവ ദുഃഖത്തിലും, കടുത്ത നിരാശയിലുമായിരുന്നത്രേ, !

ആത്മാവിന്റെ
 മോർച്ചറിയിൽ നിന്ന് ബാല്ല്യത്തിന്റെ മ്യതദേഹം ഏറ്റ് വാങ്ങി ഹ്യദയത്തിന്റെ പുറം പോക്കിൽ ഞാൻ ചിതയൊരുക്കി, !

പിറ്റേന്ന്,
ബാല്ല്യത്തിന്റെ ചിതാഭസ്മവുമായി ഓർമ്മയുടെ തീരങ്ങളിൽ കൊണ്ടൊഴുക്കി കളഞ്ഞപ്പോൾ ,ആ നിഷ്ക്കളങ്കമായ ബാല്ല്യ കാലം എന്നന്നേയ്ക്കുമായി എന്നിൽ നിന്ന് അകലുകയായിരുന്നു,

അതെ ഞാനറിയാതെ ഞ നൊരു കൗമാരക്കാരനാകുകയായിരുന്നു,
പൊടി മീശക്കാരനായ കൗമാരക്കാരൻ, !!

സ്വപ്നങ്ങൾ വാരി വിതറി കൗമാരം വന്നെങ്കിലും, കടുത്ത പ്രണയത്തിന്റെ ശ്വാസം മുട്ടലിൽ യൗവ്വന രോഗം പിടി പെട്ട് കൗമാരവും വേഗം വിട പറഞ്ഞു, !!

പിന്നീട്,
യൗവ്വനമെന്ന വന ത്തിൽ ജീവിത യാഥാർത്ഥ്യങ്ങളുടെ മുന്നിൽ പകച്ച് നിന്നു, ! ഒടുവിൽ, യൗവ്വന മെന്ന വന ത്തിൽ സീതയെ ഉപേക്ഷിച്ച രാമനായി ഞാൻ പ്രവാസത്തിലേക്ക് ചേക്കേറി, !
സീത യൗവ്വന വനത്തിൽ പ്രവാസിയുടെ ഭാര്യയായി നാട്ടിലും !

ഇന്ന്,
യൗവ്വനവും വിട പറയുന്ന തിരക്കിലാണ്,
അതെ,
മൂന്ന് മരണങ്ങൾ കഴിഞ്ഞുളള മദ്ധ്യവയസ്ക്കന്റെ ഉയിർത്തെഴുന്നേല്പ്പ്പ് !

ഈ ഉയിർത്തെഴുന്നേല്പ്പിലും, എന്റെ മനം
എന്നോട് തന്നെ ചോദിക്കും,

സർ, ഇനിയൊരങ്കത്തിന് കൂടി ബാല്ല്യമുണ്ടോ ???!
=============

ഷൗക്കത്ത് മെെതീൻ,
കുവെെത്ത്, !