അച്ഛന്

തിരികെയേകുവാനാവില്ലൊരിക്കലും
എന്നച്ഛനെനിക്കേകിയോരാ സ്നേഹനിധി !!
മിഴിയോരമെന്നുടെ നീർകുമിളകണ്ടനാളൊക്കെയും
ഉള്ളിലെരിയുമെന്നച്ഛനെ കണ്ടുഞാൻ

അണയിടാനാകാത്ത വാത്സല്യകടലാണെന്നച്ഛൻ
അളക്കുവാനാകാത്ത നിധിയാണെന്നച്ഛൻ
ഞാൻ കണ്ട വലിയസത്യമാണെന്നച്ചൻ
ശരിയെന്ന വാക്കിനർത്ഥമാണെന്നച്ഛൻ

ഇനിയൊരുജന്മമെനിക്കുണ്ടെന്നാകിലെൻ
മകനായ് പിറക്കേണമെന്നച്ഛൻ
തിരികെയേകുവാൻ വഴിയില്ല വേറെ
എന്നച്ഛനെനിക്കേകിയോരാ സ്നേഹനിധി ...!!

സൗമ്യ സച്ചിൻ