എൻ പ്രണയം

ഇന്നും നിൻ കാലോച്ച കേൾക്കുവാനായി
മെല്ലെ നടന്നു ഞാൻ തേടിടുമ്പോൾ

മുരളികയൂതി അരികിൽ വരൂ എൻ
ഘനശ്യാമമോഹനാം മുരളീധരാ

മഞ്ഞപ്പുടവയും ചുറ്റി വരും നിന്റെ
ചുണ്ടിൽ വിരിയുന്ന പുഞ്ചിരിയിൽ

യമുന തൻ ഓളങ്ങൾ മിന്നിത്തിളങ്ങിയോ
അമ്പിളി പൂനിലാവെന്ന പോല

രാധ തൻ കാർമുകിൽ വർണ്ണനായ്
നീയന്ന് കേളികൾ ആടി നടന്നനേരം

നിൻ പ്രേമഭിക്ഷക്കായ് നോമ്പ് നോറ്റന്നൊരു
ഗോപികയായി ഞാൻ അലഞ്ഞു

ജന്മത്തിനപ്പുറം ഇന്നും ഞാൻ നിന്നുടെ
പിൻ വിളിക്കായി കാതോർക്കയായ്

കള്ളച്ചിരി പൊഴിച്ചിന്നും നീ എന്നുടെ
മുന്നിൽ വരാതെ മറഞ്ഞിരിപ്പോ

ഏഴ് ജന്മങ്ങൾക്കപ്പുറത്തും നിൻ
പ്രണയത്തിനായി ഞാൻ കാത്തിരിക്കാം

മഞ്ജു അഭിനേഷ് 19/4/2017 ,7:00 Am