മാറ്റം

മാറ്റത്തിനു മുന്നിൽ മുഖം തിരിച്ചെന്തിനു -
മഹത്വമാണെന്നോതുന്നു വെറുതേ.

കറുത്ത ഭൂതകാലം മാറാപ്പിൽ കെട്ടിയ -
ദുഷിച്ച ചിന്തകൾ വലിച്ചെറിയുക.

നാരികളമ്പല,നടയിൽ തൊഴുന്നതു -
നാരായണനോ ,വിലക്കീടുന്നു?

മാറ്റങ്ങൾ സർവ്വവും മണ്ണിൽ പിറന്നത് പ്രജ്ഞയിൽ - ബോധ നിലാവുദിച്ചതിനാലല്ലോ.

തൊട്ടുകൂടായ്മ, തീണ്ടിക്കൂടായ്മ മാറു-
മറയ്ക്കാൻ പോലും അവകാശമില്ലായ്മ -

സിരകളിലീവിധമൂറിയോ,രടിമത്വ -
ബോധയിരുളിനുമീതേയൊരുപക്ഷി -
ചിറകു കുടഞ്ഞു പറന്നിരുന്നില്ലെങ്കിൽ -

സ്ഥിതി സമത്വ സുന്ദര ലോകത്തിന്നായി -
തൊണ്ട പൊട്ടുംമട്ടിലുറക്കെ വിളിക്കാൻ -
മാറുമറയ്ക്കാ കൂട്ടം ,തെരുവിലിറങ്ങില്ലേ യോർക്കൂ.

അച്ഛനെ പെറാൻ പോലും ഒരമ്മ വേണം -
ഒരമ്മ പിറക്കണമെങ്കിലച്ഛനും.

ഇത്രമേൽ തുല്യരായ് ഈശ്വരൻ പടച്ചിട്ടും -
തുല്യരല്ലെന്നെന്തിന് വിലപിക്കണം...

By: 

Rahul Nirgu Nan