കനലെരിയുന്നുണ്ടെന്റെ
കരളുലയിൽ...
കൺകളൊഴുകുന്നുണ്ട്
കവിളിണയിൽ.....
കവിത പിടയുന്നുണ്ടെൻ
കൈവിരലിൽ...
കാത്തിരിക്കുന്നുണ്ടെന്നെ
കാരമുൾവഴികൾ...
കണ്ണിമയ്ക്കുൾനിറയെ
കാർമേഘമാലകൾ.....
കാടുലച്ചെത്തിയതൊരു
കാറ്റിന്റെ തേങ്ങലോ....
കഥയൊട്ടുമില്ലാത്തൊരു
കടങ്കഥ ജീവിതം...
കാലത്തിൻ വഴിയിൽനീളെ
കാലിടറിയ ജന്മങ്ങൾ..
കദനത്തിന്റെ തോട്ടത്തിൽ
കാണാക്കനിയാണ് 'സുഖം'..
കണ്ണീരുണങ്ങാനിദ്രയിൽ
കാണാക്കനവുമാണ് 'സുഖം'.
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക