മാനവീയം

ഇരു മെയ്യായിരുന്നപ്പോഴും
ഒന്നായിരുന്ന
ഒരു മനമുണ്ടായിരുന്നു
നമുക്ക്.

സുബ്ഹി ബാങ്കിൽ ഉണർന്ന്
കുളിച്ച് കുറി തൊട്ട്
അമ്പലത്തിൽ പോയിരുന്ന
ഭൂതകാലമുണ്ടായിരുന്നു നമുക്ക്.

മമ്മുവും കേളുവും
കോതയും ജോയിയും
കോലായിലിരുന്ന്
ഇല്ലായ്മയുടെ
ഹൃദയങ്ങൾ
പങ്കുവെച്ചിരുന്നു.

മമ്പുറത്തുപ്പാപ്പയും
കോന്തുനായരും
മങ്ങാട്ടച്ചനും
കുഞ്ഞായനും
മരക്കാരലിയും
സാമൂതിരിയും
നട്ടുനനച്ച്
കൊയ്തെടുത്ത
മാനവികതയുടെ
കതിർ മണികൾ
കൊത്തിപ്പറക്കാൻ
വന്ന പിശാചുകൾക്കെതിരെ
പുതിയ കൂട്ടായ്മകൾ തീർക്കാം

ശബ്നം സിദ്ദീഖി