നിഴൽ

പൊന്നുഷസ്സിൽ ചേരുമെൻ സൗഹൃദം

മൗനമായ് എന്നോട് ചേർന്നിടും തോഴി

ചിരിതൻ കിലുക്കവും തേങ്ങലിൻ താളവും

കേൾക്കാതെ കൂടെ നടക്കുമെൻ തോഴി

പ്രണയത്തിൻ ചൂടും വിരഹത്തിൻ നോവും

എന്തെന്നറിയാതെ കൂടെയെൻ തോഴി

മധ്യാഹ്നചൂടിലെൻ പാദം പുണരുവാൻ

ഒരു കൊച്ചു തോഴിയായ് കൂടെ വരും

ജീവന്റെ പാതയിൽ മോഹത്തിൻ കൂട്ടായി

പിടയുന്നു എൻ പ്രിയ തോഴിയവൾ

മൂവന്തി ചെമ്പൂ വിരിയുന്ന വേളയിൽ

നേർവഴി കാട്ടി മുൻപേറുമെൻ തോഴി

എന്നോട് ചേർന്നു നടക്കുകയല്ലാതെ

എൻ മേലെയേറാൻ കൊതിക്കില്ല എൻ പ്രിയ

വെള്ളി വെളിച്ചത്തെ മൂടുവാനാകുമെന്ന

റിയാതെ കൂടെ നടക്കുമെൻ തോഴി

മഞ്ജു അഭിനേഷ് 15/4/2017 , 1 : 17 Pm