നന്മ കാണുക

നന്മ നശിച്ചു,ലോകം അന്ധകാരത്തിൽ ,എങ്ങും ചതിയും വഞ്ചനയും.....ഇത് മാത്രമാണ് കേൾക്കുന്നത്.
അയൽക്കാർ തമ്മിലായാലും സൂഹൃദ സംഭാഷണത്തിനൊടുവിൽ പറയുന്ന വാക്കുകൾ ഇത് മാത്രം..എന്ത് ചെയ്യാനാ ,ലോകം നശിച്ചു,എന്തൊക്കെയാ കേൾക്കുന്നത്'...
നമുക്കിവിടെ തുടങ്ങാം.ഓർമ്മവെയ്ക്കുന്ന കാലം മുതൽ നമ്മൾ നല്ലതും ചീത്തയുമായ അനുഭവങ്ങൾ കണ്ടിട്ടുണ്ട്,കേട്ടിട്ടുണ്ട്,അനുഭവിച്ചിട്ടുണ്ട്.ഒരുപക്ഷെ,ഓരോ തലമുറയ്ക്ക് പിൻപും ഇത് തന്നെയാവും അനുഭവങ്ങൾ.
അങ്ങനെ നോക്കിയാൽ ലോകത്തിന്റെ നന്മ തിന്മകൾ അവസാനിക്കാതെ തുടരുന്നു.വിലാപങ്ങളും......
ഇനി നമ്മുടെ ചുറ്റുമൊന്ന് കണ്ണോടിക്കാം.നല്ലതിനേക്കാൾ,മോശമായവ ആയിരിക്കും നമ്മുടെ കണ്ണിൽആദ്യം പെടുന്നത്.
ഇനിയൊന്നു സ്വയം വിലയിരുത്താം.എന്തുകൊണ്ടാണ് മോശമായത് നമ്മുടെ കണ്ണിൽ ആദ്യം കണ്ടത്.സംശയം വേണ്ട.മോശമായത് മാത്രം കാണാനുള്ള കഴിവാണ് നമുക്കുള്ളത്.
അതായത്,നെഗറ്റീവ് ആദ്യം..പോസിറ്റീവ് രണ്ടാമത് .
അതായത്,നമ്മുടെ ജീവിതത്തിൽ മോശപ്പെട്ട കാര്യത്തിനാണ് നമ്മൾ ഒന്നാം സ്ഥാനം കൊടുക്കുന്നത്.
ഒരു നിമിഷം തിരിച്ചു ചിന്തിച്ചാൽ ചിലപ്പോൾ നമ്മുടെ നാട് തന്നെ മാറ്റപ്പെടും.വീടിനുള്ളിലായാലും,പുറത്തായാലും ആദ്യം നമ്മുടെ കണ്ണിൽ പെടുന്ന വ്യക്തി,അല്ലെങ്കിൽ വസ്തുവിന്റെ അനുകൂല വശം ,അഥവാ positive side ആദ്യം നമ്മൾ ശ്രദ്ധിക്കാൻ ശ്രമിക്കുക.
അപ്പോൾ തന്നെ നമ്മുടെ വ്യക്തിത്തം മാറിക്കഴിഞ്ഞു.
പ്രഭാതവന്ദനം കൊടുക്കുമ്പോഴും മനസ്സ് നിറഞ്ഞു 'ശുഭദിനം സുഹൃത്തേ ' എന്ന് പറയുമ്പോൾ തന്നെ അയാൾക്ക് ആദിവസം മുഴുവൻ സന്തോഷമുണ്ടാവാൻ നമ്മൾ പകർന്ന പോസിറ്റീവ് എനർജി മാത്രം മതിയാകും.
അങ്ങനെ കണ്ടുമുട്ടേണ്ടി വരുന്ന ഓരോരുത്തരിലും ഈ പോസിറ്റീവ് എനർജി നിറയ്ക്കാൻ ഒരു പുഞ്ചിരി മതിയാവും.
സങ്കടങ്ങൾ ഇല്ലാത്തവരില്ല.പരസ്പരം പങ്കുവെക്കുന്ന നന്മയുള്ള വാക്കോ ചിരിയോ മതിയാവും ഈ ജീവിതത്തിന്റെ തോണി തുഴയാൻ എല്ലാവർ്ക്കും ഊർജ്ജമേകാൻ.
....അതുകൊണ്ട് ഇനി മുതൽ സൗഹൃദ സംഭാഷണത്തിനിടയിൽ ഈ ലോകം നമുക്ക് മനോഹരമാക്കാം എന്ന് പറയാൻ ഓരോരുത്തരും ശ്രമിച്ചാൽ അത് മതി ഈ പ്രകൃതിയിൽ പോസിറ്റീവ് എനർജി നിറയാൻ.
ചുറ്റുമുള്ളതിലൊക്കെ നന്മ കാണുക.മനസ്സിലും ജീവിതത്തിലും സന്തോഷം നിറയട്ടെ.

By

Nisa Nair