പ്രിയതേ,
ഇന്നു ഞാൻ
നമിക്കുന്നു നിന്നെ..
ഇന്നു ഞാൻ
നമിക്കുന്നു നിന്നെ..
യാത്ര പറയാൻ
മടിക്കുന്നു ഞാൻ
മടിക്കുന്നു ഞാൻ
നിഴലായ്
നീയെത്ര നാൾ,
നിറമേകിയെൻ
കരളിൽ
തുടിക്കുന്നുവോ!
നീയെത്ര നാൾ,
നിറമേകിയെൻ
കരളിൽ
തുടിക്കുന്നുവോ!
വിജനമാം വീഥികളെന്നെ
വിളിക്കുന്ന നേരമോ
വിളിക്കുന്ന നേരമോ
വിഫലമായോ....
പ്രിയതേ നിൻ
വിരലിൻ തലോടൽ?
പ്രിയതേ നിൻ
വിരലിൻ തലോടൽ?
പുണരുമോ
ഒരു രാവുകൂടി
എന്നിലലിയുമോ?
ഒരു രാവുകൂടി
എന്നിലലിയുമോ?
ചിരി മൂടി നിൻ
മിഴി നിറയാതിരിക്കാൻ
കുറുനിര തഴുകി
തളരാതെയെൻ
വിരലുകൾ !!
മിഴി നിറയാതിരിക്കാൻ
കുറുനിര തഴുകി
തളരാതെയെൻ
വിരലുകൾ !!
മിഥ്യയെന്നറിയണം
വരും കാലമെന്നെ
വരും കാലമെന്നെ
നിൻ മിഴികൾ...
പുതു മലർ തേടി
പുലരിയിലേക്കൊന്നിറങ്ങണം
പുതു മലർ തേടി
പുലരിയിലേക്കൊന്നിറങ്ങണം
പ്രിയ രാവുകളെല്ലാം
വരും കാലമേകുമെന്നറിയണം!
വരും കാലമേകുമെന്നറിയണം!
ചിരിയോടെ നീ-
യെനിക്കൊരു
ചെറു ചുംബനം
ചേർന്നിരുന്നേകണം
യെനിക്കൊരു
ചെറു ചുംബനം
ചേർന്നിരുന്നേകണം
നിൻ വിരൽത്തുമ്പി -
ലെൻ കണ്മണിയെ
നോവറിയിക്കാതെ
നോക്കണം
ലെൻ കണ്മണിയെ
നോവറിയിക്കാതെ
നോക്കണം
പ്രിയതേ...
ഞാൻ മടങ്ങുന്നു
നിൻ മിഴികൾ
തിരിക്കുക!
നിന്നുടലകറ്റുക!
എന്നെ മറക്കുക!!
ഞാൻ മടങ്ങുന്നു
നിൻ മിഴികൾ
തിരിക്കുക!
നിന്നുടലകറ്റുക!
എന്നെ മറക്കുക!!
പ്രിയതേ........
ഗോപകുമാർ കൈമൾ
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക